Yuda 1:16 - Eriragano Erihya

¹⁶ Abhantu bhayo, m-beengʼeheerya na abha okutonda amasoro, bharagwata orunamba rwabho orubhiibhi. Bhareegungya bhukongʼu enu bharagungya abhantu, naho bhanyoore obhwera.

Yuda 1:16 ပူးပေါင်းရင်းမြစ်များ

Ruuka 15:2

Mbe, ekakora Abhafarisaayo na abheehigirya bha amaragiriryo, bheengʼeheerye ega, “Omuntu unu, ndeegwa arabhagenihya abhantu abha obhusarya! Kweki ararya nabho!”

Ruuka 19:7

Abhantu bhonsego, hanú bhaarora gayo, bhakaamba okujujuuma ega, “Agiiri okugeniha owa obhusarya!”

Ruuka 5:30

Ekakora Abhafarisaayo, na abheehigirya bhaabho bha amaragiriryo, bhagye okwingʼeheerya kubheehigira bha Yeesu ega, “Ndeegwa, murarya na okunywa hamwi na abhatobhya bha erigooti na abhakori bha obhusarya?”

Yoana 6:41

Mbe, Abhayahudi bha hayo, bhakaamba okwingʼeheerya, kwa okubha Yeesu yaagamba ega, “Oni nooni ebhyakurya bhinú bhyeetuuma okurwa murwire.”

Yoana 6:61

Yeesu akamanya ega, abheehigira bhaaye bhareengʼeheererya amangʼana ganú yaaringa agambiri, kwa ego akabhabhuurya ega, “Mbe, eringʼana rinu ribhajimirye?

1 Abhakorinto 10:10

Kweki muteengʼeheerya kya ego abhandi gati yaabho bheengʼeheerya, bhakasikibhwa na maraika omusikya.

Abhagaratia 5:16

Mbe, kinú ndabhakeerya niiga, enteemo yeenyu ebhe eroorokereribhwa na Omutima Omurabhu. Mukaakora ego, mutarigwata orunamba orubhiibhi rwa omubhiri.

Abhagaratia 5:24

Abhantu bhanú bhagwateeni na Kiristu Yeesu, bhatakutungwa na orunamba orubhiibhi rwa omubhiri, hamwi na ameetegeerero gaabho amabhiibhi. N-kya muna bhaabhamba eginteemo gyabho gya akare, kumusarabha gwa Yeesu.

Abhafiripi 2:14

Amangʼana gonsego ganú murakora, mugakore bira okwingʼeheerya kora okuhakaananʼya.

1 Abhatesaronike 4:5

Mutabha na orunamba kya abhantu bhanú bhatamanyiri Waryubha.

1 Timoteo 6:5

na eriihe gati ya abhantu bhanú gyadangana, kora bhatamanyiri obhuheene. Bhayo mbo bharya bharakanya ega, okumwigwa Waryubha ngʼyo enjira ya okunyoora obhuniibhi.

2 Timoteo 4:3

Eribhaga ririija, rinú abhantu bhatariitegeerera ameehigiryo ga obhuheene. Bharibhanga bhareenda okwitegeerera ganú garabhajomera ageenego, na okusora abheehigirya emiganda na emiganda bha okubheehigirya ganú bhahanjiri okwitegeerera.

1 Petero 1:14

Bheenyu m-baana bha Waryubha. Bhoono, mbe, mumwigwe, muteekirirya kora ahake okugendererya na orunamba runú mwaringa naro, hanú mwaringa mukyari okumanya eringʼana ryoryonse erijomu.

1 Petero 2:11

Abhahanje bhaani, bheenyu muringi abhageni na m-bahiti bha enjira mukyaro hanu. Kwa ego ndabhakomererya ega, muteekirirya orunamba rwa emibhiri gyenyu, runú rurasongana na bheenyu, rubhahige.

1 Petero 4:2

Kwa enjira iyo, obhwikari bhwaye bhonsego, areekara okuringʼaana na kya ego Waryubha areenda, etaringi okuringʼaana na orunamba rwa abhantu.

2 Petero 2:10

ekinene bhanú bharagwata orunamba rwa amangʼana amabhiibhi ga omubhiri na okujeera obhutungi bhwa Waryubha. Abheehigirya bha obhubheehi bhayo, bharahakaana na bhareerora, bhatakoobhoha okutuka ebhibhumbwa bhya obhukuru bhinú bhiringi murwire.

2 Petero 2:18

Kwa okugamba amangʼana ga okwirora na ganú gataana obhwera, bharabharuta abhantu bhonse bhagwate orunamba rwabho orubhiibhi rwa omubhiri. Abhantu bhayo bhataana eribhaga eritambi, okurwa kya ego bheeyahura okurwa kubhakori bha amabhiibhi.

2 Petero 3:3

Ereenderwa mumanye mbere ega, eginsiku gya obhuteero bhariibhuka abhantu bha okujeera, bhanú bharibhanga bharagwata orunamba rwabho orubhiibhi.

Yuda 1:15

naho abhuturire ekiina abhantu bhonsego na okujibhya bhonsego bhanú bhatakumwigwa. Aribhajibhya kwa amakorwa gaabho amabhiibhi gonsego, ganú bharakora kwa okwanga okumwigwa weeki, hamwi na amangʼana gonsego amabhiibhi ganú abhakori bha obhusarya bhayo, bharagamba eguru yaaye.”

Yuda 1:18

Bhaabhakeerya ega, “Eribhaga rya obhuteero bhariibhuka abhantu bha okujeera, bhanú bharibhanga bharagwata orunamba rwabho orubhiibhi rwa okubhahabhya abhandi.”