Abhagaratia 5:6 - Eriragano Erihya

⁶ Mbe, nyoore twikiriirye okugwatana na Kiristu Yeesu, okusaarwa kasi okutiga okusaarwa kutaana obhwera bhobhonse. Ekintu ekinene kya obhwera, ngʼ-imani yeetu inú erakora emirimu kwa obhuhanje.

Abhagaratia 5:6 ပူးပေါင်းရင်းမြစ်များ

Ruuka 7:5

kwa okubha ahanjiri ekyaro kyetu, na ngʼo yaatuhagaajira erisinagogi.”

1 Abhakorinto 13:13

Mbe bhoono, ebhintu ebhisatu bhinu bhitarihwa, eimani, obhwisige na obhuhanje. Na kubhiyo, eringʼana erikuru okukira gonsego m-buhanje.

1 Abhakorinto 7:19

Okusaarwa kutaana obhwera na okwanga okusaarwa kutaana obhwera. Kinú kiina obhwera n-kugwata amaragiriryo ga Waryubha.

2 Abhakorinto 5:14

Obhuhanje bhwa Kiristu bhuratoorokererya bheetu, kwa okubha tumanyiri ega, oumwi yaakwa kurusumo rwa abhantu bhonsego, ensonga yaaye niiga, abhantu bhonsego bhaakwa.

Abhagaratia 3:26

Bhoono, bheenyu bhonsego mubheeri abhaana bha Waryubha kwa okumwikirirya Kiristu Yeesu, na okugwatana nawe.

Abhagaratia 3:28

Kwa ego, bhutariho kweki obhwahukani gati ya Omuyahudi na unú ataringi Omuyahudi, kasi omugaya na omwiyagaari, kasi omusaaja na omukari, kwa okubha bheenyu bhonsego mubheeri bhamwi kwa okugwatana na Kiristu Yeesu.

Abhagaratia 6:15

Okusaarwa kasi okutiga okusaarwa, kutaana obhwera bhobhonse. Ekintu ekinene kya obhwera, nu-kukorwa na Waryubha okubha omuhya.

Abhaefeso 6:23

Bheenyu abhahiiri bhaani kuimani, ndabheendera omurembe, obhuhanje na eimani okurwa ku Taata Waryubha na ku Mukuru weetu Yeesu Kiristu.

Abhakorosai 1:4

Turakora ego, kwa okubha tweegwiri kya ego muramwikirirya Kiristu Yeesu, na kya ego murahanja abhantu bhonsego bha Waryubha.

Abhakorosai 3:11

Kwa ego, hatakubha-ho na obhwahukani, gati ya Omuyahudi na omuntu unú ataringi Omuyahudi, unú asaarirwe na omuriisya, omusomi na unú ataringi omusomi, omugaya na omwiyagaari. Nawe, Kiristu omwenego ngʼo Omukuru wa gonsego na weeki ngʼo aringi munsi wa gonsego.

1 Abhatesaronike 1:3

Hanú turabhasabhira ku Taata Waryubha, turahiituka embere yaaye, emirimu gyenyu ginú murakora kwa eimani. Turahiituka ekituunyo kyenyu kinú kirarekana na obhuhanje bhwenyu, kweki kya ego mwimiriiri okurekana na obhwisige bhwenyu bhwa okuhunjuka kwa Omukuru weetu Yeesu Kiristu.

Abhaebhurania 11:8

Eimani yaakora Abhurahamu akamwigwa Waryubha, hanú yaamukeerya ega, yeemuke mukyaro kyaye, agye mukyaro kinú amuragiri okumuhaana. Abhurahamu akeemuka mukyaro kyaye, onyoora ataaringa amanyiri enú yaaringa aragya.

1 Petero 1:8

Bheenyu mumuhanjiri, onyoora mutaakamuruuji, na muramwikirirya onyoora mutakumurora bhoonwego. Kwa ego, muuna obhujomerwa bhunú bhuuna obhukuru bhunú bhutakugambwa,