Abhagaratia 5:4 - Eriragano Erihya

⁴ Nyoore mureesiga okubharwa ega, muringi abhaheene embere ya Waryubha, kwa okugwata amaragiriryo, mbe, mwiyahwiri okurwa ku Kiristu, na mwibhuriirye eriruguto rya Waryubha.

Abhagaratia 5:4 ပူးပေါင်းရင်းမြစ်များ

Abharuumi 11:6

Bhaasorwa kwa eriruguto rya Waryubha, kwa ego bhatakutuuribhwa kwa ekisigo kya amakorwa gaabho. Nyoore bhakaatuuriibhwe kwa ekisigo kya amakorwa gaabho, mbe, eriruguto ritakaabheeri eriruguto kweki.

Abharuumi 3:20

Atariho omuntu wowonse unú arabharwa okubha omuheene embere ya Waryubha, kwa okugwata amaragiriryo ga Musa. Emirimu gya amaragiriryo gayo, n-koorokya ega, abhantu bhonsego m-bakori bha obhusarya.

Abhagaratia 2:21

Ntakutura okwanga eriruguto rya Waryubha. Nyoore omuntu aratura okubharwa ega, m-muheene embere ya Waryubha kwa okugwata amaragiriryo ga Musa, mbe, Kiristu yaakwa bhusa!

Abhagaratia 5:2

Mwitegeerere, oni Pauro ndabhakeerya ega, nyoore mureekirirya okusaarwa kurusumo rwa okugwata amaragiriryo, hayo Kiristu atakubha na obhwera bhobhonse kubheenyu.

Abhaebhurania 12:15

Mwiyangararire, naho omuntu wowonse atabhurwa eriruguto rya Waryubha. Kweki eritinya rya obhururu ritasebhuka, ribhanyankye, rikonʼye abhantu abhaaru.

Abhaebhurania 4:1

Mbe, endago ya Waryubha eya okusoha ahasi haaye ha okumuunya ekyari-ho. Kwa ego tubhenga turoobhoha, naho oumwi gati yeenyu atariija okutamwa okusoha ahasi hayo.

Obhukundukuri 2:5

Muhiituke ganú mwakoranga eribhaga rinú mwaamba okunyikirirya na ganú murakora bhoonwego. Kimwi munyihunjurire, mukore kya ego mwakoranga eribhaga rirya. Nawe muraange okukora ego, ndaaja okuruusya ekisunga kyenyu ahasi haaye.