Abhagaratia 3:1 - Eriragano Erihya

¹ Bheenyu Abhagaratiya, abhakangi! Niwi yaabharoga? Amangʼana eguru ya okubhambwa kumusarabha kwa Yeesu Kiristu, gaatuurwa kubhurabhu embere ya ameeso geenyu.

Abhagaratia 3:1 ပူးပေါင်းရင်းမြစ်များ

Mataayo 24:24

kwa okubha bhariibhuka abharooti bha obhubheehi na abhantu bhanú bharibhanga bhareebhirikira ega, mbo Kiristu Omutuurya. Bharibha bharakora ebhimanyiiriryo ebhyaru na ebhiruguuryo. Bharikoranga ego, naho bhature okungʼeena, kora abhasorwa bha Waryubha.

Mataayo 7:26

Nawe, omuntu wowonse unú areegwa amangʼana gaani, na atakugakora, uyo arahunkanibhwa na omuntu omukangi unú yaahagaaja enyumba yaaye kumusenyi.

Ruuka 24:25

Yeesu akabhakeerya ega, “Bheenyu abhakangi! Kwaki muringi abhakongʼu okwikirirya amangʼana ganú gaagambwa na abharooti?

Amakorwa ga Abhatumwa 16:6

Pauro na abharikyaye bhayo, bhaaringa bhakaaniibhwe na Omutima Omurabhu ega, bhatige okwihigirya eringʼana rya Waryubha mukyaro kya Asia. Kwa ego, bhakahita mubhyaro bhya Furigia na Garatia.

Amakorwa ga Abhatumwa 6:7

Abheekirirya bhaagendererya okubharaarikira abhantu abhaaru eringʼana rya Waryubha, na erisaabhu ryabho ryagendererya okwaruha bhukongʼu, mumugi gwa Yerusaremu. Kora abhasyengeri abhaaru bhaamwigwa Waryubha kwa okumwikirirya Omukuru Yeesu.

Abharuumi 10:16

Kora ego, etaringi ega, Abhaisiraeri bhonsego bheekirirya Amangʼana Amajomu gayo, abhaaru bhaagaanga. Omurooti Isaaya yaagamba ega, “Omukuru Waryubha, niwi unú yeekirirya amangʼana geetu?”

Abharuumi 2:8

Nawe, aribhajimira na okubhajibhya abha omungʼaho, bhanú bharaanga obhuheene, na bharakora amabhiibhi.

Abharuumi 6:17

Akare, bheenyu mwaringa abhagaya bha obhusarya. Nawe, Waryubha akumibhwe, kwa okubha bhoono mwikiriirye kwa emitima gyenyu gyonsego okwigwa ameehigiryo ga Ekikiristu, ganú mweehigiribhwa.

1 Abhakorinto 11:26

Kwa ego, hanú murarya omukaate guyo, na okunywera ekikombe kiyo, murabha muraraarika oruku rwa Omukuru okuhikira hanú ariija.

1 Abhakorinto 2:2

Hanú naaringa kubheenyu eyo, naamura ega, ngambe amangʼana eguru ya Yeesu Kiristu ageenego, ekinene okukwa kwaye kumusarabha, bira okugamba ekintu ekindi.

2 Abhakorinto 10:5

Na turasarya amangʼana gonsego ga obhubheehi, na amangʼana ga okwigungya ganú gararibhira abhantu bhatamumanya Waryubha. Kweki turahunjura ameetegeerero gonsego ga abhantu, naho gamwigwe Kiristu.

2 Abhakorinto 11:3

Nawe bhoono, ndoobhoha ega, kya ego Haawa yaangʼeenwa na enjoka engʼeeni irya, na bheenyu mutakaaja okungʼeenwa, mutige okumuhanja Kiristu kwa obhuheene na kwa omutima omujomu.

Abhagaratia 1:2

Oni na abhahiiri bheetu kuimani bhonsego bhanú bharingi hamwi na oni, turabhakeeranʼya bheenyu bhanú muringi mumakanisa ga Waryubha mukyaro kya Garatia.

Abhagaratia 1:6

Oni ndaruguura bhukongʼu, kwa okubha ni-ribhaga ekego rinú ryahitiri, bheenyu mwamujeemeri Waryubha unú yaabhabhirikira kwa eriruguto rya Kiristu. Mweehunjuriiri ameehigiryo agandi ganú abhandi bharagabhirikira ega, m-Mangʼana Amajomu.

Abhagaratia 2:14

Nawe, hanú naarora ega, enjira yaabho iyo eteemiri, kya ego obhuheene bhwa Amangʼana Amajomu bhuringi, nkamubhuurya Kefa embere ya bhonsego ega, “Onyoora uuwe m-Muyahudi, nawe, oragwata obhusimuka bhwa abhantu bhanú bhataringi Abhayahudi. Bhoono, kwaki orabhandirirya abhantu bhanú bhataringi Abhayahudi, okugwata obhusimuka bhwa Abhayahudi?”

Abhagaratia 3:3

Bhoono n-kwaki mwabheeri abhakangi ego? Bheenyu mwaamba obhuhoru bhwenyu obhuhya kwa eginguru gya Omutima Omurabhu, nawe bhoono, mureenda okumariisya kwa eginguru gyenyu abheene?

Abhagaratia 4:9

Nawe bhoono, mumumanyiri Waryubha, na omwene wonse abhamanyiri bhukongʼu. Bhoono n-kwaki, kweki mureenda okusyengera eginkoro egimbiibhi ginú giratunga ekyaro kinu? Eginkoro giyo gitaana obhuturo kasi obhwera bhobhonse. Kasi kweki mureenda okubha abhagaya bhaagyo?

Abhagaratia 5:11

Abhahiiri bhaani kuimani, abhantu abhandi bharagamba ega, oni ndaraarika ega, kira omusaaja niiga, asaarwe. Nyoore maheene niigo ndaraarika, kwaki Abhayahudi bharannyankya? Na nyoore niigo ndaraarika, obhuraariki bhwani eguru ya okukwa kwa Yeesu Kiristu kumusarabha, kutakukora Abhayahudi bhambihirirwe.

Abhaefeso 3:8

Onyoora oni ngʼ-wa insi okukira abhantu bha Waryubha bhonsego, nawe, Waryubha yaangʼaana eriruguto rinu, okuraarikira abhantu bhanú bhataringi Abhayahudi, obhuniibhi obhwaru bhunú bhuratuuka ku Kiristu.

Abhaefeso 4:14

Hayo tutarihumbibhwa enu na enu kya abhaana abharera, kwa emiyaga gya ameehigiryo ganú abhantu abhangʼeenererya bhareebhukya. Abhantu bhayo, oranyoora bhareenda bhabhahabhye kwa ameehigiryo gaabho aga obhubheehi.

Abhaefeso 5:15

Kwa ego, mwangararire kya ego mureekara. Mutabha kya abhantu bhanú bhataana egintungwa, nawe, mwikare kya abhantu bhanú muuna egintungwa.

2 Abhatesaronike 1:8

Yeesu ngʼo arijibhya bhonsego bhanú bharamwanga Waryubha na bhanú bhatakugwata Amangʼana Amajomu eguru ya Omukuru weetu.

1 Timoteo 6:4

uyo, areeheema bhukongʼu, enu atamanyiri ekintu. Weeki m-muntu wa okuhanja eginhaka, na okutoongʼana eguru ya amangʼana ageenego. Na gayo, gareebhukya orwango, eritoongʼana, amatuki, obhuhaamirirya,

Abhaebhurania 11:8

Eimani yaakora Abhurahamu akamwigwa Waryubha, hanú yaamukeerya ega, yeemuke mukyaro kyaye, agye mukyaro kinú amuragiri okumuhaana. Abhurahamu akeemuka mukyaro kyaye, onyoora ataaringa amanyiri enú yaaringa aragya.

Abhaebhurania 5:9

Mbe, okurekana na gayo, Waryubha akamukora Yeesu yeenderwe okubha obhusimuka bhwa obhutuurya bhwa koko, kubhantu bhonsego bhanú bharamwigwa.

1 Petero 1:22

Kwa okubha mureekara okuringʼaana na ameehigiryo ga obhuheene eguru ya Yeesu, emitima gyenyu girabhiibhwe. Bhoono mukore ekituunyo okuhanja abharikyenyu mutabha na orwambe. Mbe, muhanjane kwa emitima gyenyu gyonsego.

1 Petero 4:17

Mumanye ega, eribhaga rya okubhutura ekiina rihikiri, na Waryubha aryamba okubhutura ekiina kubhantu bhaaye. Bhoono nyoore okubhutura ekiina kuryambira kubheetu abhantu bhaaye, bhoono eribha egaki kubhanú bhatakwikirirya Amangʼana Amajomu ga Waryubha?

2 Petero 2:18

Kwa okugamba amangʼana ga okwirora na ganú gataana obhwera, bharabharuta abhantu bhonse bhagwate orunamba rwabho orubhiibhi rwa omubhiri. Abhantu bhayo bhataana eribhaga eritambi, okurwa kya ego bheeyahura okurwa kubhakori bha amabhiibhi.

Obhukundukuri 18:3

Guhaanyukiri kwa okubha abhantu bha ebhyaro bhyonsego bhaanywa bhakarehwa amarwa gaago. Amarwa gayo, gaakora orunamba orubhiibhi rwa okukora obhusimbe nawe. Abhakama bha ekyaro bhaakora nawe obhusimbe. Abhakori bha ebhyasara bha ekyaro, bhakaniibha kwa orunamba rwaye runú rutaana endengo.”

Obhukundukuri 2:20

Nawe, niina eringʼana erimwi rinú rirannyankya, muramwikiririrya omukari urya Yejebheri unú areebhirikira ega, omurooti, nawe, ataringi omurooti. Muramwikiririrya abhahabhye abhagaya bhaani, kwa okubheehigirya bhakore obhusimbe, na okurya ebhyakurya bhinú bhimwenseerwe ebhisusano.