Abhagaratia 4:9 - Eriragano Erihya

⁹ Nawe bhoono, mumumanyiri Waryubha, na omwene wonse abhamanyiri bhukongʼu. Bhoono n-kwaki, kweki mureenda okusyengera eginkoro egimbiibhi ginú giratunga ekyaro kinu? Eginkoro giyo gitaana obhuturo kasi obhwera bhobhonse. Kasi kweki mureenda okubha abhagaya bhaagyo?

Abhagaratia 4:9 ပူးပေါင်းရင်းမြစ်များ

Mataayo 11:27

Kimwi Yeesu akagendererya okubhakeerya abhantu ega, “Taata amariri okungʼaana amangʼana gonsego. Atariho omuntu wowonse unú amumanyiri Omwana, nawe, Taata omwenego. Na atariho omuntu wowonse unú amumanyiri Taata, nawe, Omwana omwenego, na omuntu wowonse unú Omwana areende okumutubhurira.

Ruuka 5:38

Nawe edivai enhya, ereenderwa etuurwe muginsaho eginhya!

Yoana 10:14

“Oni nooni omuriisya wa heene. Mmanyiri bhujomu amangʼondi gaani, gonse gammanyiri,

Yoana 10:27

Amangʼondi gaani gareegwa eriisi ryani. Oni ngamanyiri, gonse garansoorana.

Yoana 17:3

Obhuhoru bhwa koko mbo bhunu, abhantu bhakumanye uuwe, unú ngʼ-Waryubha owa heene omwenego, kweki bhamanye oni Yeesu Kiristu, unú waantuma kubheene.

Abharuumi 8:29

Waryubha yaamanya abhantu bhaaye, okurwa ekyaro kitarabhumbwa. Bhayo mbo yaabhasora bhabhe kya ego Omwana waaye, Yeesu Kiristu aringi. Yaakora ego, naho Omwana waaye abhe omutangi gati ya abhahiiri abhaaru.

Abharuumi 8:3

Amaragiriryo gataaringa na eginguru gya okutukora twiyagaare, kwa ekisigo kya obhusimuka bhwetu bhwa obhusarya. Nawe, kinú amaragiriryo gayo gataatura okukora, Waryubha yaakora. Yaatuma Omwana waaye omumwemwe, yaaje kubheetu mukyaro, aringi omuntu kya bheetu abha obhusarya, naho abhe ekimwenso kurusumo rwa obhusarya bhwetu. Kwa okukora ego, Waryubha yaabhuturira ekiina eginguru gya obhusarya mubhuhoru bhwetu.

1 Abhakorinto 13:12

Kya ego turamaaha bhoono, n-kya okumaaha ebhintu mukitu, nawe eribhaga erindi, turibhirora bhyonsego kubhurabhu. Eribhaga rinu mmanyiri hakego, nawe eribhaga erindi ndimanya bhukongʼu kya ego Waryubha aramanya oni.

1 Abhakorinto 15:34

Mungʼeenihe, mwiganirirye bhujomu, mutige okukora obhusarya, kwa okubha abhandi gati weenyu bhatamumanyiri Waryubha. Ndagamba gayo, naho mbasuukye.

1 Abhakorinto 8:3

Nawe, omuntu unú aramuhanja Waryubha, uyo ngʼo aramanyikana ku Waryubha.

2 Abhakorinto 11:20

Mureegumirirya kora omuntu unú arabhatuura mubhugaya, unú arabheebhira na okubharuusya ebhintu bhyenyu, kweki unú areerora ega, m-munene okukira bheenyu na omuntu unú arabhatema mubhusu.

2 Abhakorinto 4:6

Waryubha yaagamba ega, “Obhurabhu bhumirike mukisunte.” Na weeki ngʼo yaamirika emitima gyetu, na okutukora tumanye obhukuru bhwaye, bhunú bhurangʼesangʼesa mubhusu bhwa Yeesu Kiristu.

Abhagaratia 3:3

Bhoono n-kwaki mwabheeri abhakangi ego? Bheenyu mwaamba obhuhoru bhwenyu obhuhya kwa eginguru gya Omutima Omurabhu, nawe bhoono, mureenda okumariisya kwa eginguru gyenyu abheene?

Abhagaratia 4:3

Na bheetu bhonsego niigo ego. Hanú Kiristu yaaringa ataraaja, twaringa kya abhaana, twaringa abhagaya bha eginkoro egimbiibhi ginú giratunga ekyaro kinu.

Abhaefeso 1:17

Ndamusabha Waryubha wa Omukuru weetu Yeesu Kiristu, Taata wa obhukuru, abhahaane omutima gwa egintungwa na okubhatubhurira, naho muture okumumanya weeki bhukongʼu.

2 Timoteo 2:19

Nawe, abhantu bhanú bheemiri, n-kya obhurusa bhunú bhwatuurwa na Waryubha. Na kubhurusa kuyo rungʼoorerwe-ko orubhaaso runu, “Omukuru Waryubha amanyiri abhaana bhaaye,” kweki, “Omuntu wowonse unú areebhirikira ega, weeki ngʼ-wa Omukuru Waryubha, atige obhusarya.”

Abhaebhurania 7:18

Mbe, Waryubha yaaruusya-ho eriragiriryo erya mbere rirya, kwa okubha ritaaringa na eginguru, kweki ritaaringa na omurimu gogonse.

2 Petero 2:20

Nyoore abhantu bhamariri okwiyahura okurwa kumabhiibhi ga mukyaro, kwa enjira ya okumumanya Omukuru na Omutuurya weetu Yeesu Kiristu, bhamare bheekirirye kweki okugwatwa na okuhigwa na amabhiibhi gayo, eginteemo gyabho girabha egimbiibhi bhukongʼu okukira egya mbere girya.

1 Yoana 5:20

Kweki tumanyiri ega, Omwana wa Waryubha amariri okuuja, weeki atuheeri obhungʼeeni, naho tumumanye Waryubha wa obhuheene. Bheetu tuuna obhumwi na Waryubha wa obhuheene, kwa okubha tuuna obhumwi na Omwana waaye Yeesu Kiristu. Uyo ngʼo Waryubha wa obhuheene na ngʼo aratuhaana obhuhoru bhwa koko.