Yuda 1:23 - Eriragano Erihya

²³ abhandi mubhatuurye kwa okubhasaka okurwa mubhujibhu bhwa omururo gwa koko. Na abhandi mubhamaahirenga ekyabhira, nawe, mwiyangararirenga na okubha ahare na obhubhiibhi bhwabho.

Yuda 1:23 ပူးပေါင်းရင်းမြစ်များ

Abharuumi 11:14

Ndeesiga ega, okuhitira emirimu gyani, Abhaisiraeri abharikyani bhabhe na erihari rya okunyoora obhutuurya bhunú bheenyu mwanyoora, naho gati yaabho bhonse bhatuuribhwe.

1 Abhakorinto 15:33

Mutangʼeenwa na abhantu bhanú bharagamba ego, kwa okubha, “Abhasaani abhabhiibhi bharasarya enteemo enjomu.”

1 Abhakorinto 3:15

Nawe, nyoore emirimu gya omuntu girirungura, hayo atarinyoora omutuho, nawe, weeki omwene arituuribhwa, kya omuntu unú ahoneeri orwa okwagura, okusoha mumururo.

2 Abhakorinto 5:11

Mbe, tumanyiri ega, tureenderwa okumusuuka Omukuru. Kwa ego, turakora ekituunyo okuruta abhantu abhandi, naho bhamwikirirye. Waryubha atumanyiri bhujomu kya ego turingi, na oni ndeesiga ega, na bheenyu mutumanyiri bhujomu mumeetegeerero geenyu.

2 Abhatesaronike 3:14

Nyoore omuntu wowonse atakwenda okugwata amaragiriryo geetu, ganú garingi kunyarubha inu, mwiyangararire na omuntu uyo. Mutagwatana nawe, naho arore eginsoni.

1 Timoteo 4:16

Wiyangararire uuwe omwene, wangararire na ganú oreehigirya. Ogume kumangʼana gayo, kwa okubha kwa okukora ego, oriituurya uuwe omwene na bhanú bharakwitegeerera.

2 Yoana 1:11

Omuntu wowonse unú araamukeeranʼye kwa enkeeranʼya iyo, arabha agwateeni nawe, kumirimu gyaye emibhiibhi ginú arakora.

Yuda 1:22

Mwabhirenga abhantu abhandi bhanú bhaana enkubhi,

Obhukundukuri 3:18

Kwa ego, ndabhatongera mugure kuoni ejahaabhu inú yoogiibhwe kwa omururo, naho mubhe abhaniibhi. Na mugure emyenda emirabhu mwibhohe, mukundikirye ekinaabhi kyenyu, naho mutarora eginsoni. Kweki mugure eryogo rya okuhaka kumeeso geenyu, naho muture okurora bhwaheene.

Obhukundukuri 3:4

“Nawe, gati yeenyu bhariho abheekirirya abhakego, Saridi eyo, bhanú bhatarakonʼya emyenda gyabho kwa obhusarya. Mbe, bhayo mbo bharibha hamwi na oni, enu bheebhohiibhwe emyenda emirabhu, kwa okubha mbo bhareenderwa okukorerwa ego.