Abhagaratia 4:5 - Eriragano Erihya

⁵ Yaatumwa, naho atutungurye bheetu bhanú twaringa abhagaya insi wa amaragiriryo. Yaakora ego, naho bheetu bhonsego tubhe abhaana bha Waryubha.

Abhagaratia 4:5 ပူးပေါင်းရင်းမြစ်များ

Mataayo 20:28

N-kya ego Omwana wa Adamu, ataaja okukorerwa emirimu, nawe yaaja okubhakorera abhantu emirimu na okuruusya obhuhoru bhwaye, naho atungurye abhantu abhaaru.”

Ruuka 1:68

“Omukuru Waryubha weetu wa Isiraeri agungibhwe, kwa okubha yaajiri okututuurya bheetu, abhantu bhaaye.

Yoana 1:12

Nawe, bhonsego bhanú bhaamuturuungʼana na okumwikirirya, akabhahaana obhuturo bhwa okubha abhaana bha Waryubha.

Amakorwa ga Abhatumwa 20:28

Omutima Omurabhu abhakoreri bheenyu, okubha abhaangarariri bha abheekirirya bha Waryubha. Kwa ego, mwiyangararire, na mubhe muraangararira abheekirirya bhaaye, kwa okubha, Yeesu omwene yeetira amanyinga gaaye, okubhatuurya abheekirirya bhayo.

Abharuumi 10:4

Kiristu yaakunaanʼya amaragiriryo gonsego ga Musa, naho abhantu bhonsego bhanú bharamwikirirya weeki, bhabharirwe okubha abhaheene embere ya Waryubha.

Abharuumi 8:14

Bhonsego bhanú bharoorokereribhwa na Omutima wa Waryubha, bhayo mbo abhaana bha Waryubha.

Abharuumi 8:15

Waryubha ataabhahaana Omutima Omurabhu, naho mubhe kweki abhagaya bhanú bharoobhoha, nawe, yaabhahaana Omutima Omurabhu, naho mubhe abhaana bhaaye. Omutima uyo ngʼo aratubheera okumubhirikira Waryubha, “Aba,” ensonga yaaye niiga, “Taata!”

Abharuumi 8:19

Ebhibhumbwa bhyonsego bhinú bhyabhumbwa, bhiraganyirira kwa enamba enene eribhaga rinú Waryubha aryorokya, kya ego bharingi abhaana bhaaye.

Abharuumi 8:23

Nawe, etaringi ega, ebhintu bhiyo mbyo ebhyenego bhiranyahaarika, nawe, kora bheetu bhanú tuuna Omutima Omurabhu, unú twahaanwa kya enonkwe ya mbere, turanyahaarika mumitima gyetu. Turanyahaarika, kwa okubha turaganyirira bhukongʼu eribhaga rinú Waryubha aritukunaanʼya okubha abhaana bhaaye. Hayo nho, turitunguribhwa bhonsego na okuhaanwa emibhiri emihya.

Abharuumi 9:4

Abhahiiri bhaani bhayo, m-Baisiraeri, abhantu bhanú Waryubha yaasora bhabhe abhaana bhaaye, yaabhoorokya obhukuru bhwaye, na yaakora amaragano nabho. Kweki yaabhahaana amaragiriryo gaaye, hamwi na egindago gyaye, na yaabhoorokererya kya ego ereenderwa bhamusyengere.

Abhagaratia 3:13

Kiristu yaatutungurya okurwa mumeehiimo ga amaragiriryo, kwa okugega ameehiimo gayo, kurusumo rwetu. Yaabha ego, kwa okubha Amangʼoore Amarabhu garagamba ega, “Wowonse unú arabhambwa kumusarabha, yeehiimirwe.”

Abhagaratia 3:26

Bhoono, bheenyu bhonsego mubheeri abhaana bha Waryubha kwa okumwikirirya Kiristu Yeesu, na okugwatana nawe.

Abhagaratia 4:21

Munkeerye, bheenyu bhanú mureenda okubha abhagaya insi wa amaragiriryo ga Musa, bhoono, mumanyiri kya ego amaragiriryo garagamba?

Abhagaratia 4:7

Bhoono, bheenyu mutaringi abhagaya kweki, nawe, muringi abhaana bha Waryubha. Kwa ego, murihaanwa engabho ya obhuhoru bhwa koko, inú Waryubha yaabhiikira abhaana bhaaye.

Abhaefeso 1:5

Waryubha yaaringa yaamwiri okurwa akare, okutukora okubha abhaana bhaaye kwa enjira ya Yeesu Kiristu. Yaamura okukora ego, kwa okubha niigo yaamujomera.

Abhaefeso 1:7

Waryubha atutungwirye kwa enjira ya amanyinga ga Yeesu Kiristu, yaani atwabhiiri obhusarya bhwetu bhonsego, okurekana na obhwaru bhwa eriruguto ryaye.

Abhaefeso 5:2

Mwikarane kwa obhuhanje, kya ego Kiristu yaabhahanja bheenyu, akeeruusya okukwa kurusumo rwetu, akabha ekimwenso na esadaaka inú erarangasira ku Waryubha.

Tiito 2:14

Yeeruusya omwene okukwa kurusumo rwetu, naho atutuurye okurwa mubhusarya bhonsego. Yeendanga okuturaama, naho maheene tubhe abhantu bhaaye, bhanú twiruusirye okukora amajomu.

Abhaebhurania 1:3

Omwana uyo, arangʼesangʼesa kwa obhukuru bhwa Waryubha, na aroorokya kubhurabhu kya ego Waryubha aringi. Arakora ebhintu bhyonsego bhigendererye okubha kya ego bhiringi kwa eringʼana ryaye rya obhuturo. Weeki yeeruusya okubha ekimwenso kya okuruusirya abhantu obhusarya, akagya murwire akeekara orubhaara rwa obhuryo rwa Waryubha owa obhuturo.

Abhaebhurania 9:12

Weeki yaasoha rumwigo Ahasi Aharabhu ha Aharabhu. Ataasoha na amanyinga ga egimburi kasi aga ebhimoori, nawe, yaasoha na amanyinga gaaye omwene okwiruusya ekimwenso, naho twiyagaare koko.

Abhaebhurania 9:15

Kwa ekisigo kiyo, Yeesu ngʼo areegwanʼya abhantu na Waryubha kwiragano erihya, naho abhantu bhanú Waryubha abhasoreri, bhanyoore obhuhoru bhwa koko bhunú yaabharaga okubhahaana. Oruku rwa Yeesu ndo ruratuurya abhantu okurwa mubhusarya bhunú bhaakora kwibhaga rya eriragano rya akare rirya.

1 Petero 3:18

Kiristu omwene yaakwa kurusumo rwa obhusarya bhwenyu, yaakwa rumwigo, ekeesa. Omuheene yaakwa kurusumo rwa abhasarya, naho tugwatane na Waryubha. Yeetwa omubhiri, nawe kwa obhuturo bhwa Omutima Omurabhu, yaanyoora kweki obhuhoru.

Obhukundukuri 14:3

Abhantu eraaki eimwi na ebhiku mirongo ena na bhane (144,000) bhayo, bhaaringa bheemiriiri embere ya ekitumbi kya ekikama kirya, na embere ya ebhibhumbwa ebhina bhya obhuhoru bhirya, na abhakaruka mirongo ebhiri na bhane bharya. Bhaaringa bhareemba eriimbo erihya, na atariho oundi unú yaatura okwihigira eriimbo riyo, okutigana na abhantu eraaki eimwi na ebhiku mirongo ena na bhane (144,000) bhanú bhaaringa bhatunguriibhwe okurwa mukyaro abheenego.

Obhukundukuri 5:9

Kimwi bhakamwimbira eriimbo erihya, rinú ryagambanga ega, “Uuwe nuuwe oreenderwa okugega ekitabho kiyo, na okusibhura-ko egimbaaso gya obhurimbo gyakyo, kwa okubha uuwe waagoogwa, na kwa amanyinga gaaho okamugurira Waryubha abhantu, bha amakabhira gonsego, abha ebhigambo bhyonsego, abha egihamati gyonsego, na abha ebhyaro bhyonsego.