Yoana 10:3 - Eriragano Erihya

³ Omwangarariri wa ekikooro aramusiikurira ekiita, na amangʼondi gareegwa eriisi ryaye. Omuriisya arabhirikira kira eringʼondi kwa eriina ryaryo na okugoorokerererya okugya kibhara.

Yoana 10:3 ပူးပေါင်းရင်းမြစ်များ

2 Timoteo 2:19

Nawe, abhantu bhanú bheemiri, n-kya obhurusa bhunú bhwatuurwa na Waryubha. Na kubhurusa kuyo rungʼoorerwe-ko orubhaaso runu, “Omukuru Waryubha amanyiri abhaana bhaaye,” kweki, “Omuntu wowonse unú areebhirikira ega, weeki ngʼ-wa Omukuru Waryubha, atige obhusarya.”

Yoana 10:4

Hanú aramara okuhurukya amangʼondi gaaye kibhara, arakangata embere, gonse garamuseeta, kwa okubha gamanyiri eriisi ryaye.

Yoana 10:16

Oni niina amangʼondi agandi ganú gataringi ga mukikooro kinu, gayo gonse ndeenderwa ngareete. Geeki gariigwa eriisi ryani. Kimwi riribha erihijo rimwi, na omuriisya oumwi.

Yoana 10:14

“Oni nooni omuriisya wa heene. Mmanyiri bhujomu amangʼondi gaani, gonse gammanyiri,

Obhukundukuri 3:20

Maaha! Ndeemirira mukiseku ndasiikurya. Nyoore omuntu areegwe eriisi ryani na okusiikura ekiseku, ndasoha munyumba yaaye, na turarya hamwi.

Obhukundukuri 7:17

Eribha ego, kwa okubha Omwana wa Eringʼondi unú aringi haangʼi na ekitumbi kya ekikama, aribha omuriisya waabho. Aribhoorokererya mubhisekaani bhya amanji ganú garahaana abhantu obhuhoru bhwa koko. Na Waryubha aribheehya ameesori gonsego mumeeso gaabho.”

Abharuumi 8:30

Mbe, bhayo yaaringa abhasoreri okurwa ekyaro kitarabhumbwa, mbo yaabhirikira akabhabhara okubha abhaheene embere yaaye, na mbo yaamura ega, aribhahaana obhukuru.

Yoana 6:45

Engʼoorerwe mu Mangʼoore Amarabhu mubhitabho bhya abharooti ega, ‘Abhantu bhonsego bhariihigiribhwa na Waryubha.’ Mbe, omuntu wowonse unú areetegeerera na okwihigira okurwa ku Taata, araaja kuoni.

Yoana 6:37

Abhantu bhonsego bhanú Taata arangʼaana, bhariija kuoni. Oni ntaryanga kora oumwi unú araaja kuoni.

Obhukundukuri 20:15

Na omuntu wowonse unú eriina ryaye ritaangʼoorwa mukitabho kya obhuhoru bhwa koko, yeeswa munyanja ya omururo.

Abhakorosai 4:3

Mubhenga muratusabhira na bheetu bhonse, naho Waryubha atusiikurire ekiseku kya okuraarika eringʼana ryaye. Eringʼana riyo, ndyo amangʼana eguru ya Kiristu, ganú gaaringa geebhisiri. Na kurusumo rwa okuraarika amangʼana gayo, oni ndingi mukibhohe.

Abhafiripi 4:3

Kora uuwe unú oringi omukori wa emirimu omurikyani omuheene, ndasabha obhabheere abhakari abhabhiri bhayo, bhabhe na ensonga eimwi. Abhabhiri bhayo bhonsego, bhaakora ekituunyo bhukongʼu hamwi na oni kukuraarika Amangʼana Amajomu kubhantu. Kweki abhakari bhayo, bhaaringa bharakora emirimu hamwi na Kirementi na abhakori bha emirimu abharikyani abhandi. Amariina ga abhantu bhayo bhonsego, garingi mukitabho kya obhuhoru bhwa koko ekya Waryubha.

1 Petero 1:12

Waryubha yaakeerya abharooti bharya ega, amangʼana ganú bhaaringa bhararoota, gataabhatunʼyanga bheeki abheene, nawe bheenyu. Garya bhaagambanga, ngo mwaraarikirwa na bhanú bhaabhareetera Amangʼana Amajomu eguru ya Yeesu Kiristu. Na bhaabhakeerya amangʼana amajomu gayo, kwa obhuturo bhwa Omutima Omurabhu unú yaaringa atumirwe okurwa murwire. Amangʼana gayo, kora bhamaraika bhareegomba bhukongʼu okumanya.

1 Abhakorinto 16:9

Erabha ego, kwa okubha Waryubha yansiikuriiri ekiseku hanu, okukora emirimu emirito, onyoora abhantu bhanú bharandibhira m-baaru.

Yoana 10:9

Oni nooni ekiita kiyo. Wowonse unú arasoha mukikooro okuhitira kuoni arituuribhwa, kweki aribha arasoha na okuhuruka, okugya okuriisya mukiriisyo ekijomu.

1 Yoana 4:6

Bheetu m-baana bha Waryubha. Omuntu wowonse unú amumanyiri Waryubha, aratwitegeerera. Nawe, unú ataringi omwana wa Waryubha, atakutwitegeerera. Ego niigo turaahukanʼya abhantu bhanú bharoorokereribhwa na Omutima wa obhuheene, na bhanú bharoorokereribhwa na omutima gwa obhubheehi.

3 Yoana 1:14

Ndeeganirirya okukutaarira bhwangu hanu na okuhaira hamwi na uuwe ameeso kwa ameeso.