Mataayo 17:3 - Eriragano Erihya

³ Hayohayo, bhakeebhukirwa na abharooti bha kare Musa na Eriya bhaaringa bharahaira na Yeesu.

Mataayo 17:3 ပူးပေါင်းရင်းမြစ်များ

Ruuka 24:44

Hanú yaamara, akabhakeerya ega, “Ganu ngo naabhakeeryanga hanú naaringa hamwi na bheenyu. Naagamba ega, gonsego ganú gaangʼoorwa eguru yaani, gareenderwa gakoreke, ganú garingi mumaragiriryo ga Musa na mumangʼoore ga abharooti na mumangʼoore ga Egijabhuri.”

Mariko 9:4

Hayohayo, bhakeebhukirwa na abharooti bha akare Eriya na Musa, bhaaringa bharahaira na Yeesu.

Ruuka 24:27

Nho, Yeesu akabhatubhurira amangʼana gonsego ganú gaangʼoorwa eguru yaaye, okwambira amangʼoore ga Musa, na amangʼoore ga abharooti bhonsego.

Ruuka 16:16

“Amaragiriryo ga Musa, na amangʼoore ga abharooti, gaaringa garagwatwa na abhantu okuhikira eribhaga rya Yoana Omubhatiiji. Okurwa kwibhaga riyo, amangʼana amajomu eguru ya obhukama bhwa Waryubha, gaabha gararaarikwa, na abhantu bhonsego bhaabha bharakomereribhwa okugagwata.

Ruuka 9:33

Musa na Eriya hanú bhaaringa bharagya, Petero akamukeerya Yeesu ega, “Uuwe, Omusuukwa weetu! M-bujomu bheetu tubhe hanu. Tuhagaaje hanu ebhihuuna bhisatu, ekimwi ekyaho, ekindi ekya Musa, na ekindi ekya Eriya.” Nawe, Petero ataaringa amanyiri kinú aragamba.

Ruuka 1:17

Arimukangatira Omukuru, aseemye abhantu bhanú bhariija okumuturuungʼana, aryorokereribhwa na omutima na eginguru, kya egya Eriya. Aribheegwanʼya bhesewaabho na abhaana, na bhanú bhataana egintungwa ku Mukuru Waryubha, aribhakora bhabhe nagyo bhwaheene.”

Yoana 1:17

Okurwa akare, Waryubha yaaruusya amaragiriryo gaaye, okuhitira ku Musa, na bhoono aruusirye eriruguto ryaye na obhuheene bhwaye, okuhitira ku Yeesu Kiristu.

Mataayo 17:2

Hanú bhaaringa eyo, Yeesu akeehunjura ekisusa kyaye embere yaabho. Obhusu bhwaye bhukangʼarabha kya eryubha na emyenda gyaye gikabha emirabhu pee, gikangʼesangʼesa bhukongʼu kya endingaasi.

Mataayo 17:4

Nho, Petero akamukeerya Yeesu ega, “Ee Omukuru, m-bujomu okubha hanu. Nyoore oreende, ndahagaaja hanu ebhihuuna bhisatu. Ekimwi ekyaho, ekimwi kya Musa, na ekimwi kya Eriya.”