Yuda 1:20 - Eriragano Erihya

²⁰ Nawe, bheenyu abhahanje bhaani, munage kuimani yeenyu, inú erarwa ku Waryubha, na mubhenga murasabha okuringʼaana na kya ego Omutima Omurabhu arabhoorokererya.

Yuda 1:20 ပူးပေါင်းရင်းမြစ်များ

Amakorwa ga Abhatumwa 15:9

Waryubha ataatuura-ho ekisorooro gati yeetu na bheeki, kwa okubha bhonse yaabharaama emitima gyabho, kwa enjira ya okumwikirirya Yeesu.

Amakorwa ga Abhatumwa 26:18

naho obharibhure ameeso, bheehunjure okurwa mukisunte, bhasohe mundingaasi, bharwe mubhutungi bhwa Erisambwa, bhamwihunjurire Waryubha. Kwa okukora ego, nho bharyabhirwa obhusarya bhwabho, bharibha hamwi na abhandi bhonsego, bhanú bhaaraamwa kwa enjira ya okunyikirirya oni.’

Amakorwa ga Abhatumwa 6:7

Abheekirirya bhaagendererya okubharaarikira abhantu abhaaru eringʼana rya Waryubha, na erisaabhu ryabho ryagendererya okwaruha bhukongʼu, mumugi gwa Yerusaremu. Kora abhasyengeri abhaaru bhaamwigwa Waryubha kwa okumwikirirya Omukuru Yeesu.

Amakorwa ga Abhatumwa 9:31

Kuginsiku giyo, erikanisa ryabha na omurembe mbaara gyonsego gya ebhyaro bhya Yudea, Gariraaya, na Samaria. Abheekirirya bhaagendererya okunaga na okumwigwa Omukuru Yeesu. Na kwa obhuhorisya bhwa Omutima Omurabhu bhaagendererya okwaruha.

Abharuumi 15:2

Kira oumwi weetu, akore ekituunyo okukora amangʼana ganú gaana obhwera kumwikirirya omurikyaye, naho wonse anage kuimani yaaye.

Abharuumi 8:15

Waryubha ataabhahaana Omutima Omurabhu, naho mubhe kweki abhagaya bhanú bharoobhoha, nawe, yaabhahaana Omutima Omurabhu, naho mubhe abhaana bhaaye. Omutima uyo ngʼo aratubheera okumubhirikira Waryubha, “Aba,” ensonga yaaye niiga, “Taata!”

1 Abhakorinto 1:8

Waryubha aribhakora munage okuhikira kubhuteero, naho mutariija okubha na amasoro, orusiku runú Omukuru weetu Yeesu Kiristu ariija okubhuturira ekiina abhantu.

1 Abhakorinto 10:23

Abhantu abhandi gati yeenyu bharagamba ega, “Ebhintu bhyonsego bhiikiririibhwe.” Nawe, oni ndagamba ega, bhitaringi bhyonsego bhinú bhiina obhwera kubheetu. Kweki bharagamba ega, “Ebhintu bhyonsego bhiikiririibhwe.” Nawe oni ndagamba ega, bhitaringi bhyonsego bhinú bhirakora eimani enage.

1 Abhakorinto 14:15

Bhoono ndeenderwa nkore-ki? Nsabhe kwa omutima kwa ekigambo ekindi, kweki nsabhe kwa obhungʼeeni, niimbe kwa omutima kwa ekigambo ekindi, kweki niimbe kwa obhungʼeeni.

1 Abhakorinto 14:26

Abhahiiri bhaani kuimani, tugambe egaki? Hanú mureekumanʼya okusabha, oumwi yeembe, oundi yeehigirye, oundi agambe ganú Waryubha amutubhuriiri, oundi agambe ekigambo ekindi, na oundi ahunjure ganú garagambwa kwa ekigambo ekindi. Gonsego gakoreke kurusumo rwa okukora abheekirirya bhanage kuimani.

Abhagaratia 4:6

Na kwa okubha bheenyu mubheeri abhaana bha Waryubha, Waryubha yaatuma Omutima wa Omwana waaye, mumitima gyetu. Omutima uyo, ngʼo aratukora tumubhirikire Waryubha “Aba,” ensonga yaaye niiga, “Taata.”

Abhaefeso 4:12

Yaakora ego, ature okuseemerya Waryubha abhantu, bha okumukorera emirimu, naho abheekirirya bhayo bhonsego bhanage kya omubhiri gwa Kiristu.

Abhaefeso 4:16

Weeki aragwatanʼya abhantu bhaaye bhonsego bharabha bhamwi, kya ego emiki giragwatanʼya ebhiroobhero bhya omubhiri, gurabha gumwi. Nyoore kira ekiroobhero kiraakore emirimu kya ego ereenderwa, gurakiina na okunaga. Abheekirirya bhonse niigo, nyoore kira oumwi weetu araakore emirimu ginú Kiristu yaatuhaana kya ego ereenderwa, turanaga kwa okuhanjana.

Abhaefeso 4:29

Eminwa gyenyu gitagamba amangʼana amabhiibhi. Nawe, gigambe amangʼana amajomu ga okuhagaaja abhandi okurekana na obhwendi bhwabho. Gayo, garatura okubha na obhwera kubhanú bharageetegeerera.

Abhaefeso 6:18

Mubhenga murasabha eribhaga ryonsego, okuringʼaana kya ego Omutima Omurabhu arabhoorokererya. Na hanú muraasabhenga, mutumirenga amanga gonsego ga amasabho na egisaara. Mutengeejenga kurusumo rwa eringʼana riyo, na munage okubhasabhira abhantu bha Waryubha bhonsego.

Abhakorosai 2:7

Mugendererye okunaga, na okukiina kubhumwi bhwenyu na Kiristu. Mugume kuimani kya ego mweehigiribhwa. Kweki mubhenga muramukumya Waryubha bhukongʼu.

1 Abhatesaronike 5:11

Mbe bhoono, mwikongʼererye okuhorisanʼya na okuteremanʼya emitima kya ego murakora.

1 Timoteo 1:4

Obhakaanʼye bhatigane na amagano ganú gataana obhwera, na okwitonda amariina ga eginganda gya bhajaaji ginú gitaana obhuteero. Bhiyo mbyo bhirakora eginhaka, kora bhitakwimya abhantu okumwikirirya Waryubha, kya ego garingi ameetegeerero gaaye ga okutungurya abhantu.

2 Timoteo 1:5

Kweki, ndahiituka eimani yaaho ya obhuheene. Eimani kya iyo, yaaringa nayo kuuku weenyu Roisi na ngʼina weenyu Eunike. Nonse ndeekirirya ega, na uuwe uunayo.

Tiito 1:1

Enyarubha inu, erwiri kuoni Pauro, omugaya wa Waryubha, na omutumwa wa Yeesu Kiristu. Naatumwa naho okoorokererya abhantu bhanú bhaasorwa na Waryubha, bhature okumwikirirya na okumanya obhuheene eguru ya Yeesu Kiristu. Obhuheene bhuyo, bhurabhoorokererya okumwigwa Waryubha,

Yakobho 2:22

Bhoono, otakurora ega, eimani ya Abhurahamu, yaaringa eragendanʼya na amakorwa gaaye, na ega, eimani yaaye, yaakunaana kwa amakorwa gaaye?

2 Petero 1:1

Enyarubha inu, erwiri kuoni Simoni Petero, omugaya na omutumwa wa Yeesu Kiristu. Ndabhangʼoorera bheenyu bhanú muheerwe eimani ya obhwera inú bheetu bhonse tuheerwe. Muheerwe eimani iyo, kwa okubha Waryubha, Omutuurya weetu Yeesu Kiristu, yaakora ganú gareenderwa.

1 Yoana 5:4

kwa okubha kira omwana wa Waryubha arahiga amangʼana ga ekyaro. Turahiga amangʼana ga ekyaro, kwa eimani yeetu.

Yuda 1:3

Abhahanje bhaani, naaringa ndeegomba bhukongʼu okubhangʼoorera eguru ya obhutuurya bhunú turasanga bhonsego hamwi. Nawe bhoono, naaruuji ega, ndeenderwa mbangʼoorere, naho mbakomererye ega, mwibhagirire obhuheene bhwa eimani bhunú Waryubha yaagwatya abharabhu bha omutima rumwigo kwibhaga ryonsego.

Obhukundukuri 13:10

Omuntu unú yaaseemibhwa okutumbarirwa mwiihe, aritumbarirwa. Omuntu unú yaaseemibhwa okwitwa kwa omuhyu, ariitwa kwa omuhyu. Bhoono, abhantu bha Waryubha bhareenderwa bheegumirirye na bhagendererye okubha na eimani.