Abhagaratia 6:2 - Eriragano Erihya

² Mubhenga murabheerana emijigo emirito. Kwa okukora ego, nho, murakunaanʼya amaragiriryo ga Kiristu.

Abhagaratia 6:2 ပူးပေါင်းရင်းမြစ်များ

Mataayo 8:17

Gayo gaakoreka, naho rikunaane eringʼana rinú ryagambwa eguru yaaye na omurooti Isaaya ega, “Yaagega obhunyooheeru bhwetu, yaagega amarweri geetu.”

Ruuka 11:46

Yeesu akamukyukya ega, “Na bheenyu abheehigirya bha amaragiriryo, murikirora-ko! Kwa okubha mureetiikya abhantu omujigo omurito gwa amaragiriryo, gunú bhatakutura okugukora. Nawe, bheenyu abheene mutakwenda okwinura kora ekyara, naho bhagugege.

Yoana 13:34

Ndabhahaana eriragiriryo erihya, ‘Muhanjane. Kya ego oni mbahanjiri bheenyu, egoego na bheenyu muhanjane.’

Yoana 15:12

Eriragiriryo ryani n-dinu, muhanjane kya ego oni mbahanjiri bheenyu.

Abharuumi 15:1

Mbe, bheetu bhanú tunagiri kuimani, tureenderwa okwigumirirya abharikyetu, bhanú bhataranaga kuimani. Tubhabheere abhanyooheeru kuimani, tuteengʼahirya bheetu abheene.

Abharuumi 8:2

Kunjira ya okugwatana na Kiristu Yeesu, eginguru gya Omutima Omurabhu unú arareeta obhuhoru bhwa koko, ginkoreri mbe omwiyagaari, naho ntige okutungwa na eginguru gya obhusarya na oruku.

1 Abhakorinto 9:21

Kubhanú bhataana amaragiriryo, nonse neekora ntaana amaragiriryo, naho okubhabheera bhamwikirirye Kiristu. Etaringi ega, ntaana amaragiriryo embere ya Waryubha, nawe niinago kwa okubha ndatungwa na amaragiriryo ga Kiristu.

Abhagaratia 6:5

kwa okubha kira omuntu arigega omujigo gwaye omwene.

1 Abhatesaronike 5:14

Abhahiiri bheetu kuimani, turabhakomererya, mubhenga murakemera abharosu na okubhateremya bhanú bharakwa emitima. Kweki mubhenga murabhateremya bhanú bhatarakongʼa kuimani na okubheegumirirya abhantu bhonsego.

Yakobho 1:25

Nawe, omuntu unú areekomya bhujomu amaragiriryo ganú gakuneeni, na okureetera abhantu obhwiyagaari bhwa okurwa mubhusarya, akaagendererya okukora gayo, enu arahiituka ganú yeegwa na okugakorera emirimu, uyo arinonkwa kwa okukora ego.

Yakobho 2:12

Mbe, mubhenga muragamba na okukora amangʼana, enu murahiituka ega, Waryubha aribhabhuturira ekiina okurekana na amaragiriryo ganú garareetera abhantu obhwiyagaari bhwa okurwa mubhusarya.

Yakobho 2:8

Mu Mangʼoore Amarabhu, amaragiriryo ga obhukama bhwa Waryubha garagamba ega, “Omuhanje omurikyaho, kya ego oreehanja uuwe omwene.” Nyoore murakora ego, murakora bhujomu.

1 Petero 2:24

Kiristu omwene yaagega obhusarya bhwetu kumubhiri gwaye, akabhambwa kumusarabha. Yaakora ego, naho bheetu tutatungwa kweki na obhusarya, twikare kwa okumungʼarira Waryubha. Bheenyu mwahonibhwa kwa okuhitira okutemwa kwaye.

2 Petero 2:21

Ekaabheeri bhujomu kubheeki, nyoore bhatakaamanyiri kora hake, enjira ya obhuheene iyo, okukira okuimanya, bhamare bhatige amaragiriryo amarabhu ganú bhaahaanwa.

2 Petero 3:2

Ndeenda muhiituke amangʼana ganú abharooti bha Waryubha bhaaroota akare hayo, na amaragiriryo ga Omukuru na Omutuurya ganú abhatumwa bheenyu bhaabhareetera.

1 Yoana 4:21

Mbe, Waryubha yaatuhaana eriragiriryo rinu, ega, omuntu unú aramuhanja Waryubha, areenderwa ahanje na omurikyaye.