Yuda 1:24 - Eriragano Erihya

²⁴ Waryubha ngʼo yaana obhuturo bhwa okubhaangararira mutabhura, na okubhareeta bheenyu bira amasoro embere ya obhukuru bhwaye, enu murajomerwa bhukongʼu.

Yuda 1:24 ပူးပေါင်းရင်းမြစ်များ

Mataayo 16:27

Ndagamba ego, kwa okubha Omwana wa Adamu ariija hamwi na bhamaraika bhaaye mubhukuru bhwa Taata. Hayo nho, arimuriha kira omuntu okurekana na ebhikorwa bhyaye.

Mataayo 19:28

Yeesu akabhakeerya ega, “Ndabhakeerya obhuheene ega, eribhaga rinú oni, Omwana wa Adamu, ndibha nikeeri kukitumbi kya obhukuru bhwani, mukyaro ekihya, bheenyu bhanú mwansoorana bhonse muriikara kubhitumbi ekumi na bhibhiri, okubhuturira ekiina amakabhira ekumi na gabhiri ga Isiraeri.

Mataayo 25:31

Yeesu akagendererya okuhaira na abheehigira bhaaye ega, “Omwana wa Adamu hanú arihunjuka mubhukuru bhwaye, hamwi na bhamaraika bhonsego, nho, ariikara kukitumbi kyaye kya ekikama.

Mataayo 5:12

Mujomerwe na okukiririrya kwa okubha omutuho gwenyu murwire m-munene, ego niigo bhaabhanyankya abharooti bhanú bhaaringa-ho akare.

Ruuka 9:26

“Wowonse unú arandorera eginsoni oni, na ameehigiryo gaani, uyo ngʼo oni Omwana wa Adamu wonse ndimurorera eginsoni, runú ndihunjuka okurwa murwire, na bhamaraika abharabhu, ndingi mubhukuru bhwani na mubhukuru bhwa Taata.

Abharuumi 14:4

Uuwe otaana obhutungi bhobhonse bhwa okubhuturira ekiina omugaya wa omuntu oundi. Omukuru waaye ngʼo amanyiri, nyoore omugaya waaye areegumirirya kuimani, kasi atakwigumirirya kuimani. Wonse areegumirirya kwa okubha Omukuru Yeesu, aratura okumukora yeegumirirye.

Abharuumi 8:31

Mbe bhoono, tugambe-ki eguru ya amangʼana gayo? Nyoore Waryubha aringi orubhaara rwetu, niwi aratura okutuhiga?

2 Abhakorinto 11:2

Oni niina erihari na bheenyu, erihari rinú rirarwa ku Waryubha, kwa okubha muringi kya omuhara unú atamanyiri omusaaja, unú naamurombera obhuko na omusaaja oumwi, unú n-Kiristu.

2 Abhakorinto 4:14

Tumanyiri ega, Waryubha unú yaamuhyukya Omukuru Yeesu, arituhyukya na bheetu, na aritutuura embere yaaye hamwi na bheenyu.

2 Abhakorinto 4:17

Ndagamba ego, kwa okubha eginyanko gyetu ni-nhuhu na n-gya eribhaga ekego. Kweki, giratuseemerya obhukuru bhwa koko. Obhukuru bhuyo, m-bunene bhukongʼu, bhuratukora okurora ega, eginyanko giyo, ni-nkego.

Abhaefeso 3:20

Mbe, Waryubha agungibhwe, weeki aratura okukora amangʼana ga okuruguurya bhukongʼu, okukira ganú turamusabha, kasi kora ganú tureeganirirya ega, aratura okukora. Weeki arakora okuringʼaana na eginguru ginú girakora emirimu munsi weetu.

Abhaefeso 5:27

Yeendanga yeenyoorere erikanisa erirabhu, rinú ritaana akakorikori kora amasoro gogonse.

Abhakorosai 1:22

Kwa enjira ya omubhiri gwa Kiristu, kwa okukwa kwaye, yaabhagwatanʼya naho abhareete embere yaaye mubheeri abharabhu bha omutima, mutaana akakorikori kora amasoro.

Abhakorosai 1:28

Kiristu ngʼo turaraarika amangʼana eguru yaaye, enu turakemera na okwihigirya kira omuntu kwa egintungwa gyonsego. Turamuraarika weeki, naho tubhareete abhantu bhonsego embere ya Waryubha, bhabhe bhanagiri okurekana na okugwatana kwabho na Kiristu.

Abhakorosai 3:4

Obhuhoru bhwetu bhurarekana na Kiristu. Eribhaga rinú arimaahikana, nho na bheenyu murisanga hamwi nawe mubhukuru bhwaye.

2 Timoteo 4:18

Omukuru arintuurya okurwa kukira eringʼana eribhiibhi, na okunyangararira okuhikira nhike mubhukama bhwaye bhwa murwire. Omukuru agungibhwe koko na koko. Amina.

Yakobho 2:10

Omuntu akaagwata amaragiriryo gonsego, nawe, asarye eriragiriryo rimwi, arabharwa ega, asarirye gonsego.

1 Petero 4:13

Nawe, mujomerwe ega, muranyanka, kya ego Kiristu yaanyanka, naho muriija okubha na obhujomerwa deke, eribhaga rinú obhukuru bhwaye bhuryorokibhwa harabhu.

2 Petero 1:10

Mbe bhoono, abhahiiri bhaani kuimani, mukore ekituunyo bhukongʼu okoorokya ega, Waryubha abhabhirikiiri na okubhasora. Nyoore mureekarenga ego, mutarihabha kora rumwi,

Yuda 1:21

Mwiyangararire okunaga kubhuhanje bhwa Waryubha, enu muraganyirira Omukuru weetu Yeesu Kiristu, abhamaahire ekyabhira naho okubhasohya mubhuhoru bhwa koko.

Obhukundukuri 14:5

Bheeki bhataakagambiri obhubheehi, kora bhataaringa na amasoro gogonse.