Abhagaratia 3:16 - Eriragano Erihya

¹⁶ Mbe, Waryubha yaamuraga Abhurahamu hamwi na omwibhurwa waaye. Amangʼoore Amarabhu gatakugamba ega, “Na abheebhurwa bhaaye,” muna ega, m-baaru, nawe, garagamba ega, “Na omwibhurwa waaye,” yaani oumwi, ngʼo Kiristu.

Abhagaratia 3:16 ပူးပေါင်းရင်းမြစ်များ

Mataayo 1:1

Ganu ngo amariina ga bhajaaji waabho Yeesu Kiristu. Yeesu Kiristu yaarwira muhamati ya omukama Daudi inú yaaringa ehamati ya Abhurahamu.

Ruuka 1:55

Yaakoreri gayo kya ego yaaringa arageeni na Abhurahamu na bhajaaji weetu, kora kubhantu bhonsego bha oruganda rwaye, koko.”

Amakorwa ga Abhatumwa 3:25

Egindago ginú Waryubha yaaruusya kwa enjira ya abharooti, n-kurusumo rwenyu. Na murasanga eriragano rinú Waryubha yaakora na bhajaaji weenyu, kya ego yaakeerya Abhurahamu ega, ‘Kwa okuhitira orwibhuro rwaho, abhantu bhonsego bharinonkwa.’

Abharuumi 12:5

Ego niigo na bheetu. Bheetu turingi abhaaru, nawe, tubheeri omubhiri ogumwi kwa okugwatana kwetu na Kiristu. Kumubhiri gwaye, kira omuntu n-kiroobhero kumurikyaye, na yaana omurimu gwaye.

Abharuumi 4:13

Waryubha yaamuraga Abhurahamu na orwibhuro rwaye ega, akaabhaheeri ekyaro kyonsego kibhe engabho yaabho. Waryubha ataamuraga ego, kwa okubha Abhurahamu yaaringa arakunaanʼya amaragiriryo, nawe, kwa okubha yaaringa aramwikirirya Waryubha. Nho, Waryubha akamubhara okubha omuheene embere yaaye.

Abharuumi 4:16

Kwa ego, endago ya Waryubha ereesigira eimani. Iyo eroorokya ega, endago ni-riruguto rya Waryubha, na m-buheene kurwibhuro rwonsego rwa Abhurahamu. Etaringi ku Bhayahudi abheenego bhanú bharakunaanʼya amaragiriryo, nawe, kora kubhanú bharamwikirirya Waryubha, kya ego Abhurahamu yaakora. Weeki ngʼo taata weetu bheetu bhonsego.

Abharuumi 9:4

Abhahiiri bhaani bhayo, m-Baisiraeri, abhantu bhanú Waryubha yaasora bhabhe abhaana bhaaye, yaabhoorokya obhukuru bhwaye, na yaakora amaragano nabho. Kweki yaabhahaana amaragiriryo gaaye, hamwi na egindago gyaye, na yaabhoorokererya kya ego ereenderwa bhamusyengere.

1 Abhakorinto 12:12

Omubhiri guuna ebhiroobhero ebhyaru, nawe, ebhiroobhero bhiyo, mbyo bhigwateeni okubha omubhiri gumwi. Mbe bhoono, kya ego omubhiri guringi, niigo ego Kiristu aringi.

1 Abhakorinto 12:27

Mbe, bheenyu bhonsego m-mubhiri gwa Kiristu, na kira oumwi weenyu n-kiroobhero kumubhiri guyo.

2 Abhakorinto 11:22

Nyoore bheeki m-Baebhurania, na oni nonse m-Mwibhurania. Nyoore bheeki m-Baisiraeri, na oni nonse m-Mwisiraeri. Nyoore bheeki m-bahiiri Abhurahamu, na oni nonse m-muhiiri Abhurahamu.

Abhagaratia 3:19

Bhoono, kwaki Waryubha yoongerya amaragiriryo kwiragano riyo? Amaragiriryo goongeribhwa okurekana na obhusarya bhwa abhantu, okuhikira hanú ariija omwibhurwa wa Abhurahamu, unú Waryubha yaabharaga ega, ariija. Amaragiriryo gayo, Waryubha yaamuhaana Musa okuhitira kubhamaraika, na Musa akabha omuchaama gati ya Waryubha na abhantu bhaaye.

Abhagaratia 3:8

Amangʼoore Amarabhu gaaruusya obhurooti okurwa akare ega, Waryubha akaabhabhariri abhantu bhanú bhataringi Abhayahudi, okubha abhaheene embere yaaye, kwa enjira ya okumwikirirya. Waryubha yaakangata okumuraarikira Abhurahamu Amangʼana Amajomu gayo ega, “Kwa okuhitira kuuwe, ndinonka abhantu bha amakabhira gonsego ga mukyaro.”

Abhaefeso 5:32

Amangʼana gayo gaana ekinyerera, na ekinyerera kiyo, n-kikongʼu bhukongʼu okukimanya, nawe oni ndarora ega, ekinyerera kiyo kirahairira eguru ya Kiristu na erikanisa ryaye.

Abhakorosai 2:19

Kweki omuntu kya uyo, yeeyahwiri okurwa ku Kiristu unú aroorokererya erikanisa kya ego omutwe guroorokererya omubhiri. Kiristu ngʼo arariisya na okugwatanʼya hamwi omubhiri gwaye gonsego kwa emiki gyago. Kwa ego, omubhiri gwaye gonsego, gurakiina bhwaheene kya ego Waryubha areenda.

Abhakorosai 3:11

Kwa ego, hatakubha-ho na obhwahukani, gati ya Omuyahudi na omuntu unú ataringi Omuyahudi, unú asaarirwe na omuriisya, omusomi na unú ataringi omusomi, omugaya na omwiyagaari. Nawe, Kiristu omwenego ngʼo Omukuru wa gonsego na weeki ngʼo aringi munsi wa gonsego.