Abhagaratia 4:3 - Eriragano Erihya

³ Na bheetu bhonsego niigo ego. Hanú Kiristu yaaringa ataraaja, twaringa kya abhaana, twaringa abhagaya bha eginkoro egimbiibhi ginú giratunga ekyaro kinu.

Abhagaratia 4:3 ပူးပေါင်းရင်းမြစ်များ

Mataayo 11:28

“Muuje kuoni, bheenyu bhonsego bhanú muranyanka na okuhigwa na emijigo, na oni ndibhamuunyia.

Yoana 8:31

Mbe, Yeesu akakeerya Abhayahudi bhanú bhaamwikirirya ega, “Nyoore muragendererya okugwata ameehigiryo gaani, hayo nho muraabhe abheehigira bhaani bha heene.

Amakorwa ga Abhatumwa 15:10

Mbe! N-kwaki muramusakya Waryubha, kwa okubhagegya abheekirirya bhayo omujigo omurito kya ejeeki, enu bheetu abheene guratutama? Kora na bhajaaji weetu, bhonse gwabhatama!

Abharuumi 7:14

Tumanyiri ega, amaragiriryo gaarwa ku Waryubha, nawe, oni kwa obhusimuka bhwani bhwa obhusarya, ndingi omugaya wa obhusarya.

Abharuumi 8:15

Waryubha ataabhahaana Omutima Omurabhu, naho mubhe kweki abhagaya bhanú bharoobhoha, nawe, yaabhahaana Omutima Omurabhu, naho mubhe abhaana bhaaye. Omutima uyo ngʼo aratubheera okumubhirikira Waryubha, “Aba,” ensonga yaaye niiga, “Taata!”

2 Abhakorinto 11:20

Mureegumirirya kora omuntu unú arabhatuura mubhugaya, unú arabheebhira na okubharuusya ebhintu bhyenyu, kweki unú areerora ega, m-munene okukira bheenyu na omuntu unú arabhatema mubhusu.

Abhagaratia 2:4

Eringʼana rya okusaarwa riyo, ryabhuribhwa na abhantu bhanú bhaaringa bhareekorya ega, m-bahiiri bheetu kuimani, nawe, bheesohya bhugunyi okwikomya obhwiyagaari bhwetu bhunú twahaanwa na Kiristu Yeesu. Ensonga yaabho, yaaringa nu-kutukora tubhe abhagaya bha amaragiriryo ga Musa.

Abhagaratia 3:19

Bhoono, kwaki Waryubha yoongerya amaragiriryo kwiragano riyo? Amaragiriryo goongeribhwa okurekana na obhusarya bhwa abhantu, okuhikira hanú ariija omwibhurwa wa Abhurahamu, unú Waryubha yaabharaga ega, ariija. Amaragiriryo gayo, Waryubha yaamuhaana Musa okuhitira kubhamaraika, na Musa akabha omuchaama gati ya Waryubha na abhantu bhaaye.

Abhagaratia 4:2

Eribhaga riyo ryonsego oranyoora akyari omwana, oranyoora aringi insi ya abheemiririri na abhaangarariri, okuhikira kwibhaga rinú esewaabho yaaseemya ega, aratura okubhiimiririra.

Abhagaratia 4:24

Abhakari abhabhiri bhayo, bharatura okubha ekirengyo kya okwimiririra amaragano gabhiri. Hajiri areemiririra eriragano rya akare, rinú ryakorekera munkuku ya Sinai. Abhaana bhaaye, bheebhurwa kya abhagaya insi ya amaragiriryo.

Abhagaratia 4:25

Hajiri areemiririra enkuku ya Sinai mukyaro kya Arabhia, kweki areemiririra omugi gwa Yerusaremu ya bhoonwego, kwa okubha abhaana bhaaye bharingi mubhugaya bhwa amaragiriryo ganú bhaahaanwa munkuku ya Sinai.

Abhagaratia 4:31

Kwa ego, abhahiiri bhaani kuimani, bheetu tutaringi abhaana bha omukari omugaya, turingi abhaana bha omukari omutetwa.

Abhagaratia 4:8

Akare hayo, bheenyu mutaaringa mumumanyiri Waryubha. Eribhaga riyo, mwaringa abhagaya bha abhakuru bhanú bhataringi Waryubha.

Abhagaratia 4:9

Nawe bhoono, mumumanyiri Waryubha, na omwene wonse abhamanyiri bhukongʼu. Bhoono n-kwaki, kweki mureenda okusyengera eginkoro egimbiibhi ginú giratunga ekyaro kinu? Eginkoro giyo gitaana obhuturo kasi obhwera bhobhonse. Kasi kweki mureenda okubha abhagaya bhaagyo?

Abhakorosai 2:20

Bheenyu, eginteemo gyenyu gya obhusarya, gyakwa hamwi na Kiristu, kwa okubha yaabhatuurya okurwa kuginkoro egimbiibhi ginú giratunga ekyaro kinu. Bhoono kwaki mukyagendererya okwikara kya abhantu bha mukyaro munu? Muteekirirya okugwata ameehigiryo kya ganu, ega,

Abhakorosai 2:8

Mwiyangararire, omuntu wowonse atabhahabhya kwa ameehigiryo ganú gataana obhwera na aga obhubheehi. Ameehigiryo gayo, gararekana na egimiira gya abhantu na eginkoro egimbiibhi ginú giratunga ekyaro kinu. Kweki gataringi ga Kiristu,

Abhaebhurania 5:12

Kwibhaga rinu singa mwamara okubha abheehigirya bha abharikyenyu, nawe, mukyenda omuntu wa okubheehigirya ameehigiryo ga mbere ga eringʼana rya Waryubha! Mukyenda amabheere kora mutakwenda ebhyakurya ebhikongʼu.

Abhaebhurania 7:16

Weeki ataaringa omusyengeri, kwa ekisigo kya amaragiriryo, okurekana na ehamati yaaye, nawe, n-kwa eginguru gya obhuhoru bhwaye, bhunú bhutaana obhuteero.