Yuda 1:12 - Eriragano Erihya

¹² Hanú abhantu bhayo, bhararya hamwi na bheenyu muginyangi gyenyu ginú murasanga kwa obhuhanje, n-kya amatare ga munyanja ganú gatakumaahikana, na garareeta engʼanga. Bhareemanya abheenego, kwa okwiriisya bira eginsoni. Kweki abhantu bhayo, bhataana obhwera kya amasaaru ganú gataana embura, ganú garahumbibhwa na omuyaga. Na bharingi kya emiti ginú gyaharuruka amasya, gitaana emisumo eribhaga rya omugeso, giihirwe gikwiri kimwi.

Yuda 1:12 ပူးပေါင်းရင်းမြစ်များ

Mataayo 13:6

Nawe, hanú omubhasu gwabhara, gikeebhabhiirira na okooma, kwa okubha emiri gyagyo, gitaaringa gigiiri munsi bhukongʼu.

Mataayo 15:13

Yeesu akabhakyukya ega, “Kira ekiimerya kinú Taata owa murwire ataahamba, arikiiha.

Mariko 4:6

Nawe, hanú omubhasu gwabhara, gikeebhabhiirira na okooma, kwa okubha emiri gyagyo gitaaringa gigiiri munsi bhukongʼu.

Ruuka 12:45

“Nawe, nyoore omukori wa emirimu uyo, areeganirirye mumutima gwaye ega, ‘Omukuru waani araatigite bhukongʼu okuhinda,’ nho yaambe okutema abhakori bha emirimu abharikyaye, abhasaaja kwa abhakari, yaambe okurya na okunywa, okuhikira ararehwa.

Ruuka 16:19

Yeesu akagendererya okubhakeerya ekirengyo ega, “Yaaringa-ho omuniibhi umwi. Omuniibhi uyo, yeebhohanga emyenda emijomu gya obhuguri obhunene gya erangi ya jambaraawe. Kira orusiku, yaaryanga bhuyagayaga.

Ruuka 21:34

“Mwiyangararire! Emitima gyenyu gitariija okugwatwa na orunamba rwa okukora amangʼana ga mukyaro bhuyagayaga, okurehwa, na obhoobha bhwa obhuhoru. Nyoore tiigo, orusiku rwa okuhunjuka Omwana wa Adamu, ruribhaajira mutamanyiri.

Ruuka 8:6

Egindi gikagwa mumagina. Hanú gyamera, gikabhurwa amanji, gikooma.

Abhaefeso 4:14

Hayo tutarihumbibhwa enu na enu kya abhaana abharera, kwa emiyaga gya ameehigiryo ganú abhantu abhangʼeenererya bhareebhukya. Abhantu bhayo, oranyoora bhareenda bhabhahabhye kwa ameehigiryo gaabho aga obhubheehi.

Abhafiripi 3:19

Abhantu bhayo, obhuteero bhwabho n-kusika kwa okubha orunamba rwabho ndo rwabheeri omutungi waabho. Bheeki bhareeheemera ebhikorwa bhyabho bhya eginsoni. Kweki bhareeganirirya amangʼana ga ekyaro ageenego.

1 Timoteo 5:6

Nawe, omusino unú atakwiribhira kumangʼana ga ekyaro, uyo yaakwa onyoora akyari omuhoru.

Abhaebhurania 13:9

Mutangʼeenwa na ameehigiryo agandi amahya, ga amanga amaaru, kwa okubha eginguru gya emitima gyenyu girarwa kwiruguto rya Waryubha, etaringi mumaragiriryo eguru ya ebhyakurya. Amaragiriryo gayo, gatakubhabheera kyokyonse bhanú bharagagwata.

Yakobho 5:5

Mweekara obhwikari bhwa obhujomererwa na obhwa obhuniibhi obhwaru mukyaro hanu. Mwamara okwinurya kurusumo rwa orusiku rwa okubhuturirwa ekiina kya entugo inú eseemiibhwe orusiku rwa okugoogwa.