Abhagaratia 5:3 - Eriragano Erihya

³ Ndabhakeerya kweki kubhurabhu ega, omusaaja wowonse unú areekirirya okusaarwa, areenderwa okugwata amaragiriryo gonsego.

Abhagaratia 5:3 ပူးပေါင်းရင်းမြစ်များ

Mataayo 23:16

“Murikirora-ko, bheenyu abhatungi abhahoku, kwa okubha mureehigirya abhantu ega, ‘Nyoore omuntu arateena kwisyengerero erikuru rya Waryubha, m-busa. Nawe, nyoore arateena kugijahaabhu ginú giruusiibhwe mwisyengerero rya Waryubha, omuntu uyo areenderwa okukora kya ego ateeneri.’

Mataayo 23:18

Kweki mureehigirya abhantu ega, ‘Nyoore omuntu arateena ahasi ha okumwensera mwisyengerero erikuru rya Waryubha, m-busa. Nawe, nyoore arateena kukimwenso kinú kiringi ahasi ha okumwensera, omuntu uyo areenderwa okukora kya ego ateeneri.’

Amakorwa ga Abhatumwa 15:1

Abhantu nyabhurebhe bhakarwa mukyaro kya Yudea, bhakahiringitira mumugi gwa Antiokia. Bhakaamba okwihigirya abheekirirya ega, “Nyoore mutaasaarwe, okuringʼaana na amaragiriryo ganú twatigirwa na Musa, mutaatuuribhwe.”

Amakorwa ga Abhatumwa 2:40

Petero akagendererya okubhakeerya amangʼana agandi amaaru ga okubhakemera, enu arabhakomererya ega, “Mumusabhe Waryubha abhatuurye okurwa kurwibhuro orubhiibhi runu, naho atariija okubhabhuturira ekiina!”

Amakorwa ga Abhatumwa 20:21

Naaringa ndabhakeerya Abhayahudi hamwi na Abhayunani ega, bhamwihunjurire Waryubha okurwa mubhusarya bhwabho na bhamwikirirye Omukuru weetu Yeesu Kiristu.

Abharuumi 2:25

Okusaarwa kwaho kurabha na obhwera, nyoore orakora kya ego amaragiriryo garoorokererya. Nawe, nyoore orasarya amaragiriryo, okusaarwa kwaho kutakubha na obhwera bhobhonse, kweki uuwe orabha kya omuntu unú atakusaarwa.

Abhagaratia 3:10

Nawe, bhanú bhareesiga okutuuribhwa kwa okukora ganú amaragiriryo gareenda, bhayo bheehiimwa. Kwa okubha yaangʼoorwa mu Mangʼoore Amarabhu ega, “Wowonse unú atakugwata na okukora ganú gaangʼoorwa mukitabho kya amaragiriryo, yeehiimirwe.”

Abhagaratia 5:2

Mwitegeerere, oni Pauro ndabhakeerya ega, nyoore mureekirirya okusaarwa kurusumo rwa okugwata amaragiriryo, hayo Kiristu atakubha na obhwera bhobhonse kubheenyu.

Abhagaratia 5:6

Mbe, nyoore twikiriirye okugwatana na Kiristu Yeesu, okusaarwa kasi okutiga okusaarwa kutaana obhwera bhobhonse. Ekintu ekinene kya obhwera, ngʼ-imani yeetu inú erakora emirimu kwa obhuhanje.

Abhaefeso 4:17

Mbe, kwa obhutungi bhunú Omukuru Yeesu yaangʼaana, ndabhakomererya ega, muteekara kweki, kya ego abhantu bhanú bhatamumanyiri Waryubha bhareekara. Bheeki ameetegeerero gaabho, gataana obhwera.

1 Abhatesaronike 4:6

Kwa gayo, omuntu wowonse atamusarirya omurikyaye, kora okumungʼeena. Kya ego twabhakeerya na okubhakaanʼya ega, Omukuru ngʼo arariha ekisiiyomba kubhonsego bhanú bharakora gayo.

1 Yoana 4:14

Na bheetu turuuji na tureemiririra ega, Taata Waryubha yaatuma Omwana waaye abhe Omutuurya wa ekyaro.