Abhagaratia 5:7 - Eriragano Erihya

⁷ Kubhwambiro, mwaringa murakora bhujomu! Bhoono, niwi yaabhangʼeenererye mutagwata ameehigiryo ga obhuheene?

Abhagaratia 5:7 ပူးပေါင်းရင်းမြစ်များ

Mataayo 13:21

Nawe, kwa okubha arahunkana na ekiimerya kinú kitaana emiri, areekara na eringʼana riyo, kwa eribhaga ekego. Nyoore enyanko kasi amakongʼu garaamunyoore kurusumo rwa eringʼana riyo, rumwigo araritiga.

Amakorwa ga Abhatumwa 6:7

Abheekirirya bhaagendererya okubharaarikira abhantu abhaaru eringʼana rya Waryubha, na erisaabhu ryabho ryagendererya okwaruha bhukongʼu, mumugi gwa Yerusaremu. Kora abhasyengeri abhaaru bhaamwigwa Waryubha kwa okumwikirirya Omukuru Yeesu.

Abharuumi 10:16

Kora ego, etaringi ega, Abhaisiraeri bhonsego bheekirirya Amangʼana Amajomu gayo, abhaaru bhaagaanga. Omurooti Isaaya yaagamba ega, “Omukuru Waryubha, niwi unú yeekirirya amangʼana geetu?”

Abharuumi 15:18

Oni ntakugamba eringʼana ryoryonse erindi, nawe, ganú Kiristu yaakora okuhitira kuoni. Yaakora abhantu bhanú bhataringi Abhayahudi, bhamwigwe Waryubha. Eringʼana riyo, ryakoreka okuhitira kumangʼana ganú naaringa ndagamba na emirimu ginú naaringa ndakora.

Abharuumi 16:26

Nawe, bhoono gatubhwirwe, na okuhitira mu Mangʼoore Amarabhu ga abharooti, amangʼana gayo, gamanyikeeni mubhyaro bhyonsego. Waryubha owa koko, ngʼo aragiriirye ega, amangʼana gayo, garaarikwe kubhantu bhonsego, naho bhayo bhonse bhature okumwikirirya na okumwigwa Omukuru Yeesu.

Abharuumi 2:8

Nawe, aribhajimira na okubhajibhya abha omungʼaho, bhanú bharaanga obhuheene, na bharakora amabhiibhi.

Abharuumi 6:17

Akare, bheenyu mwaringa abhagaya bha obhusarya. Nawe, Waryubha akumibhwe, kwa okubha bhoono mwikiriirye kwa emitima gyenyu gyonsego okwigwa ameehigiryo ga Ekikiristu, ganú mweehigiribhwa.

1 Abhakorinto 9:24

Bhoono mutamanyiri ega, abhantu bhanú bharasongana okukenya, bharakenya bhonsego, nawe, unú aranyoora omutuho ngʼ-umwi ego? Mbe, mubhenga murakenya bhukongʼu, naho munyoore omutuho.

2 Abhakorinto 10:5

Na turasarya amangʼana gonsego ga obhubheehi, na amangʼana ga okwigungya ganú gararibhira abhantu bhatamumanya Waryubha. Kweki turahunjura ameetegeerero gonsego ga abhantu, naho gamwigwe Kiristu.

Abhagaratia 2:2

Naariina okugya Yerusaremu kwibhaga riyo, kwa okubha Waryubha yaaringa yaantubhuriiri ega, ngende. Hanú naahika, nkamaahana kabhejyo na abhatungi bha erikanisa bhanú bharasuukwa bhukongʼu na abhantu. Kimwi nkabhakeerya Amangʼana Amajomu ganú naaringa ndaraarikira abhantu bhanú bhataringi Abhayahudi. Naamura okukora ego, naho emirimu ginú naaringa nkoreri na ginú ndagendererya okukora gitariija okubha gya bhusa.

Abhagaratia 3:1

Bheenyu Abhagaratiya, abhakangi! Niwi yaabharoga? Amangʼana eguru ya okubhambwa kumusarabha kwa Yeesu Kiristu, gaatuurwa kubhurabhu embere ya ameeso geenyu.

Abhagaratia 5:10

Mmanyiri obhuheene ega, mureekiriranʼye na oni, kwa okubha bheenyu mugwateeni na Omukuru Yeesu. Nawe, omuntu wowonse unú aribhanyankya, kora akaabha owi, aribhuturirwa ekiina.

2 Abhatesaronike 1:8

Yeesu ngʼo arijibhya bhonsego bhanú bharamwanga Waryubha na bhanú bhatakugwata Amangʼana Amajomu eguru ya Omukuru weetu.

Abhaebhurania 11:8

Eimani yaakora Abhurahamu akamwigwa Waryubha, hanú yaamukeerya ega, yeemuke mukyaro kyaye, agye mukyaro kinú amuragiri okumuhaana. Abhurahamu akeemuka mukyaro kyaye, onyoora ataaringa amanyiri enú yaaringa aragya.

Abhaebhurania 12:1

Mbe, kwa okubha twinaarirwe na omuganda omunene gwa abheemiririri bhayo, turuusye-ho kira eringʼana rinú riraturibhira na okutiga obhusarya bhunú bhuratugwisya. Kweki tukore ekituunyo okukora ganú Waryubha atuuriri embere yeetu, kya omuntu unú arakenya kwa obhwikongʼererya.

Abhaebhurania 5:9

Mbe, okurekana na gayo, Waryubha akamukora Yeesu yeenderwe okubha obhusimuka bhwa obhutuurya bhwa koko, kubhantu bhonsego bhanú bharamwigwa.

1 Petero 1:22

Kwa okubha mureekara okuringʼaana na ameehigiryo ga obhuheene eguru ya Yeesu, emitima gyenyu girabhiibhwe. Bhoono mukore ekituunyo okuhanja abharikyenyu mutabha na orwambe. Mbe, muhanjane kwa emitima gyenyu gyonsego.