Abhagaratia 3:10 - Eriragano Erihya

¹⁰ Nawe, bhanú bhareesiga okutuuribhwa kwa okukora ganú amaragiriryo gareenda, bhayo bheehiimwa. Kwa okubha yaangʼoorwa mu Mangʼoore Amarabhu ega, “Wowonse unú atakugwata na okukora ganú gaangʼoorwa mukitabho kya amaragiriryo, yeehiimirwe.”

Abhagaratia 3:10 ပူးပေါင်းရင်းမြစ်များ

Mataayo 25:41

“Kweki, aribhakeerya bhanú bharingi orubhaara rwaye rwa obhumosi ega, ‘Murwe hanu, bheenyu bhanú mweehiimwa na Waryubha! Mugende mumururo gwa koko, gunú guseemeriibhwe Erisambwa na bhamaraika bhaaryo.

Abharuumi 4:15

Ndagamba ego, kwa okubha amaragiriryo, ngo garareeta obhujibhu. Nawe, nyoore amaragiriryo gatakaabheeri-ho, okusarya amaragiriryo konse kutakaabheeri-ho.

Abharuumi 6:23

Omuntu wowonse unú m-mugaya wa obhusarya, amariho gaaye, n-duku rwa koko. Nawe, bheetu Waryubha aratuhaana obhuhoru bhwa koko. Obhuhoru bhuyo bhutaringi amariho, nawe, m-mutuho gunú turanyoora okuhitira Kiristu Yeesu, Omukuru weetu.

Abharuumi 8:7

Abhantu bhanú bharoorokereribhwa na obhusimuka bhwabho bhwa obhusarya, bhayo m-basigu bha Waryubha. Bhatakwikirirya okugwata amaragiriryo gaaye, kweki bhatakutura okugagwata.

2 Abhakorinto 3:7

Amaragiriryo ganú gaangʼoorwa kumagina, ganú garareeta oruku, gaaja kwa obhukuru bhunú bhurangʼesangʼesa, okuhikira Abhaisiraeri bhakatamwa okumumaaha Musa mubhusu, onyoora obhukuru bhuyo, bhwangʼesangʼesa kwa eribhaga ekego. Nyoore emirimu gya amaragiriryo gayo, gyaaja kwa obhukuru kya bhuyo,

Abhagaratia 2:16

Nawe, bheetu tumanyiri ega, omuntu atakutura okubharwa okubha omuheene embere ya Waryubha, kwa okugwata amaragiriryo ga Musa. Nawe, arabharwa okubha omuheene kwa okumwikirirya Yeesu Kiristu okwenego. Na bheetu bhonse, twamwikirirya Kiristu Yeesu, naho tubharwe ega, turingi abhaheene embere ya Waryubha, kwa okumwikirirya Kiristu, etaringi kwa okugwata amaragiriryo ageenego. M-buheene ega, atariho omuntu unú aratura okubharwa ega, m-muheene embere ya Waryubha kwa okugwata amaragiriryo ga Musa ageenego.