Yuda 1:4 - Eriragano Erihya

⁴ Ndabhangʼoorera enyarubha inu, kwa okubha, abhantu nyabhurebhe bhanú bhatakumwigwa Waryubha, bheesoherye gati yeenyu bhugunyi na okwisanganʼya na bheenyu. Abhantu bhayo, bharagamba ega, eriruguto rya Waryubha weetu rirabheekiririrya okugwata orunamba rwabho orubhiibhi rwa omubhiri. Na bharamwanga Yeesu Kiristu, Omukangatya na Omukuru weetu omumwemwe. Nawe, okwambira akare yaangʼoorwa ega, abhantu bhayo, bharibhuturirwa ekiina kya ego abhandi bhaamara okubhuturirwa ekiina.

Yuda 1:4 ပူးပေါင်းရင်းမြစ်များ

Mataayo 13:25

Nawe, hanú abhantu bhaaringa bhareeri, omusigu waaye akaaja, akahamba orujama mugingano, akamara akagya.

Yoana 17:3

Obhuhoru bhwa koko mbo bhunu, abhantu bhakumanye uuwe, unú ngʼ-Waryubha owa heene omwenego, kweki bhamanye oni Yeesu Kiristu, unú waantuma kubheene.

Amakorwa ga Abhatumwa 11:23

Hanú yaahika eyo, akarora kya ego Waryubha abhanonkeri abhantu bhayo. Akajomerwa, akabhateremya ega, bhagendererye okumwigwa Omukuru Yeesu kwa omutima gwabho gonsego.

Amakorwa ga Abhatumwa 15:24

Twigwiri ega, abharikyetu bhaaja eyo, okurwa enu, bhakabhanyankya kwa amangʼana gaabho, mukoobhoha. Nawe, bheetu tutaabhatuma.

Abhagaratia 2:4

Eringʼana rya okusaarwa riyo, ryabhuribhwa na abhantu bhanú bhaaringa bhareekorya ega, m-bahiiri bheetu kuimani, nawe, bheesohya bhugunyi okwikomya obhwiyagaari bhwetu bhunú twahaanwa na Kiristu Yeesu. Ensonga yaabho, yaaringa nu-kutukora tubhe abhagaya bha amaragiriryo ga Musa.

Abhagaratia 5:13

Abhahiiri bhaani kuimani, Waryubha abhabhirikiiri, naho mwiyagaare. Nawe, obhwiyagaari bhwenyu, bhutabhakora mubhe na omweya gwa okugwata orunamba orubhiibhi rwa omubhiri, nawe, mubheeranenga kwa obhuhanje.

Abhaefeso 4:14

Hayo tutarihumbibhwa enu na enu kya abhaana abharera, kwa emiyaga gya ameehigiryo ganú abhantu abhangʼeenererya bhareebhukya. Abhantu bhayo, oranyoora bhareenda bhabhahabhye kwa ameehigiryo gaabho aga obhubheehi.

1 Timoteo 5:8

Omuntu wowonse unú atakutuga abhahiiri bhaaye, ekinene abha iika owaaye, uyo arabha atigiri eimani, kweki arabha omubhiibhi okukira unú atakwikirirya.

2 Timoteo 2:12

Nyoore tureekongʼererya, turitunga hamwi nawe. Nyoore turamwanga weeki, wonse aritwanga.

2 Timoteo 3:6

Gati ya bhayo, bharimo bhanú bharasoha mumigi gya abhantu, kwa orunamba orubhiibhi, na okungʼeenererya abhakari abhakangi bhanú bhaaruhirwa na orunamba rwa obhusarya, na okugwatwa na orunamba rwa amanga amaaru.

1 Petero 2:16

Mwikare kwa okwiyagaara, nawe mutatumira obhwiyagaari bhuyo, okukora amabhiibhi, mumenye kya ego abhagaya bha Waryubha bhareenderwa okumenya.

1 Petero 2:8

Kweki, Amangʼoore garagamba ega, “Erigina riyo ni-rigina rya okwikuujura, ni-ritare rya okugwisya abhantu.” Abhantu bhareekuujura kwa okubha bhatakugwata Amangʼana ga Waryubha, na ego niigo bhaaringa bhaseemeriibhwe okurwa akare.

1 Petero 4:18

Amangʼoore Amarabhu garagamba ega, “Nyoore m-bukongʼu kumuheene okutuuribhwa, eribha egaki kumusarya unú atakumwigwa Waryubha?”

2 Petero 2:10

ekinene bhanú bharagwata orunamba rwa amangʼana amabhiibhi ga omubhiri na okujeera obhutungi bhwa Waryubha. Abheehigirya bha obhubheehi bhayo, bharahakaana na bhareerora, bhatakoobhoha okutuka ebhibhumbwa bhya obhukuru bhinú bhiringi murwire.

2 Petero 2:7

Nawe, Waryubha yaamutuurya Ruutu, omuntu omuheene, unú yeetwa omutima bhukongʼu, kwa eginteemo egimbiibhi egya abhantu abhasarya bharya.

2 Petero 3:7

Nawe, kwa eringʼana riryarirya, Waryubha yaamura ega, orwire na ekyaro ekya bhoonwego, bhirisambwa na omururo. Bhiriho bhiraangararirwa okuhikira orusiku runú aribhabhuturira ekiina na okubhasikya abhantu bhanú bhatakumwigwa weeki.

1 Yoana 2:22

Omubheehi ngʼ-uuha? Omubheehi m-muntu wowonse unú araanga ega, Yeesu ataringi Kiristu Omutuurya. Wowonse unú aramwanga Taata Waryubha na Omwana waaye Yeesu, uyo ngʼo omwangi wa Kiristu.

Yuda 1:15

naho abhuturire ekiina abhantu bhonsego na okujibhya bhonsego bhanú bhatakumwigwa. Aribhajibhya kwa amakorwa gaabho amabhiibhi gonsego, ganú bharakora kwa okwanga okumwigwa weeki, hamwi na amangʼana gonsego amabhiibhi ganú abhakori bha obhusarya bhayo, bharagamba eguru yaaye.”

Yuda 1:18

Bhaabhakeerya ega, “Eribhaga rya obhuteero bhariibhuka abhantu bha okujeera, bhanú bharibhanga bharagwata orunamba rwabho orubhiibhi rwa okubhahabhya abhandi.”

Obhukundukuri 15:4

Ee Omukuru, abhantu bhonsego bharikwigwa, na okugungya eriina ryaho, kwa okubha uuwe omwenego nuuwe omurabhu. Abhantu bha ebhyaro bhyonsego bhariija na okukusyengera, kwa okubha amakorwa gaaho ga heene gabheeri kubhurabhu.”