Abhagaratia 4:30 - Eriragano Erihya

³⁰ Nawe, Amangʼoore Amarabhu garagamba-ki? Garagamba ega, “Okenyie omukari omugaya unu, hamwi na omwana waaye, kwa okubha omwana wa omugaya unu, atakutura okugabha engabho hamwi na omwana wa omukari unú ataringi omugaya.”

Abhagaratia 4:30 ပူးပေါင်းရင်းမြစ်များ

Yoana 8:35

Omugaya atakwikara munyumba ya omukuru waaye eginsiku gyonsego, nawe, omwana ngʼo aratama munyumba eginsiku gyonsego.

Yakobho 4:5

Mbe, muteeganirirya ega, engʼoorerwe bhusa mu Mangʼoore Amarabhu, hanú garagamba ega, Omutima unú Waryubha yaatuura munsi weetu, aratwigomba bhukongʼu okuhikira okurora orwango.

Abhagaratia 3:22

Nawe, Amangʼoore Amarabhu garagamba ega, abhantu bhonsego bharingi mubhutungi bhwa obhusarya. Kwa ekisigo kiyo, Waryubha yaaraga okubhahaana kinú yaaraga bhonsego bhanú bharamwikirirya Yeesu Kiristu.

Abhagaratia 3:8

Amangʼoore Amarabhu gaaruusya obhurooti okurwa akare ega, Waryubha akaabhabhariri abhantu bhanú bhataringi Abhayahudi, okubha abhaheene embere yaaye, kwa enjira ya okumwikirirya. Waryubha yaakangata okumuraarikira Abhurahamu Amangʼana Amajomu gayo ega, “Kwa okuhitira kuuwe, ndinonka abhantu bha amakabhira gonsego ga mukyaro.”

Abharuumi 11:2

Waryubha ataanga abhantu bhaaye, bhanú yaasora okurwa ekyaro kitarabhumbwa. Kasi mutamanyiri kinú Amangʼoore Amarabhu garagamba eguru ya omurooti Eriya, kya ego yaamwingʼeheererya Waryubha eguru ya Abhaisiraeri? Akagamba ega,

Abharuumi 4:3

kwa okubha Amangʼoore Amarabhu garagamba ega, “Abhurahamu yaamwikirirya Waryubha, kwa ego, Waryubha akamubhara okubha omuntu omuheene embere yaaye.”

Abhagaratia 4:22

Engʼoorerwe mu Mangʼoore Amarabhu ega, Abhurahamu yaaringa na abhaana bhabhiri. Oumwi yaamwibhura na Hajiri unú yaaringa omugaya waaye, na oundi yaamwibhura na omukari waaye Saara unú ataaringa omugaya.

Abhagaratia 4:31

Kwa ego, abhahiiri bhaani kuimani, bheetu tutaringi abhaana bha omukari omugaya, turingi abhaana bha omukari omutetwa.