Abhagaratia 5:16 - Eriragano Erihya

¹⁶ Mbe, kinú ndabhakeerya niiga, enteemo yeenyu ebhe eroorokereribhwa na Omutima Omurabhu. Mukaakora ego, mutarigwata orunamba orubhiibhi rwa omubhiri.

Abhagaratia 5:16 ပူးပေါင်းရင်းမြစ်များ

Abharuumi 6:12

Kwa ego, muteekirirya obhusarya bhutunge emibhiri gyenyu ginú girakwa. Muteekirirya okurutwa na orunamba orubhiibhi rwa emibhiri gyenyu.

Abharuumi 8:1

Mbe bhoono, Waryubha ataribhajibhya abhantu bhanú bhagwateeni na Kiristu Yeesu.

1 Abhakorinto 7:29

Abhahiiri bhaani kuimani, ndeenda okugamba ega, eribhaga rinú ryatamiri Kiristu ahunjuke, ni-kego. Mbe, okurwa bhoono, bhanú bhaana abhakari bhatige okwiganirirya abhakari bhaabho abheenego, naho bhakore emirimu gya Omukuru.

2 Abhakorinto 7:1

Bhoono, abhahanje bhaani, kwa okubha Waryubha yaaraga gayo gonsego, kwa ego mbe twiraame, tutigane na obhukonu bhonsego, bhwa emibhiri na emitima gyetu. Tubhe abha emitima emirabhu kumangʼana gonsego, kwa enjira ya okumusuuka Waryubha.

Abhagaratia 3:17

Kinú ndagamba niiga, Waryubha yaakora eriragano ryaye emyaka magana gane na mirongo esatu (430), eribhaga amaragiriryo gatarabha-ho. Kwa ego, amaragiriryo gayo, gatakutura okuruusya-ho eriragano riyo, kora egindago gyaryo.

Abhagaratia 6:8

Mbe, omuntu unú aroorokereribhwa na orunamba orubhiibhi rwa omubhiri, arigesa engʼanga okurekana na orunamba ruyo. Nawe, unú aroorokereribhwa na Omutima Omurabhu, arigesa obhuhoru bhwa koko, okurwa ku Mutima Omurabhu.

Abhaefeso 2:3

Bheetu bhonsego, twaringa kya bheeki, tweekaranga okuringʼaana na orunamba rwetu rwa ekyaro, na okukora amangʼana ganú gaajomeranga emibhiri gyetu na obhungʼeeni bhwetu ageenego. Tweebhurwa na obhusimuka bhwa obhusarya kya abhandi, kwa ego Waryubha yaaringa atujimiiri na tweenderwanga okujibhibhwa.

Abhakorosai 2:11

Kwa okugwatana nawe, weeki yaabhasaara kwa ensaaro inú etakukorwa kwa amabhoko ga abhantu, nawe ensaaro ya omutima inú erakorwa na weeki omwene. Ensonga yaaye niiga, mwatiga obhusimuka bhwenyu bhwa obhusarya.

1 Petero 1:14

Bheenyu m-baana bha Waryubha. Bhoono, mbe, mumwigwe, muteekirirya kora ahake okugendererya na orunamba runú mwaringa naro, hanú mwaringa mukyari okumanya eringʼana ryoryonse erijomu.

1 Petero 1:22

Kwa okubha mureekara okuringʼaana na ameehigiryo ga obhuheene eguru ya Yeesu, emitima gyenyu girabhiibhwe. Bhoono mukore ekituunyo okuhanja abharikyenyu mutabha na orwambe. Mbe, muhanjane kwa emitima gyenyu gyonsego.

1 Petero 2:11

Abhahanje bhaani, bheenyu muringi abhageni na m-bahiti bha enjira mukyaro hanu. Kwa ego ndabhakomererya ega, muteekirirya orunamba rwa emibhiri gyenyu, runú rurasongana na bheenyu, rubhahige.

1 Petero 4:6

Kiyo nkyo ekisigo, abhantu bhanú bhaakwa, bhaaraarikirwa Amangʼana Amajomu, naho kora nyoore bhaajibhibhwa omubhiri kya abhandi, bhabhe abhahoru kwa obhuturo bhwa Omutima Omurabhu, kya ego Waryubha m-muhoru.