Abhagaratia 5:1 - Eriragano Erihya

¹ Kiristu atutungwirye okurwa mubhugaya bhwa amaragiriryo, naho twiyagaare. Mbe, munage kuimani, kora kweki muteekirirya okuhunjuka mubhugaya bhwa amaragiriryo.

Abhagaratia 5:1 ပူးပေါင်းရင်းမြစ်များ

Mataayo 23:4

Bheeki bharabhoha amaragiriryo gonsego kya emijigo emirito na okubhatuurira abhantu kumariko, nawe, abheene bhatakwenda okwinura kora ekyara, naho bhagigege.

Ruuka 5:38

Nawe edivai enhya, ereenderwa etuurwe muginsaho eginhya!

Amakorwa ga Abhatumwa 15:10

Mbe! N-kwaki muramusakya Waryubha, kwa okubhagegya abheekirirya bhayo omujigo omurito kya ejeeki, enu bheetu abheene guratutama? Kora na bhajaaji weetu, bhonse gwabhatama!

Abharuumi 6:14

Obhusarya bhutakubhatunga kweki, kwa okubha mutakubha insi ya amaragiriryo, nawe, murabha insi ya eriruguto rya Waryubha.

Abharuumi 6:18

Bhoono, Waryubha yaamariri okubhahaana obhwiyagaari, naho mutabha abhagaya bha obhusarya. Yaabhakoreri mubhe abhagaya bhaaye, naho mubhe murakora amangʼana ga obhuheene.

Abharuumi 7:3

Nawe, akaatetwa na omusaaja oundi, eribhaga omusaaja waaye atarakwa, hayo arabha arakora obhusimbe. Nawe, nyoore omusaaja waaye akwiri, eriragiriryo riyo, ritakumubhoha kweki. Hayo aratura okutetwa na omusaaja oundi, kora atakubha arakora obhusimbe.

Abharuumi 7:6

Twaringa tubhoherwe na amaragiriryo, nawe bhoono, tukwiri hamwi na Kiristu, kwa ego, tunyooreri obhwiyagaari okurwa kumaragiriryo. Bhoono tutakumukorera emirimu Waryubha kwa enjira ya akare, eya okugwata amaragiriryo ganú gaangʼoorwa, nawe, kwa enjira ehya ya okoorokereribhwa na Omutima Omurabhu.

Abharuumi 8:15

Waryubha ataabhahaana Omutima Omurabhu, naho mubhe kweki abhagaya bhanú bharoobhoha, nawe, yaabhahaana Omutima Omurabhu, naho mubhe abhaana bhaaye. Omutima uyo ngʼo aratubheera okumubhirikira Waryubha, “Aba,” ensonga yaaye niiga, “Taata!”

Abharuumi 8:2

Kunjira ya okugwatana na Kiristu Yeesu, eginguru gya Omutima Omurabhu unú arareeta obhuhoru bhwa koko, ginkoreri mbe omwiyagaari, naho ntige okutungwa na eginguru gya obhusarya na oruku.

1 Abhakorinto 15:58

Mbe, abhahiiri bhaani abhahanje kuimani, mwimirire bhwima na munage, mugendererye okukora emirimu gya Omukuru kwa ekituunyo eginsiku gyonsego, kwa okubha mumanyiri ega, emirimu ginú murakora kurusumo rwa Omukuru, gitaringi gya bhusa.

1 Abhakorinto 16:13

Mutengeeje, munage kuimani, kweki mubhe abhasajasaaja na abha eginguru.

1 Abhakorinto 7:22

Ngambiri ega, riyo ritakutunʼya, kwa okubha omuntu unú yaaringa omugaya eribhaga rinú yaabhirikirwa na Omukuru, uyo areeyagaara, embere ya Omukuru. Na unú yaaringa areeyagaara eribhaga rinú yaabhirikirwa, uyo m-mugaya wa Kiristu.

2 Abhakorinto 11:20

Mureegumirirya kora omuntu unú arabhatuura mubhugaya, unú arabheebhira na okubharuusya ebhintu bhyenyu, kweki unú areerora ega, m-munene okukira bheenyu na omuntu unú arabhatema mubhusu.

2 Abhakorinto 3:17

Mbe, Omukuru ngʼo Omutima, hanú Omutima wa Omukuru aringi, hayo nho haana obhwiyagaari.

Abhagaratia 2:4

Eringʼana rya okusaarwa riyo, ryabhuribhwa na abhantu bhanú bhaaringa bhareekorya ega, m-bahiiri bheetu kuimani, nawe, bheesohya bhugunyi okwikomya obhwiyagaari bhwetu bhunú twahaanwa na Kiristu Yeesu. Ensonga yaabho, yaaringa nu-kutukora tubhe abhagaya bha amaragiriryo ga Musa.

Abhagaratia 3:25

Nawe bhoono, kwa okubha eimani ku Yeesu Kiristu emariri okuuja, tutaringi kweki insi ya omureri weetu.

Abhagaratia 4:26

Nawe, Saara areemiririra omugi gwa Yerusaremu ya murwire, inú iiyagaariri, iyo ngʼyo maayi.

Abhagaratia 4:31

Kwa ego, abhahiiri bhaani kuimani, bheetu tutaringi abhaana bha omukari omugaya, turingi abhaana bha omukari omutetwa.

Abhagaratia 4:9

Nawe bhoono, mumumanyiri Waryubha, na omwene wonse abhamanyiri bhukongʼu. Bhoono n-kwaki, kweki mureenda okusyengera eginkoro egimbiibhi ginú giratunga ekyaro kinu? Eginkoro giyo gitaana obhuturo kasi obhwera bhobhonse. Kasi kweki mureenda okubha abhagaya bhaagyo?

Abhagaratia 5:13

Abhahiiri bhaani kuimani, Waryubha abhabhirikiiri, naho mwiyagaare. Nawe, obhwiyagaari bhwenyu, bhutabhakora mubhe na omweya gwa okugwata orunamba orubhiibhi rwa omubhiri, nawe, mubheeranenga kwa obhuhanje.

Abhaefeso 6:14

Mbe mwiseemye, obhuheene bhubhe kya omuchipi mubhukende, na amakorwa geenyu ga heene gabhe kya engubha ya okuribha kukikubha,

Abhafiripi 1:27

Mbe, eginteemo gyenyu giringʼaane na Amangʼana Amajomu eguru ya Kiristu. Nyoore ndiija okubharora kasi ntariija, niigwe ega, muragendererya okunaga na okubha na obhumwi, enu muranyankira kwa omutima gumwi, eimani inú erarekana na Amangʼana Amajomu.

1 Abhatesaronike 3:8

Bhoono tuheejeeri, kwa okubha bheenyu mwagumiri okwimirira ku Mukuru Yeesu.

2 Abhatesaronike 2:15

Mbe bhoono, abhahiiri bheetu kuimani, munage kuimani na okugwata ameehigiryo ganú mweehigiribhwa kwa amangʼana geetu kasi kwa enyarubha yeetu.

Abhaebhurania 10:23

Twikongʼererye bhukongʼu okugagwata ganú tureekirirya na okugeesigira, kwa okubha Waryubha m-muheene, arakora kya ego oranyoora aragiri.

Abhaebhurania 3:14

Tukore ego, kwa okubha turagwatana hamwi na Kiristu, nyoore turamwisigira okuhikira obhuteero, kya ego twaringa turamwisigira kubhwambiro.

Abhaebhurania 3:6

Nawe Kiristu, weeki m-Mwana omuheene unú areemiririra abhantu bha enyumba ya Waryubha. Na bheetu mbo abhantu bhayo, nyoore turagendererya okuhikira obhuteero okubha abhahaari na okwirora kuganú tureesigira.

Abhaebhurania 4:14

Mbe, tuuna Omusyengeri Omukuru, Yeesu Omwana wa Waryubha, unú yaagya akasoha murwire. Kwa ego tugwate bhukongʼu eimani yeetu inú tureekirirya.

1 Petero 2:16

Mwikare kwa okwiyagaara, nawe mutatumira obhwiyagaari bhuyo, okukora amabhiibhi, mumenye kya ego abhagaya bha Waryubha bhareenderwa okumenya.

2 Petero 2:19

Abheehigirya bha obhubheehi bhayo, bhararaga abhantu bhayo ega, hanú bharaabheekiririrye, bhareeyagaara, enu bheeki abheene m-bagaya bha amabhiibhi, kwa okubha, omuntu arabha omugaya wa ekintu kyokyonse kinú kiramutama okwiribhira.

Yuda 1:3

Abhahanje bhaani, naaringa ndeegomba bhukongʼu okubhangʼoorera eguru ya obhutuurya bhunú turasanga bhonsego hamwi. Nawe bhoono, naaruuji ega, ndeenderwa mbangʼoorere, naho mbakomererye ega, mwibhagirire obhuheene bhwa eimani bhunú Waryubha yaagwatya abharabhu bha omutima rumwigo kwibhaga ryonsego.

Obhukundukuri 2:25

nawe, mugumye bhujomu amajomu ganú muunago okuhikira hanú ndiija.

Obhukundukuri 3:3

Muhiituke ganú mweehigiribhwa na okwigwa. Bhoono mugagwate bhujomu na mumwihunjurire Waryubha okurwa mubhusarya bhwenyu. Nawe nyoore mutaatengeeje, ndiija kya omwibhi na mutarimanya eribhaga rinú ndiija.