Abhagaratia 3:2 - Eriragano Erihya

² Ndeenda okumanya eringʼana erimwi rinu, okurwa kubheenyu. Bhoono, mwanyoora Omutima Omurabhu okurekana na okugwata amaragiriryo, kasi okurekana na okwikirirya Amangʼana Amajomu eguru ya Yeesu?

Abhagaratia 3:2 ပူးပေါင်းရင်းမြစ်များ

Amakorwa ga Abhatumwa 15:8

Waryubha ngʼo amanyiri gonsego ganú garingi mumitima gya abhantu. Yoorokya ega, bhanú bhataringi Abhayahudi bhonse, abheekiriirye, kwa okubhahaana Omutima Omurabhu, kya ego yaatuhaana bheetu.

Amakorwa ga Abhatumwa 2:38

Petero akabhakeerya ega, “Kira oumwi weenyu atige obhusarya bhwaye, amwihunjurire Waryubha, na abhatiijwe kwa eriina rya Yeesu Kiristu, naho yaabhirwe obhusarya, na arihaanwa Omutima Omurabhu.

Amakorwa ga Abhatumwa 8:15

Hanú bhaahika, bhakabhasabhira abheekirirya bhayo, naho bhanyoore Omutima Omurabhu.

Abharuumi 1:17

Amangʼana Amajomu gayo, garoorokya kubhurabhu kya ego Waryubha arabhara abhantu okubha abhaheene embere yaaye. Abhantu bharabharwa okubha abhaheene embere ya Waryubha, okurekana na eimani eyenego. N-kya ego Amangʼoore Amarabhu garagamba ega, “Omuheene aribhanga areekara kwa okunyikirirya.”

1 Abhakorinto 9:21

Kubhanú bhataana amaragiriryo, nonse neekora ntaana amaragiriryo, naho okubhabheera bhamwikirirye Kiristu. Etaringi ega, ntaana amaragiriryo embere ya Waryubha, nawe niinago kwa okubha ndatungwa na amaragiriryo ga Kiristu.

2 Abhakorinto 11:4

Ndagamba ego, kwa okubha bheenyu m-bangu okuturuungʼana omuntu, unú araaja okuraarika amangʼana eguru ya Yeesu ganú bheetu tutaabharaarikira. Kweki, mureekirirya bhwangu omutima ogundi kasi amangʼana agandi, ganú bheetu tutaabharaarikira.

Abhagaratia 3:14

Yaatutungurya, naho enonkwe inú Abhurahamu yaahaanwa, ebhahikiire abhantu bha ebhyaro bhyonsego, okuhitira ku Kiristu Yeesu. Na kwa enjira ya okumwikirirya Kiristu, bheetu bhonsego tunyoore Omutima Omurabhu unú Waryubha yaaturaga.

Abhagaratia 3:3

Bhoono n-kwaki mwabheeri abhakangi ego? Bheenyu mwaamba obhuhoru bhwenyu obhuhya kwa eginguru gya Omutima Omurabhu, nawe bhoono, mureenda okumariisya kwa eginguru gyenyu abheene?

Abhagaratia 3:5

Waryubha unú arabhahaana Omutima Omurabhu na okukora ebhika gati yeenyu, bhoono, arakora ego okurekana na obhugwati bhwenyu bhwa amaragiriryo? Kasi bhoono, arabhahaana Omutima Omurabhu kwa okwigwa na okwikirirya Amangʼana Amajomu eguru ya Yeesu?

Abhaebhurania 2:4

Waryubha wonse yaaringa arakomererya obhutuurya bhuyo, kwa okukora ebhimanyiiriryo, ebhiruguuryo na ebhika amanga amaaru. Akabhahaana abhantu ebhibharo bhya Omutima Omurabhu kwa okuringʼaana na obhwendi bhwaye.

Abhaebhurania 4:2

Bheetu twaraarikirwa amangʼana amajomu eguru ya ahasi ha okumuunya, kya ego bhajaaji weetu bhonse bhaaraarikirwa. Nawe, bheeki amangʼana gayo gataabha na obhwera bhobhonse kubheene, kwa okubha bhaageegwa, nawe, bhataageekirirya.

Abhaebhurania 6:4

Mbe, bhariho abhantu bhanú bhaahaanwa endingaasi ya eringʼana rya Waryubha, kora bhaanyoora omutuho gwa murwire, bhakakorwa okubha abhamwi na Omutima Omurabhu.

1 Petero 1:12

Waryubha yaakeerya abharooti bharya ega, amangʼana ganú bhaaringa bhararoota, gataabhatunʼyanga bheeki abheene, nawe bheenyu. Garya bhaagambanga, ngo mwaraarikirwa na bhanú bhaabhareetera Amangʼana Amajomu eguru ya Yeesu Kiristu. Na bhaabhakeerya amangʼana amajomu gayo, kwa obhuturo bhwa Omutima Omurabhu unú yaaringa atumirwe okurwa murwire. Amangʼana gayo, kora bhamaraika bhareegomba bhukongʼu okumanya.