Abhagaratia 3:18 - Eriragano Erihya

¹⁸ Ndagamba ego, kwa okubha nyoore abhantu bharagabha okurwa ku Waryubha kwa okugwata amaragiriryo, mbe, engabho iyo etakaaturiri kweki okubhurwa endago ya Waryubha. Nawe, Waryubha kwa eriruguto ryaye, yaamuhaana Abhurahamu engabho ya eriragano kwa okubha niigo yaaringa amuragiri.

Abhagaratia 3:18 ပူးပေါင်းရင်းမြစ်များ

Abharuumi 8:17

Mbe, kwa okubha bheetu m-baana bha Waryubha, tubheeri abhagabhi bhaaye. Turinyoora engabho yeetu hamwi na Kiristu. Na kwa okubha turasanga munyanko hamwi na Kiristu, kweki turigungibhwa hamwi nawe.

Abhagaratia 2:21

Ntakutura okwanga eriruguto rya Waryubha. Nyoore omuntu aratura okubharwa ega, m-muheene embere ya Waryubha kwa okugwata amaragiriryo ga Musa, mbe, Kiristu yaakwa bhusa!

Abhagaratia 3:10

Nawe, bhanú bhareesiga okutuuribhwa kwa okukora ganú amaragiriryo gareenda, bhayo bheehiimwa. Kwa okubha yaangʼoorwa mu Mangʼoore Amarabhu ega, “Wowonse unú atakugwata na okukora ganú gaangʼoorwa mukitabho kya amaragiriryo, yeehiimirwe.”

Abhagaratia 3:12

Amaragiriryo gareesigira amakorwa ga abhantu na gatakwisigira abhantu okumwikirirya Waryubha, kiyo nkyo kirakora Amangʼoore Amarabhu garagamba ega, “Omuntu unú arigwata gonsego ganú garagambwa mumaragiriryo, aribhanga areekara kwa okugwata gayo.”

Abhagaratia 3:16

Mbe, Waryubha yaamuraga Abhurahamu hamwi na omwibhurwa waaye. Amangʼoore Amarabhu gatakugamba ega, “Na abheebhurwa bhaaye,” muna ega, m-baaru, nawe, garagamba ega, “Na omwibhurwa waaye,” yaani oumwi, ngʼo Kiristu.

Abhagaratia 3:26

Bhoono, bheenyu bhonsego mubheeri abhaana bha Waryubha kwa okumwikirirya Kiristu Yeesu, na okugwatana nawe.

Abhagaratia 3:29

Na nyoore bheenyu m-ba Kiristu, mbe mubheeri orwibhuro rwa Abhurahamu, na murinyoora engabho inú Waryubha yaaraga.