Yoana 1:3 - Eriragano Erihya

³ Ebhintu bhyonsego bhyabhumbwa okuhitira ku Engʼana uyo. Kitariho kora ekintu ekimwi kinú kyabhumbwa bira weeki.

Yoana 1:3 ပူးပေါင်းရင်းမြစ်များ

1 Abhakorinto 8:6

Nawe, kubheetu, ariho Waryubha umwi omwenego, ngʼo Taata, ngʼo yaabhumba ebhintu bhyonsego. Bheetu tureekara kurusumo rwaye. Kweki ariho Omukuru umwi ego, ngʼo Yeesu Kiristu, na ebhintu bhyonsego bhyabhumbwa okuhitira kuweeki, kweki turingi abhahoru okurekana na weeki.

Obhukundukuri 4:11

“Omukuru na Waryubha weetu, oreenderwa okugungibhwa, okusuukwa na okubha na obhuturo bhonsego, kwa okubha uuwe nuuwe waabhumba ebhintu bhyonsego, kwa obhwendi bhwaho bhyabhumbwa, na bhiriho.”

Yoana 1:10

Uyo ngʼo yaaringa mukyaro munu, kweki ekyaro kyonsego kyabhumbwa okuhitira kuweeki. Nawe, abhantu bha mukyaro bhataamumanya.

Abhaefeso 3:9

Waryubha, Omubhumbi wa ebhintu bhyonsego, yaangʼaana emirimu gya okutondera abhantu bhonsego, bhamanye bhujomu kya ego arahikya ekinyerera kyaye kinú kyaringa kiibhisiri eribhaga ryonsego.

Yoana 1:2

Okurwa obhusimuka, Engʼana uyo, yaaringa hamwi na Waryubha.

Abhaebhurania 11:3

Kwa eimani tumanyiri ega, Waryubha yaabhumba orwire na ekyaro kwa amangʼana gaaye. Kweki tumanyiri ega, yaabhumba ebhintu bhyonsego bhinú bhiramaahikana okurwa kubhinú bhitakumaahikana.

1 Yoana 5:1

Omuntu wowonse unú areekirirya ega, Yeesu ngʼo Kiristu Omutuurya, uyo ngʼo omwana wa Waryubha. Wowonse unú aramuhanja taata, arahanja na abhaana bhaaye bhonse.

Obhukundukuri 3:14

Omuntu uyo, akagendererya okunkeerya ega, “Omungʼoorere na maraika wa erikanisa rinú riringi mumugi gwa Raodikia, omukeerye ega, “Oni nooni ndabhirikirwa Amina, kwa okubha oni m-mwimiririri omuheene owa obhuheene eguru ya Waryubha. Oni nooni obhusimuka bhwa ebhibhumbwa bhyonsego bhinú bhyabhumbwa na Waryubha. Mwitegeerere ganú ndabhakeerya.