Abhagaratia 4:8 - Eriragano Erihya

⁸ Akare hayo, bheenyu mutaaringa mumumanyiri Waryubha. Eribhaga riyo, mwaringa abhagaya bha abhakuru bhanú bhataringi Waryubha.

Abhagaratia 4:8 ပူးပေါင်းရင်းမြစ်များ

Yoana 1:10

Uyo ngʼo yaaringa mukyaro munu, kweki ekyaro kyonsego kyabhumbwa okuhitira kuweeki. Nawe, abhantu bha mukyaro bhataamumanya.

Amakorwa ga Abhatumwa 14:12

Bhakamutoga Bharinabha ega, Jeu, eriina rya omusambwa gwabho omukuru. Na Pauro bhakamutoga ega, Herime, eriina rya omusambwa gwabho ogundi, kwa okubha ngʼo yaahairanga bhukongʼu.

Amakorwa ga Abhatumwa 17:23

Hanú naaringa ndagendagenda mumugi munu, naaruuji eginjira gyenyu gya obhusyengeri. Naaruuji ahasi ha okusyengerera inú engʼoorerwe ega, ku waryubha unú atamanyikeeni. Mbe, Waryubha unú muramusyengera bira okumumanya, ngʼo oni ndabharaarikira.

Abharuumi 1:23

Bhatigiri okumusyengera Waryubha Omurabhu wa koko na koko, bharasyengera ebhisusano, bhinú bhirahunkana na abhantu bhanú bharakwa kya abhantu abhandi, egintyenyi, ebhinyonyi na bhinú bhireengʼuurira enda.

Abharuumi 1:28

Mbe, kwa okubha bhaangiri okumumanya Waryubha, kwa ego Waryubha wonse abhatigiri bhabhe bharagwata ameetegeerero gaabho amabhiibhi ga okwihabhya. Bhoono abhantu bharakora amangʼana ganú gatakwenderwa okukorwa.

1 Abhakorinto 1:21

Ndagamba ego, kwa okubha Waryubha, kwa egintungwa gyaye yaamura ega, abhantu bhatakutura okumumanya okurekana na egintungwa gyabho abheene. Nawe, Waryubha yaahanja okubhatuurya bhanú bharamwikirirya kwa enjira ya amangʼana ganú turaraarika. Amangʼana gayo, ngo abhantu bhanú bhatamanyiri Waryubha, bharabhirikira ega, n-ga ekikangi.

1 Abhakorinto 12:2

Mumanyiri ega, hanú mwaringa mutamumanyiri Waryubha, mwahabhibhwa na okoorokereribhwa okusyengera ebhisusano bhinú bhitakuhaira.

1 Abhakorinto 8:4

Bhoono, eguru ya okurya ebhyakurya bhinú bhimwenseerwe ebhisusano, tumanyiri ega, ebhisusano bhinú bhirasyengerwa, bhitaringi ekintu mukyaro munu. Kweki tumanyiri ega, ariho Waryubha oumwi omwenego.

Abhagaratia 4:3

Na bheetu bhonsego niigo ego. Hanú Kiristu yaaringa ataraaja, twaringa kya abhaana, twaringa abhagaya bha eginkoro egimbiibhi ginú giratunga ekyaro kinu.

Abhaefeso 4:18

Na obhungʼeeni bhwabho eguru ya obhuheene bhwa Waryubha, bhuribhirwe. Bharingi hare na obhuhoru obhujomu bhunú bhurarwa ku Waryubha. Bhaakorwa ego, kwa ekisigo kya obhukangi bhwabho, bhunú bhurarekana na obhukongʼu bhwa emitima gyabho.

1 Abhatesaronike 1:9

Abhantu bhayo abheene, bharagamba eguru ya orugendo rwetu kubheenyu. Bharagamba kya ego mwatiga ebhisusano bhyenyu na okumwihunjurira Waryubha, naho okumukorera emirimu weeki omuhoru na owa obhuheene,

1 Abhatesaronike 4:5

Mutabha na orunamba kya abhantu bhanú bhatamanyiri Waryubha.

2 Abhatesaronike 1:8

Yeesu ngʼo arijibhya bhonsego bhanú bharamwanga Waryubha na bhanú bhatakugwata Amangʼana Amajomu eguru ya Omukuru weetu.

1 Petero 4:3

Akare hayo, mwakoranga amangʼana ga abhantu bhanú bhatamanyiri Waryubha. Mweekaranga kwa orunamba orubhiibhi rwa okuhanja abhakari na abhasaaja abhaaru. Kweki mwaringa abhareebhi bha okuhitiranʼya na mwaringa muhanjiri eginyangi gya ekyaro. Mwasyengeranga ebhisusano, bhyeki bhyaangwa na Waryubha. Mwakora amangʼana gayo, kwa eribhaga eritambi bhukongʼu.

1 Yoana 3:1

Mbe, mumaahe kya ego Taata Waryubha atuhanjiri bhukongʼu, kora turabhirikirwa abhaana bha Waryubha! Na heene niigo ego turingi! Nawe, abhantu bhanú bhatakumwigwa Waryubha, bhatamanyiri ega, bheetu m-baana bha Waryubha, kwa okubha bhatamumanyiri weeki.