Yuda 1:21 - Eriragano Erihya

²¹ Mwiyangararire okunaga kubhuhanje bhwa Waryubha, enu muraganyirira Omukuru weetu Yeesu Kiristu, abhamaahire ekyabhira naho okubhasohya mubhuhoru bhwa koko.

Yuda 1:21 ပူးပေါင်းရင်းမြစ်များ

Yoana 1:17

Okurwa akare, Waryubha yaaruusya amaragiriryo gaaye, okuhitira ku Musa, na bhoono aruusirye eriruguto ryaye na obhuheene bhwaye, okuhitira ku Yeesu Kiristu.

Yoana 14:21

Omuntu wowonse unú aragwata emigiro gyani, uyo ngʼo yaanhanjiri. Na unú yaanhanjiri, Taata wonse aramuhanja. Na oni ndimuhanja na okwiyorokya kumwene.”

Amakorwa ga Abhatumwa 11:23

Hanú yaahika eyo, akarora kya ego Waryubha abhanonkeri abhantu bhayo. Akajomerwa, akabhateremya ega, bhagendererye okumwigwa Omukuru Yeesu kwa omutima gwabho gonsego.

Abharuumi 5:21

Mbe, obhusarya bhwaringa na eginguru gya okutunga abhantu, na okubhareetera oruku. Egoego, eriruguto riratunga abhantu na okubhabharira okubha abha obhuheene. Rirahaana abhantu obhuhoru bhwa koko, okuhitira ku Mukuru weetu Yeesu Kiristu.

Abharuumi 5:5

Obhwisige bhuyo, bhutakutura okukora turore eginsoni, kwa okubha Waryubha atuhumiriiri obhuhanje bhwaye mumitima gyetu, okuhitira Omutima waaye Omurabhu.

Abharuumi 6:23

Omuntu wowonse unú m-mugaya wa obhusarya, amariho gaaye, n-duku rwa koko. Nawe, bheetu Waryubha aratuhaana obhuhoru bhwa koko. Obhuhoru bhuyo bhutaringi amariho, nawe, m-mutuho gunú turanyoora okuhitira Kiristu Yeesu, Omukuru weetu.

2 Abhatesaronike 3:5

Omukuru abhoorokererye okumanya bhukongʼu, obhuhanje bhwa Waryubha na obhwikongʼererya bhunú bhoorokibhwa na Kiristu.

1 Timoteo 1:2

Ndakungʼoorera uuwe Timoteo omwana waani wa obhuheene kuimani. Ndakwendera eriruguto, ekyabhira na omurembe okurwa ku Taata Waryubha na ku Kiristu Yeesu Omukuru weetu, bhibhe hamwi na uuwe.

2 Timoteo 1:16

Ndamusabha Omukuru Yeesu yaabhire abhantu bha owa Onesiforo, kwa okubha mara kaaru yaaringa aransambaarukya. Kweki, ataandoreranga eginsoni kwa okubha ndingi mukibhohe.

2 Timoteo 1:18

Uuwe omanyiri bhujomu, kya ego yaambeeranga amaaru, mumugi gwa Efeso eyo. Omukuru Yeesu amusabhire Onesiforo ekyabhira ku Mukuru Waryubha, orusiku rurya rwa okubhutura ekiina.

2 Timoteo 1:2

Ndakungʼoorera uuwe Timoteo, omwana waani omuhanje. Ndakwendera eriruguto, ekyabhira na omurembe okurwa ku Taata Waryubha, na ku Kiristu Yeesu Omukuru weetu, bhibhe hamwi na uuwe.

2 Timoteo 4:8

Bhoono, ndaganyirira okuhaanwa eritaaji, kwa okubha neekara kwa obhuheene embere ya Waryubha. Omukuru Yeesu Omubhuturi wa ekiina owa obhuheene, arintuha orusiku runú ariija. Ntaringi oni omwenego, na abhandi bhonsego bhanú bhareegomba, okuhunjuka kwaye.

Abhaebhurania 9:28

Egoego Kiristu yaaruusibhwa okubha ekimwenso rumwigo, naho agege obhusarya bhwa abhantu abhaaru. Kweki Kiristu ariija orwa kabhiri, kwibhaga riyo atariija okuruusya-ho obhusarya. Nawe, ariija okubhahaana obhutuurya abhantu bhanú bharamuganyirira kwa ekituunyo.

2 Petero 3:12

enu muraganyirira orusiku rwa Waryubha ruyo, na okukomererya ega, ruuje bhwangu. Orusiku ruyo, ndo Waryubha arisamba orwire kwa omururo na okurusikya, na ebhintu bhinú bhirimo, bhirirungura chwe!

1 Yoana 4:16

Bhoono bheetu, tumanyiri na tureekirirya obhuhanje bhunú Waryubha yaanabho kubheetu. Waryubha m-buhanje. Kira omuntu unú areekara kwa obhuhanje, areekara obhumwi na Waryubha, na Waryubha wonse areekara obhumwi na weeki.

1 Yoana 5:18

Tumanyiri ega, kira omuntu unú abheeri omwana wa Waryubha, atakugendererya okukora obhusarya, kwa okubha Yeesu Kiristu Omwana wa Waryubha aramwangararira, na omusarya urya Erisambwa, atakunagya okumukora kyokyonse.

1 Yoana 5:21

Abhaana bhaani abhahanje kuimani, mwiyangararire mutasyengera ebhisusano.

Yuda 1:1

Enyarubha inu, erwiri kuoni Yuda, omugaya wa Yeesu Kiristu na omumura waabho Yakobho. Ndabhangʼoorera bheenyu bhanú mwabhirikirwa na Taata Waryubha, bheenyu bhanú mureekara mubhuhanje bhwaye, na okwangararirwa bhwaheene na Yeesu Kiristu.

Yuda 1:22

Mwabhirenga abhantu abhandi bhanú bhaana enkubhi,

Yuda 1:24

Waryubha ngʼo yaana obhuturo bhwa okubhaangararira mutabhura, na okubhareeta bheenyu bira amasoro embere ya obhukuru bhwaye, enu murajomerwa bhukongʼu.

Obhukundukuri 12:11

Abheekirirya abharikyetu bhamuhigiri kwa amanyinga ga Omwana wa Eringʼondi, na kwa obhwimiririri bhunú bhaaruusya. Bhataarora obhwera bhwa obhuhoru bhwabho, bhaaringa bheeseemerye okukwa kurusumo rwa okwikirirya Omwana wa Eringʼondi.