Abhagaratia 4:6 - Eriragano Erihya

⁶ Na kwa okubha bheenyu mubheeri abhaana bha Waryubha, Waryubha yaatuma Omutima wa Omwana waaye, mumitima gyetu. Omutima uyo, ngʼo aratukora tumubhirikire Waryubha “Aba,” ensonga yaaye niiga, “Taata.”

Abhagaratia 4:6 ပူးပေါင်းရင်းမြစ်များ

Mariko 14:36

Akagamba ega, “Taata, kuuwe gonsego garaturikana. Ndakusabha unduusirye-ho ekikombe kya enyanko kinu. Nawe, otakora kya ego oni ndeenda, okore kya ego uuwe oreenda.”

Ruuka 11:13

Mbe, onyoora bheenyu m-basarya, nawe, mumanyiri okuhaana abhaana bheenyu ebhintu ebhijomu. Kwa ego, Eseweenyu owa murwire aribhakorera amajomu bhukongʼu, na aribhahaana Omutima Omurabhu bhanú bharamusabha!”

Ruuka 11:2

Yeesu akabhakeerya ega, “Hanú muraabhenga murasabha Waryubha, mugambe ega, ‘Taata [weetu owa murwire], eriina ryaho rigungibhwe, obhukama bhwaho bhuuje, [obhwendi bhwaho bhukoreke, mukyaro hanu, kya ego murwire eyo].

Yoana 14:16

Mbe, na oni ndimusabha Taata, wonse aribhahaana Omubheeri oundi, naho abhe hamwi na bheenyu, eginsiku gyonsego.

Yoana 15:26

“Ndamutuma kubheenyu Omubheeri, unú m-Mutima Omurabhu, wa okubhatubhurira abhantu bhonsego obhuheene. Ararwa ku Taata, na hanú arihika kubheenyu, aribhatubhurira obhuheene eguru yaani.

Yoana 16:7

“Ndabhakeerya obhuheene ega, m-bujomu kubheenyu oni ngye ku Taata. Nyoore ntaagye, Omubheeri urya atakutura okuuja kubheenyu. Nawe, hanú oni ndigya, ndimutuma kubheenyu.

Yoana 3:34

kwa okubha Waryubha yaamutuma Yeesu, naho agambe amangʼana gaaye. Waryubha amuheeri Omutima Omurabhu bira endengo.

Yoana 7:39

Yeesu yaaringa arahairira Omutima Omurabhu, unú bharahaanwa abhantu bhanú bharamwikirirya. Eribhaga riyo, Waryubha yaaringa ataratuma Omutima Omurabhu kubheene, kwa okubha Yeesu yaaringa atarasoha mubhukuru bhwaye.

Amakorwa ga Abhatumwa 16:7

Hanú bhaahika kurutunga rwa ekyaro kya Misia, bhakasakya okusoha mukyaro kya Bhitunia, nawe, Omutima wa Yeesu ataabheekirirya.

Abharuumi 5:5

Obhwisige bhuyo, bhutakutura okukora turore eginsoni, kwa okubha Waryubha atuhumiriiri obhuhanje bhwaye mumitima gyetu, okuhitira Omutima waaye Omurabhu.

Abharuumi 8:9

Nawe, bheenyu mutakutungwa na obhusimuka bhwenyu bhwa obhusarya, muroorokereribhwa na Omutima wa Waryubha, kwa okubha areekara munsi weenyu. Omuntu wowonse unú ataana Omutima wa Kiristu, uyo ataringi omwihigira wa heene wa Kiristu.

1 Abhakorinto 15:45

Mu Mangʼoore Amarabhu engʼoorerwe ega, “Omuntu owa embere Adamu, yaabhumbwa akabha omuntu omuhoru,” nawe, Adamu wa obhuteero, Kiristu, ngʼo Omutima unú arabhahaana abhantu obhuhoru.

2 Abhakorinto 1:22

na okututema orubhaaso rwaye, kwa okutuhaana Omutima Omurabhu mumitima gyetu, naho abhe obhutungurya kugonsego ganú Waryubha arituhaana.

2 Abhakorinto 3:17

Mbe, Omukuru ngʼo Omutima, hanú Omutima wa Omukuru aringi, hayo nho haana obhwiyagaari.

Abhaefeso 1:13

Bheenyu bhonse abhantu bhanú mutaringi Abhayahudi, mweegwa amangʼana ga obhuheene, yaani Amangʼana Amajomu kya ego Waryubha arabhatuurya. Hanú mwamwikirirya Kiristu, Waryubha wonse akabhatema orubhaaso, kwa okubhahaana Omutima Omurabhu unú yaabharaga. Kwa okukora ego, yoorokya ega, bheenyu m-baaye.

Abhaefeso 2:18

Kwa ego, okuhitira kumwene, bheetu bhonsego twanyooreri omweya gwa okumusuntarira Taata kwa enjira eimwi, yaani kwa okuhitira Omutima oumwi.

Abhaefeso 4:30

Mutakora Omutima Omurabhu wa Waryubha asurumbare, kwa okubha weeki n-dubhaaso rwa Waryubha kubheenyu, runú ruroorokya ega, bheenyu m-bantu bhaaye, okuhikira orusiku runú Waryubha aritutungurya.

Abhaefeso 6:18

Mubhenga murasabha eribhaga ryonsego, okuringʼaana kya ego Omutima Omurabhu arabhoorokererya. Na hanú muraasabhenga, mutumirenga amanga gonsego ga amasabho na egisaara. Mutengeejenga kurusumo rwa eringʼana riyo, na munage okubhasabhira abhantu bha Waryubha bhonsego.

Abhafiripi 1:19

Kinú mmanyiri niiga, ndituuribhwa okurwa kugonsego ganú ganyooreri, kwa okubha muransabhira ku Waryubha, kweki Omutima Omurabhu wa Yeesu Kiristu arambeera.

1 Abhatesaronike 4:8

Kwa ego, omuntu wowonse unú araanga ameehigiryo ganu, atakwanga omuntu, nawe, aramwanga Waryubha unú arabhahaana bheenyu Omutima waaye Omurabhu.

1 Petero 1:11

Omutima wa Kiristu yaaringa munsi waabho araroota ega, Kiristu arinyanka, na hanú enyanko iyo erihwa, arihaanwa obhukuru. Mbe, bhaatuna bhukongʼu okumanya amangʼana gayo, ega, garibha ruuha na garimunyoora egaki.

Yuda 1:20

Nawe, bheenyu abhahanje bhaani, munage kuimani yeenyu, inú erarwa ku Waryubha, na mubhenga murasabha okuringʼaana na kya ego Omutima Omurabhu arabhoorokererya.

Obhukundukuri 19:10

Nho, nkagwa bhwibhumbike mumaguru ga maraika uyo, naho mmusyengere. Nawe, akankeerya ega, “Tiga! Oni nonse m-mukori wa emirimu omurikyaho, hamwi na abhahiiri bhaaho bhanú bharamwimiririra Yeesu. Omusyengere Waryubha omwenego, kwa okubha obhwimiririri eguru ya Yeesu, mbo obhwambiro bhwa obhurooti.”