Abhagaratia 5:12 - Eriragano Erihya

¹² Ndeegomba ega, abhantu bhanú bharabhanyankya kwa amangʼana ga ensaaro, nyakara bhakeeyihiri bheeki abheene!

Abhagaratia 5:12 ပူးပေါင်းရင်းမြစ်များ

Yoana 9:34

Bheeki bhakamukyukya ega, “Uuwe weebhurwa na okurerwa kya omukori wa obhusarya. Bhoono, uuwe uuna obhutungi-ki bhwa okutwihigirya bheetu?” Mbe, bhakamukenyia muyo.

Amakorwa ga Abhatumwa 15:24

Twigwiri ega, abharikyetu bhaaja eyo, okurwa enu, bhakabhanyankya kwa amangʼana gaabho, mukoobhoha. Nawe, bheetu tutaabhatuma.

Amakorwa ga Abhatumwa 5:5

Anania hanú yeegwa amangʼana gayo, rumwigo, akagwa hansi, akakwa. Abhantu bhonsego bhanú bheegwa eringʼana riyo, bhoobhoha bhukongʼu.

Amakorwa ga Abhatumwa 5:9

Petero akamukeerya ega, “Yaabha egaki, uuwe na omusaaja waaho mweekiriranʼya musakye okungʼeena Omutima Omurabhu wa Omukuru Waryubha? Rora, abhamura bhanú bhabhiikiri omusaaja waaho, bhahunjukiri, bharingi mukiseku hayo, bhaakakuhire kibhara uuwe wonse!”

Abhagaratia 2:4

Eringʼana rya okusaarwa riyo, ryabhuribhwa na abhantu bhanú bhaaringa bhareekorya ega, m-bahiiri bheetu kuimani, nawe, bheesohya bhugunyi okwikomya obhwiyagaari bhwetu bhunú twahaanwa na Kiristu Yeesu. Ensonga yaabho, yaaringa nu-kutukora tubhe abhagaya bha amaragiriryo ga Musa.

Abhagaratia 5:10

Mmanyiri obhuheene ega, mureekiriranʼye na oni, kwa okubha bheenyu mugwateeni na Omukuru Yeesu. Nawe, omuntu wowonse unú aribhanyankya, kora akaabha owi, aribhuturirwa ekiina.

Tiito 3:10

Omuntu unú aragwatanʼya abhantu, omukemere orwa mbere, omare omukemere orwa kabhiri. Nyoore ataribha omwigwa, otigane nawe kimwi.