Mataayo 5:3 - Eriragano Erihya

³ “Nyakara bhanú bharamutuna Waryubha bhukongʼu kwa emitima gyabho, kwa okubha obhukama bhwa murwire m-bwabho.

Mataayo 5:3 ပူးပေါင်းရင်းမြစ်များ

Mataayo 11:25

Eribhaga riyo, Yeesu akagamba ega, “Ee Taata, Omukuru wa orwire na ekyaro, ndakukumya kwa okubha amangʼana ganú obhabhisiri abhangʼeeni na abhasomi, obhatubhuriiri abhantu bhanú bhaana eimani kya abhaana abhake.

Mataayo 11:6

Nyakara omuntu unú atakubhurya eimani yaaye kuoni.”

Mataayo 13:16

Nho, Yeesu akabhakeerya abheehigira bhaaye ega, “Waryubha abhanonkeri bheenyu, kwa okubha ameeso geenyu gararora na amatwi geenyu gareegwa.

Mataayo 19:14

Nawe, Yeesu akabhakeerya ega, “Mubhatige abhaana abhake bhaaje kuoni! Mutabhakaanʼya, kwa okubha obhukama bhwa murwire m-bwa abhantu kya abhaana bhanu.”

Mataayo 24:46

Arinonkwa omukori wa emirimu unú omukuru waaye, hanú arihunjuka okurwa kurugendo, amunyoore arakora kya ego yaamuragirirya.

Mataayo 25:34

“Nho, Omukama aribhakeerya abhantu bhanú bharingi orubhaara rwaye rwa obhuryo ega, ‘Muuje, bheenyu bhanú mwanonkwa na Taata. Mugabhe obhukama bhunú Waryubha yaabhaseemerya okwambira hanú yaabhumba ekyaro,

Mataayo 3:2

“Mutige obhusarya bhwenyu, mumwihunjurire Waryubha, kwa okubha obhukama bhwa murwire bhuringi haangʼi.”

Mataayo 8:11

Ndabhakeerya ega, abhantu abhaaru bharireka mbaara gyonsego gya ekyaro okusoha mubhukama bhwa murwire. Bhariija okurya munyangi irya hamwi na bhajaaji bheetu Abhurahamu, Esaaka na Yakobho.

Mariko 10:14

Hanú Yeesu yaarora ego, akajima bhukongʼu. Akabhakeerya ega, “Mubhatige abhaana abhake bhaaje kuoni, mutabhakaanʼya, kwa okubha obhukama bhwa Waryubha, m-bwa abhantu kya abhaana bhanu.

Ruuka 11:28

Nawe, Yeesu akagamba ega, “M-maheene! Nawe bhaanonkwa bhukongʼu bhanú bhareegwa eringʼana rya Waryubha, na okurigwata!”

Ruuka 18:14

Kweki, Yeesu akoongerya okugamba ega, “Ndabhakeerya ega, omutobhya wa erigooti uyo, hanú yaahiringita okuhunjuka iika, yaaringa abheeri omuheene embere ya Waryubha. Nawe, omurikyaye ataabhiirwa. Kwa okubha, unú areeriinʼya omwene, Waryubha arimwituumya. Na unú areeyituumya omwene, Waryubha arimuriinʼya.”

Ruuka 22:29

Kya ego Taata yaangabhya obhukama, oni nonse ndabhagabhya obhukama.

Ruuka 22:30

Murirya na okunywa kunyangi ya obhukama bhwani, na okwikara kubhitumbi bhya ekikama, enu muribhuturira ekiina amakabhira ekumi na gabhiri ga Isiraeri.”

Ruuka 4:18

“Omutima wa Omukuru Waryubha aringi hamwi na oni. Yansoreri okubharaarikira abhatobhu amangʼana amajomu. Yantumiri okuraarikira abhabhohwa ega, bharisiikurirwa, na okukeerya abhahoku ega, bhariribhurwa ameeso, na bhanú bharanyankibhwa, mbatuurye.

Yoana 20:29

Yeesu akamukyukya ega, “Wikiriirye kwa okubha unduuji. Bhanonkerwe bhanú bhaanyikiriirye, kora nyoore bhatarandora.”

Yakobho 1:10

Nawe, omwikirirya omuniibhi, areenderwa ajomerwe hanú yeetuumiibhwe na Waryubha kwa okubha ariruusibhwa-ho kya amauwa ga mwisisi.

Yakobho 1:12

Yaanonkwa omuntu unú areegumirirya hanú arasakibhwa, kwa okubha hanú aribha ahigiri amasakyo, Waryubha arimuhaana omutuho gwa obhuhoru bhwa koko, gunú yaaraga abhantu bhanú bhamuhanjiri.

Yakobho 2:5

Abhahiiri bhaani abhahanje kuimani, munyitegeerere bhujomu. Waryubha abhasoreri abhatobhu bha mukyaro kinu, naho bhabhe abhaniibhi kuimani, na okugabha obhukama bhunú yaabharaga bhanú bhamuhanjiri.

Obhukundukuri 19:9

Maraika urya akankeerya ega, “Ngʼoora ega, nyakara bhanú bharaarikirwe kunyangi ya obhwenga bhwa Omwana wa Eringʼondi.” Kweki akankeerya ega, “Amangʼana ganú ngambiri n-ga obhuheene bhwa Waryubha.”

Obhukundukuri 22:14

Bharinonkwa abhantu bhanú bharafura eginkanju gyabho mumanyinga ga Omwana wa Eringʼondi, naho bhanyoore omweya gwa okusoha mumugi omuhya guyo, okuhitira ebhiseku bhyago na okurya emisumo gya omuti gunú gurahaana abhantu obhuhoru bhwa koko.

Obhukundukuri 3:17

Muragamba ega, ‘Bheetu m-baniibhi, twiniibhirye bhukongʼu. Tutaana ekintu kinú turasuuhirwa!’ Nawe, mutamanyiri ega, bheenyu m-banyooheeru, mureenderwa okumaahirwa ekyabhira, muringi abhatobhu, abhahoku, kweki muringi kinaabhi.