Abhagaratia 6:3 - Eriragano Erihya

³ Mbe, omuntu wowonse unú areerora ega, yaana obhwera okukira abharikyaye, enu ataana obhwera bhobhonse, uyo areengʼeena omwene!

Abhagaratia 6:3 ပူးပေါင်းရင်းမြစ်များ

Ruuka 18:11

“Hanú bhaahika, Omufarisaayo akeemirira omwene hagari, akasabha ega, ‘Ndakugungya Waryubha, kwa okubha oni ntaringi omusarya kya abhantu abhandi, abheebhi, abha obhusarya, abhasuunu, kora ntaringi kya omutobhya wa erigooti uyo.

Amakorwa ga Abhatumwa 5:36

Muhiituke eginsiku ginú gyahita, yeebhuka omuntu umwi unú yaabhirikirwanga Teuda. Teuda uyo, yeekoryanga ega, m-muntu omukuru, na abhantu muna magana gane, bhaagwatana nawe. Nawe kubhuteero, yeetwa, na bhonsego bhanú bhaamwikiriryanga, bhakanyaragana. Na emirimu gyabho gyonsego, gikabha gya bhusa.

Abharuumi 12:16

Mwikare hamwi kwa ensonga eimwi. Mutabha mureegungya, nawe, mwiyituumye, mubhe na obhugwatani na abhantu bha insi. Muteerora ega, bheenyu abheenego muuna obhungʼeeni.

Abharuumi 12:3

Bhoono, Kiristu yangʼeeri eriruguto mbe omutumwa waaye. Kwa ego, ndakeerya kira oumwi weenyu ega, ateerora ega, yaana obhwera okukira kya ego aringi, nawe, abhe na egintungwa. Kira omuntu aheerwe endengo yaaye ya eimani na Waryubha.

1 Abhakorinto 13:2

Kweki kora nkaabha ndaruusya obhurooti na okumanya gonsego ganú geebhisiri, na okubha na obhumanyi bhonsego, kora nkaabha na eimani enene ya okutura okungʼanʼya eginkuku, nawe nyoore ntaana obhuhanje, oni m-busa.

1 Abhakorinto 3:18

Omuntu wowonse gati yeenyu, ateengʼeena ega, yaana egintungwa. Nyoore omuntu areerore ega, yaana egintungwa mukyaro kinu, abhe areekora omukangi, naho anyoore egintungwa gya maheene.

1 Abhakorinto 8:2

Nyoore omuntu areerora ega, amanyiri eringʼana nyabhurebhe, uyo oranyoora ataramanya kya ego areenderwa okumanya.

2 Abhakorinto 12:11

Ngambiri kya omukangi, kwa okubha bheenyu mbo mukoreri ngambe ego. Bheenyu mwaringa mureenderwa okungungya. Onyoora ndamaahikana ega, ntakwenderwa, oni ntaringi omutumwa omuke okukira bhanú muragamba ega, mbo abhatumwa abhakuru.

2 Abhakorinto 3:5

Etaringi ega, turamanya ega, ekintu kyokyonse kinú turakora, turatura okukikora kwa eginguru gyetu bheetu abheene, nawe, obhuturo bhwetu bhurarwa ku Waryubha.

Abhagaratia 2:6

Nawe, abhatungi bha erikanisa bharya, bhataaringa na eringʼana ryoryonse erihya rya okunkeerya. M-maheene bhaasuukwanga bhukongʼu, nawe, kuoni riyo ritaana ensonga yoyonse, kwa okubha Waryubha atakumaaha obhutungi bhwa omuntu.

Abhagaratia 2:9

Mbe, hanú Yakobho, Kefa na Yoana, bhanú bhaaringa abhatungi abhakuru, bhaarora eriruguto rinú naahaanwa na Waryubha, bhakatugwata okubhoko oni na Bharinabha, naho okoorokya ekimanyiiriryo kya obhugwatani bhwetu. Tukeekiriranʼya ega, bheetu tugende okukora emirimu kubhantu bhanú bhataringi Abhayahudi, na bheeki bhakore emirimu ku Bhayahudi.

2 Timoteo 3:13

Nawe abhakori bha obhusarya na abhangʼeenererya, bharigendererya okubha abhakori bha obhusarya bhukongʼu, bharibhanga bharangʼeena na okungʼeenwa.

Yakobho 1:22

Mutabha mureengʼeena kwa okwitegeerera eringʼana rya Waryubha okwenego, nawe mukorenga kya ego riragamba.

Yakobho 1:26

Nyoore omuntu areerora ega, yaana edini inú eramungʼarira Waryubha, nawe, atamanyiri okuribhira orurimi rwaye okugamba amabhiibhi, uyo areengʼeena omwene, na edini yaaye etaana obhwera.

1 Yoana 1:8

Nyoore turaagambe ega, bheetu tutaana obhusarya, tureengʼeena bheetu abheene, turabha tutamanyiri obhuheene.