Yuda 1:11 - Eriragano Erihya

¹¹ Bharikirora-ko, kwa okubha bhaagwata enjira ya Kaini, eya okukora obhusarya. Bharikirora-ko, kwa okubha bheesohya mubhusarya kya bhunú Bharamu yaakora, kurusumo rwa okunyoora obhuniibhi. Bharikirora-ko, kwa okubha bharasika kwa ekisigo bhaajeema kya ego Koora yaajeema, akasika.

Yuda 1:11 ပူးပေါင်းရင်းမြစ်များ

Mataayo 11:21

“Murikirora-ko bheenyu abhantu bha mumugi gwa Korajini! Murikirora-ko bheenyu abhantu bha mumugi gwa Bhetisaida! Nyoore ebhika bhinú bhyakoreka kubheenyu hanu, bhikaakorekeri mumigi gya Tiro na Sidoni, singa bhaamara akare okumwihunjurira Waryubha, kwa okwibhoha amagunira na okwihaka eriibhu.

Abhaebhurania 11:4

Eimani yaakora Abheri akamuruusirya Waryubha ekimwenso ekijomu okukira Kaini. Kwa ego, Waryubha akamubhara Abheri okubha omuntu wa heene, na akeekirirya ekimwenso kyaye. Onyoora Abheri yaamara okukwa, nawe, eimani yaaye eragendererya okubha ekirengyo ekijomu kya okwihigira bheetu nawanyareero.

2 Petero 2:15

Bhatigiri enjira inú iimiri, bhaahabhiri na okugwata enjira inú Bharamu, omwana wa Bheori yaagwata. Weeki yaahanja okunyoora obhuniibhi kwa enjira ya okukora obhusarya.

1 Yoana 3:12

Tutabha kya Kaini, omwana wa omusarya urya Erisambwa, unú yeeta omuke waaye Abheri. Kwaki yaamwita? Yaamwita kwa okubha ebhikorwa bhyaye bhyaringa ebhibhiibhi, nawe, bhya omuke waaye bhyaringa bhya heene.

Obhukundukuri 2:14

“Nawe, niina amangʼana amake ganú garannyankya. Gati yeenyu bhariho abhandi, bhanú bharagwata ameehigiryo ga Bharamu. Bharamu uyo, ngʼo yeehigirya Bharaki angʼeenererye Abhaisiraeri naho bhakore obhusarya kwa okurya ebhyakurya bhinú bhimwenseerwe ebhisusano, na okukora obhusimbe.