Yoana 3:3 - Eriragano Erihya

³ Yeesu akamukyukya ega, “Ndakukeerya obhuheene ega, atariho omuntu unú aratura okusoha mubhukama bhwa Waryubha nyoore ateebhurwe orwa kabhiri.”

Yoana 3:3 ပူးပေါင်းရင်းမြစ်များ

Mataayo 16:17

Yeesu akamukeerya Petero ega, “Waanonkwa uuwe Simoni omwana wa Yoona, kwa okubha atariho omuntu unú yaakutubhurira obhuheene bhuyo, nawe, n-Taata owa murwire.

Mataayo 19:24

Ndabhakeerya kweki ega, m-bunyoohu kungamia okuhita muryoobho rya esindani, okukira abhaniibhi okusoha mubhukama bhwa Waryubha.”

Mataayo 21:31

“Bhoono, gati ya abhabhiri bhayo, ngʼ-uuha unú yaakora kya ego esewaabho yeendanga?” Abhasyengeri abhakuru na abhakaruka bha Ekiyahudi bharya bhakamukyukya ega, “Ngʼ-urya owa okwamba.” Nho, Yeesu akabhakeerya ega, “Ndabhakeerya obhuheene ega, abhatobhya bha erigooti na abhasimbe bharibhakangatira okusoha mubhukama bhwa Waryubha.

Mataayo 5:18

Ndabhakeerya obhuheene ega, okuhikira eribhaga rinú orwire na ekyaro bhirirwa-ho, ritariho eringʼana kasi enyuguta enke kumaragiriryo inú erirwa-ho. Amaragiriryo gayo, gatarirwa-ho okuhikira hanú amangʼana gonsego garikunaana.

Mariko 10:14

Hanú Yeesu yaarora ego, akajima bhukongʼu. Akabhakeerya ega, “Mubhatige abhaana abhake bhaaje kuoni, mutabhakaanʼya, kwa okubha obhukama bhwa Waryubha, m-bwa abhantu kya abhaana bhanu.

Mariko 9:47

Na eriiso ryaho rikaakukora okore obhusarya, oriihe na okuryesa ahare. Nyakara osohe mubhukama bhwa Waryubha uuna ensonko, okukira okubha na ameeso gabhiri, na okweswa mumururo gunú gutakusima.

Yoana 1:13

Bhayo bhataringi abhaana bha Waryubha, kwa okwibhurwa kwa enjira ya abhantu, kasi kwa orunamba rwa omubhiri, kora kwa obhwendi bhwa omuntu, nawe, n-kwa obhwendi bhwa Waryubha.

Yoana 1:5

Endingaasi iyo, erangʼarabha mukisunte, kora ekisunte kitaatura okuihiga.

Yoana 1:51

Kimwi akamukeerya ega, “Ndabhakeerya obhuheene ega, murirora orwire rusiikukiri, na murirora bhamaraika bha Waryubha bharariina na okwituuma kwa Omwana wa Adamu.”

Yoana 12:40

“Ahokerye ameeso gaabho, na okugikora emitima gyabho gibhe emikongʼu, naho bhatarora kwa ameeso gaabho, bhatamanya kwa emitima gyabho, bhataaja bhanyihunjurire, naho mbatuurye.”

Yoana 3:4

Nikodemasi akamubhuurya Yeesu ega, “Omuntu aratura egaki okwibhurwa orwa kabhiri enu agoteri? Bhoono, aratura okuhunjuka munda ya ngʼina waabho yeebhurwe kweki?”

2 Abhakorinto 4:4

Abhantu bhayo bhatakumwikirirya Yeesu, kwa okubha Erisambwa, rinú riratunga ekyaro kinu, rikundikiirye obhungʼeeni bhwabho. Kiyo nkyo kirakora bhatamwe okurora endingaasi ya Amangʼana Amajomu ga obhukuru bhwa Kiristu. Kiristu ngʼo ekirengekanʼyo kya Waryubha.

2 Abhakorinto 5:17

Omuntu wowonse unú araagwatane na Kiristu, arabha omuntu omuhya, aga akare gahitiri, bhoono gabheeri amahya!

Abhagaratia 6:15

Okusaarwa kasi okutiga okusaarwa, kutaana obhwera bhobhonse. Ekintu ekinene kya obhwera, nu-kukorwa na Waryubha okubha omuhya.

Abhaefeso 2:1

Bheenyu mwaringa mukwiri, kwa ekisigo kya ebhikorwa bhyenyu ebhibhiibhi na obhusarya bhwenyu.

Tiito 3:5

Yaatutuurya, etaringi kwa okubha, bheetu twakora eringʼana ryoryonse erya heene, nawe, n-kwa ekyabhira kyaye. Yaaturaama obhusarya bhwetu, kuyo nko okwibhurwa orwa kabhiri. Kweki yaatuhaana obhuhoru obhuhya kwa enjira ya Omutima Omurabhu.

Yakobho 3:17

Nawe, egintungwa ginú girarwa eguru ku Waryubha ni-ginjomu, na kweki n-gya omurembe, na n-gya obhunyoohu, gireetegeerera bhujomu amangʼana ga abhantu. Giijwiri ekyabhira na giraama emisumo emijomu, na gitaana ekisorooro kora orwambe.

1 Petero 1:3

Tumugungye Waryubha, Taata wa Omukuru weetu Yeesu Kiristu. Okuringʼaana na ekyabhira kyaye ekyaru, yaatwibhura orwa kabhiri kwa okumuhyukya Yeesu Kiristu, okurwa mubhaku. Kwa ego, tunyooreri obhwisige bhwa obhuheene ega, turabha abhahoru koko.

1 Yoana 2:29

Mumanyiri ega, Kiristu m-muheene, mbe, mumanye kweki ega, wowonse unú arakora aga heene, ngʼo omwana wa Waryubha.

1 Yoana 3:9

Kira omuntu unú abheeri omwana wa Waryubha, atakugendererya okukora obhusarya, kwa okubha yaana enteemo ya Waryubha. Atakutura okugendererya okukora obhusarya, kwa okubha m-mwana wa Waryubha.

1 Yoana 5:1

Omuntu wowonse unú areekirirya ega, Yeesu ngʼo Kiristu Omutuurya, uyo ngʼo omwana wa Waryubha. Wowonse unú aramuhanja taata, arahanja na abhaana bhaaye bhonse.

1 Yoana 5:18

Tumanyiri ega, kira omuntu unú abheeri omwana wa Waryubha, atakugendererya okukora obhusarya, kwa okubha Yeesu Kiristu Omwana wa Waryubha aramwangararira, na omusarya urya Erisambwa, atakunagya okumukora kyokyonse.

1 Yoana 5:4

kwa okubha kira omwana wa Waryubha arahiga amangʼana ga ekyaro. Turahiga amangʼana ga ekyaro, kwa eimani yeetu.

Obhukundukuri 3:14

Omuntu uyo, akagendererya okunkeerya ega, “Omungʼoorere na maraika wa erikanisa rinú riringi mumugi gwa Raodikia, omukeerye ega, “Oni nooni ndabhirikirwa Amina, kwa okubha oni m-mwimiririri omuheene owa obhuheene eguru ya Waryubha. Oni nooni obhusimuka bhwa ebhibhumbwa bhyonsego bhinú bhyabhumbwa na Waryubha. Mwitegeerere ganú ndabhakeerya.