Abhagaratia 5:2 - Eriragano Erihya

² Mwitegeerere, oni Pauro ndabhakeerya ega, nyoore mureekirirya okusaarwa kurusumo rwa okugwata amaragiriryo, hayo Kiristu atakubha na obhwera bhobhonse kubheenyu.

Abhagaratia 5:2 ပူးပေါင်းရင်းမြစ်များ

Amakorwa ga Abhatumwa 15:1

Abhantu nyabhurebhe bhakarwa mukyaro kya Yudea, bhakahiringitira mumugi gwa Antiokia. Bhakaamba okwihigirya abheekirirya ega, “Nyoore mutaasaarwe, okuringʼaana na amaragiriryo ganú twatigirwa na Musa, mutaatuuribhwe.”

Amakorwa ga Abhatumwa 15:24

Twigwiri ega, abharikyetu bhaaja eyo, okurwa enu, bhakabhanyankya kwa amangʼana gaabho, mukoobhoha. Nawe, bheetu tutaabhatuma.

Amakorwa ga Abhatumwa 15:5

Nho, gati ya abheekirirya bha Yeesu bha mumuganda gwa Abhafarisaayo, bhakeemirira, bhakagamba ega, “Abhantu bhanú bhataringi Abhayahudi, bhonse bhareenderwa bhasaarwe, na bhakeeribhwe ega, bhabhenga bharagwata amaragiriryo gonsego ga Musa.”

1 Abhakorinto 16:21

Oni Pauro, ndangʼoora enkeeranʼya inu kwa okubhoko kwani omwene.

2 Abhakorinto 10:1

Mbe, abhandi bharagamba ega, oni m-munyoohu hanú ndingi hamwi na bheenyu, na ega, m-mururu hanú ndingi ahare na bheenyu. Nawe, oni omwene Pauro, ndabhakomererya kwa obhwisuuhya na obhunyoohu bhwa Kiristu.

Abhagaratia 5:11

Abhahiiri bhaani kuimani, abhantu abhandi bharagamba ega, oni ndaraarika ega, kira omusaaja niiga, asaarwe. Nyoore maheene niigo ndaraarika, kwaki Abhayahudi bharannyankya? Na nyoore niigo ndaraarika, obhuraariki bhwani eguru ya okukwa kwa Yeesu Kiristu kumusarabha, kutakukora Abhayahudi bhambihirirwe.

Abhagaratia 5:6

Mbe, nyoore twikiriirye okugwatana na Kiristu Yeesu, okusaarwa kasi okutiga okusaarwa kutaana obhwera bhobhonse. Ekintu ekinene kya obhwera, ngʼ-imani yeetu inú erakora emirimu kwa obhuhanje.

1 Abhatesaronike 2:18

Tweendanga okuuja kubheenyu, kweki oni Pauro neendanga okuuja etaringi rumwigo, nawe Erisambwa rikaturibhira.

Firimoni 1:19

Oni Pauro, nngʼooreri kwa okubhoko kwani omwene ega, ndikuriha. Ntakwenda okugamba ega, ndakutonga esiiri, kwa okubha uuwe waatunguribhwa okurekana na okuraarika kwani.

Firimoni 1:9

Nawe, kurusumo rwa obhuhanje, nduuji ega, m-bujomu nkusabhe, oni Pauro omugotu, kweki omubhohwa kurusumo rwa Kiristu Yeesu.

Abhaebhurania 4:2

Bheetu twaraarikirwa amangʼana amajomu eguru ya ahasi ha okumuunya, kya ego bhajaaji weetu bhonse bhaaraarikirwa. Nawe, bheeki amangʼana gayo gataabha na obhwera bhobhonse kubheene, kwa okubha bhaageegwa, nawe, bhataageekirirya.