Yuda 1:14 - Eriragano Erihya

¹⁴ Enoki, omuntu wa orwibhuro rwa muhungati okureka ku Adamu, yaaruusya obhurooti eguru ya abhantu bhayo ega, “Maaha, Omukuru Waryubha araaja hamwi na ebhiku bhya bhamaraika bhaaye abharabhu,

Yuda 1:14 ပူးပေါင်းရင်းမြစ်များ

Mataayo 16:27

Ndagamba ego, kwa okubha Omwana wa Adamu ariija hamwi na bhamaraika bhaaye mubhukuru bhwa Taata. Hayo nho, arimuriha kira omuntu okurekana na ebhikorwa bhyaye.

Mataayo 25:31

Yeesu akagendererya okuhaira na abheehigira bhaaye ega, “Omwana wa Adamu hanú arihunjuka mubhukuru bhwaye, hamwi na bhamaraika bhonsego, nho, ariikara kukitumbi kyaye kya ekikama.

1 Abhatesaronike 3:13

Kweki abhateremye, naho mubhe abharabhu bha omutima, mutaana amasoro embere ya Waryubha Taata weetu, eribhaga rinú Omukuru weetu Yeesu ariija, hamwi na abharabhu bha omutima bhaaye bhonsego.

Abhaebhurania 12:22

Nawe, bheenyu muhikiri munkuku ya Sayuni, kumugi gwa Yerusaremu ya murwire. Omugi guyo m-mugi gwa Waryubha omuhoru. Muyo bheekumanʼya kwa obhujomerwa bhamaraika ebhiku na ebhiku.

Obhukundukuri 1:7

Maaha! Yeesu ariijira gatigati ya amasaaru! Abhantu bhonsego bharimurora, kora bhanú bhaamubhita na eritimu. Amakabhira gonsego mukyaro, garifumba oruku, kurusumo rwaye. Maheene, niigo eribha. Amina.

Obhukundukuri 5:11

Kimwi, nkarora na okwigwa eriisi rya bhamaraika abhaaru bhukongʼu, ebhiku na ebhiku, kora bhataaturikanga okubharwa. Bhamaraika bhayo, bhaaringa bheenaariri ekitumbi kya ekikama kirya, na ebhibhumbwa ebhina bhirya, na abhakaruka bharya,