Abhagaratia 6:9 - Eriragano Erihya

⁹ Kwa ego, tutarosa okukora amajomu! Nyoore tureegumirirye kukukora amajomu, turinyoora omugeso omujomu hanú eribhaga rya okugesa ririhika.

Abhagaratia 6:9 ပူးပေါင်းရင်းမြစ်များ

Mataayo 10:22

Abhantu bhonsego bharibhajimira kurusumo rwa eriina ryani. Nawe, wowonse unú ariigumirirya okuhikira kubhuteero, ngʼo Waryubha arimutuurya.

Mataayo 24:13

Nawe, wowonse unú ariigumirirya okuhikira kubhuteero, ngʼo Waryubha arimutuurya.

Mataayo 25:17

Egoego, na omukori wa emirimu unú yaahaanwa egitaranta ebhiri, akagya okugikorera ebhyasara, akanyoora obhwera bhwa egitaranta egindi ebhiri.

Mataayo 9:19

Kimwi, Yeesu akagya nawe, hamwi na abheehigira bhaaye.

Mariko 3:3

Yeesu akamukeerya omuntu wa okubhoko kwa omujimu ega, “Njo, wimirire gatigati hanu.”

Ruuka 18:1

Mbe, Yeesu akabhakeerya abheehigira bhaaye ekirengyo, naho okubhoorokya ega, bhareenderwa okugendererya okusabha eribhaga ryonsego, bhatakwa omutima.

Abharuumi 2:7

Aribhahaana obhuhoru bhwa koko, abhantu bhanú bhareegumirirya okukora amajomu, kwa okubha bharatuna eginkuma, obhusuuku, na obhuhoru bhunú bhurarwa ku Waryubha.

1 Abhakorinto 15:58

Mbe, abhahiiri bhaani abhahanje kuimani, mwimirire bhwima na munage, mugendererye okukora emirimu gya Omukuru kwa ekituunyo eginsiku gyonsego, kwa okubha mumanyiri ega, emirimu ginú murakora kurusumo rwa Omukuru, gitaringi gya bhusa.

2 Abhakorinto 4:1

Mbe, kwa okubha Waryubha atuheeri emirimu ginu kwa ekyabhira kyaye, tutakukwa omutima.

2 Abhakorinto 4:16

Ego, tutakukwa omutima, onyoora emibhiri gyetu kwa kibhara giragunda, nawe, munsi weetu, Waryubha aratukora abhahya eginsiku gyonsego.

2 Abhakorinto 9:6

Ndabhahiitukya eringʼana rinu ega, “Omuntu unú arahamba ebhike, aragesa ebhike, na unú arahamba ebhyaru, aragesa ebhyaru.”

Abhaefeso 3:13

Kwa ego, ndabhasabha mutakwa omutima, kwa ekisigo kya eginyanko ginú ndanyoora kurusumo rwenyu, egyene girakora musuukwe.

2 Abhatesaronike 3:13

Nawe, bheenyu abhahiiri bheetu kuimani, mutakwa omutima okukora amajomu.

Abhaebhurania 12:3

Mwiganirirye ganú gaamunyoora Yeesu na kya ego yaaringa areegumirirya kuganú abhakori bha obhusarya bhaaringa bharamuhakaanʼya. Mbe, kwa ekisigo kiyo, mutakwa omutima kora mutariija okurosa okumwikirirya Waryubha.

Abhaebhurania 12:5

Bhoono, murabhiirwe amangʼana ga okwimya omutima ganú Waryubha yaabhakeerya bheenyu bhanú muringi abhaana bhaaye? Waryubha yaagamba ega, “Mwana waani, otajeera ganú Omukuru Waryubha waaho arakukemera. Kora otakwa omutima hanú arakukaanʼya eringʼana,

Abhaebhurania 3:14

Tukore ego, kwa okubha turagwatana hamwi na Kiristu, nyoore turamwisigira okuhikira obhuteero, kya ego twaringa turamwisigira kubhwambiro.

Abhaebhurania 3:6

Nawe Kiristu, weeki m-Mwana omuheene unú areemiririra abhantu bha enyumba ya Waryubha. Na bheetu mbo abhantu bhayo, nyoore turagendererya okuhikira obhuteero okubha abhahaari na okwirora kuganú tureesigira.

Yakobho 5:7

Bhoono, abhahiiri bhaani kuimani, mubhenga mureegumirirya okuhikira eribhaga rinú Omukuru Yeesu arihunjuka. Mumaahe kya ego omurimi araganyirira ebhyakurya ebhijomu bhya obhwera bhya mukyaro munu. Areegumirirya na okuganyirira okuhikira hanú arinyoora embura ya omuubhu na eya omwaka.

1 Petero 2:15

Obhwendi bhwa Waryubha niiga, mukore amangʼana amajomu, naho mukirye abhakangi bhanú bhatamanyiri amangʼana gaaye.

1 Petero 3:17

Nyakara okunyanka kwa ekisigo kya okukora amajomu, nyoore Waryubha akaahanjiri, okukira okunyanka kwa okukora amabhiibhi.

1 Petero 4:19

Kwa ego, bhanú bharanyanka kwa okukora kya ego Waryubha areenda, bhamanye ega, Waryubha m-Mubhumbi omuheene. Ego, bhagendereryenga okukora amajomu na okumwikirirya Waryubha.

Obhukundukuri 2:17

“Unú yaana amatwi yeegwe, amangʼana ganú Omutima Omurabhu arakeerya amakanisa. Omuntu unú arihiga, ndimuhaana-ko ebhyakurya bhinú bhirabhirikirwanga ega, mana inú ebhisirwe. Kweki ndimuhaana erigina erirabhu. Erigina riyo, ringʼoorerwe-ko eriina erihya, rinú atariho omuntu wowonse unú ararimanya, nawe ngʼ-unú arahaanwa erigina riyo omwenego ngʼo ararimanya.”

Obhukundukuri 2:3

Bheenyu muringi abheegumirirya, mwanyankibhwa kurusumo rwa eriina ryani, nawe okuhikira bhoono mutararosa.

Obhukundukuri 2:7

“Unú yaana amatwi yeegwe, amangʼana ganú Omutima Omurabhu arakeerya amakanisa. Omuntu unú arihiga, ndimwikiririrya okurya emisumo gya omuti gunú gurahaana abhantu obhuhoru bhwa koko, gunú guringi mumugunda gwa Waryubha murwire.”