Mataayo 26:3 - Eriragano Erihya

³ Mbe, eribhaga riyo, abhasyengeri abhakuru na abhakaruka bha Ekiyahudi bhakeekumanʼya munyumba ya omusyengeri omukuru unú yaabhirikirwanga ega, Kayafa.

Mataayo 26:3 ပူးပေါင်းရင်းမြစ်များ

Mataayo 26:69

Mbe, kwibhaga riyo, Petero yaaringa yeekeeri murubhago kibhara hayo. Nho, omukori wa emirimu oumwi wa ekikari akamusuntarira Petero, akamukeerya ega, “Na uuwe wonse waaringa hamwi na Yeesu wa Gariraaya.”

Mataayo 27:27

Nho, abhasirikare bha omwanangwa wa Ekiruumi bhakamugega Yeesu, bhakamuhira murubhanja rwa emenyo enkuru ya omwanangwa. Abhasirikare bhonsego bhakeekumanʼya muyo, na bhakamwinaara Yeesu.

Mariko 14:54

Petero wonse akabha aramuseeta Yeesu kwa ahare, okuhikira murubhago rwa enyumba ya omusyengeri omukuru. Akeekara muyo hamwi na abharindi bha omusyengeri omukuru, akabha aroota omururo.

Mariko 14:66

Eribhaga riyo ryonsego, Petero yaaringa murubhago murya, haangʼi na ekinyumba kinú Yeesu yaaringa-mo. Akaaja oumwi gati ya abhakori bha emirimu bha ekikari bha omusyengeri omukuru.

Mariko 15:16

Abhasirikare bhakamugega Yeesu, bhakamuhira murubhanja rwa emenyo enkuru ya omwanangwa Pirato, inú yaabhirikirwanga ega, Praitorio. Omuganda gonsego gwa abhasirikare, bhakeekumanʼya muyo.

Ruuka 22:55

Hanú bhaahika kubhoori bhwa enyumba, bhakaamba okukooma ekyoto, bhakeekara hamwi. Petero wonse, akeekara hamwi nabho.

Ruuka 3:2

Eribhaga riyo, Anasi na Kayafa mbo bhaaringa abhasyengeri abhakuru. Mbe, kwibhaga riyo, Yoana omwana wa Jakaria, yaaringa kukibhara. Hanú yaaringa eyo, akakeeribhwa eringʼana okurwa ku Waryubha.

Yoana 11:57

Abhasyengeri abhakuru na Abhafarisaayo bhaaringa bhaamwiri ega, omuntu wowonse unú amanyiri enú Yeesu aringi, areete amangʼana, naho bhamugwate.

Yoana 18:24

Mbe, hanú Yeesu yaaringa akyabhoherwe, Anasi akaamura ega, bhamuhire kumusyengeri omukuru, Kayafa.

Yoana 18:28

Mbe, hanú bhwakya, abhatungi bha Abhayahudi bhakamugega Yeesu okurwa ku Kayafa. Bhakagya nawe, mumenyo enkuru ya omwanangwa wa Ekiruumi. Nawe, bheeki bhataasoha munyumba, naho bhateekonʼya na okutiga okurya ebhyakurya bhya enyangi ya Epasaka.