Abhagaratia 4:11 - Eriragano Erihya

¹¹ Niina enkubhi eguru yeenyu ega, hamwi emirimu gyani gyonsego ginú naakora kubheenyu, gyahita bhusa.

Abhagaratia 4:11 ပူးပေါင်းရင်းမြစ်များ

Amakorwa ga Abhatumwa 16:6

Pauro na abharikyaye bhayo, bhaaringa bhakaaniibhwe na Omutima Omurabhu ega, bhatige okwihigirya eringʼana rya Waryubha mukyaro kya Asia. Kwa ego, bhakahita mubhyaro bhya Furigia na Garatia.

1 Abhakorinto 15:58

Mbe, abhahiiri bhaani abhahanje kuimani, mwimirire bhwima na munage, mugendererye okukora emirimu gya Omukuru kwa ekituunyo eginsiku gyonsego, kwa okubha mumanyiri ega, emirimu ginú murakora kurusumo rwa Omukuru, gitaringi gya bhusa.

Abhagaratia 2:2

Naariina okugya Yerusaremu kwibhaga riyo, kwa okubha Waryubha yaaringa yaantubhuriiri ega, ngende. Hanú naahika, nkamaahana kabhejyo na abhatungi bha erikanisa bhanú bharasuukwa bhukongʼu na abhantu. Kimwi nkabhakeerya Amangʼana Amajomu ganú naaringa ndaraarikira abhantu bhanú bhataringi Abhayahudi. Naamura okukora ego, naho emirimu ginú naaringa nkoreri na ginú ndagendererya okukora gitariija okubha gya bhusa.

Abhagaratia 4:10

Kwaki mukyagwatanga eginyangi gyenyu gya Ekiyahudi? Murasuuka orusiku nyabhurebhe kubhutuuro, kumweri na kumwaka, ega, ni-ginyangi gya okumusuuka Waryubha.

Abhagaratia 4:12

Abhahiiri bhaani kuimani, ndabheesasaama mwiyagaare kya ego oni niyagaariri, kwa okubha oni n-kya bheenyu. Hanú naaringa hamwi na bheenyu, mutaankorera obhubhiibhi bhobhonse.

Abhagaratia 4:20

Ndeegomba nkaabheeri hamwi na bheenyu kwibhaga rinu, nkaahairi na bheenyu kwa obhunyoohu. Niina enkubhi eguru yeenyu!

Abhafiripi 2:16

Kweki mubharaarikire abhantu bheekirirye eringʼana rya Waryubha rinú rirabhahaana obhuhoru bhwa koko. Mukore ego, naho niheeme kurusiku runú Kiristu arihunjuka, kwa okubha emirimu ginú naakora kwa ekituunyo gatigati yeenyu, gitaaringa gya bhusa.

1 Abhatesaronike 3:5

Kwa ego, hanú oni nonse naatamwa okugendererya okwikongʼererya, nkamutuma Timoteo kubheenyu, naho mmanye eguru ya eimani yeenyu. Naakora ego, kwa okubha neeganiriryanga ega, etariija okubha Omusakya urya yaabhasakya na okubhabhurya, emirimu gyonsego ginú twakora gibhe gitaana obhwera.

2 Yoana 1:8

Mbe, mwiyangararire bheenyu abheene, eguru ya abhantu bhayo, naho emirimu gyenyu ku Waryubha gitariija okubha gya bhusa. Nawe, muriija okunyoora omutuho gunú gukunaaniri okurwa ku Waryubha.