Abhagaratia 2:8 - Eriragano Erihya

⁸ Ndagamba ego, kwa okubha Waryubha unú yaamukora Petero okubha omutumwa waaye, ku Bhayahudi, ngʼo yaankora oni nonse okubha omutumwa waaye, kubhantu bhanú bhataringi Abhayahudi.

Abhagaratia 2:8 ပူးပေါင်းရင်းမြစ်များ

Amakorwa ga Abhatumwa 1:25

naho agege omweya gwa emirimu gya obhutumwa ginú Yuda yaatiga. Weeki hanú yaakwa, yaagya ahasi hanú omururo gutakusima.”

Amakorwa ga Abhatumwa 1:8

Nawe, murinyoora eginguru hanú Omutima Omurabhu aribhaajira, muribha abheemiririri bhaani Yerusaremu, mbaara gyonsego gya Yudea, na Samaria, okuhikira kubhuteero bhwa ekyaro.”

Amakorwa ga Abhatumwa 15:12

Mbe, abhantu bhonsego bhanú bhaaringa kukiikaro hayo, bhakakira kiri. Bharinabha na Pauro, bhakabha bharabhakeerya kya ego Waryubha yaabhatumira okukora ebhimanyiiriryo na ebhiruguuryo, kubhantu bhanú bhataringi Abhayahudi.

Amakorwa ga Abhatumwa 19:26

Nawe bhoono, bheenyu abheene murarora na okwigwa kya ego Pauro uyo, yaamariri okuruta na okukaanʼya abhantu abhaaru bha Efeso hanu, hamwi na abhantu bha mbaara gyonsego bha ekyaro kya Asia. Aragamba ega, abhakuru bhanú bharakorwa na abhantu, bhataringi Waryubha wa obhuheene.

Amakorwa ga Abhatumwa 21:19

Pauro akabhakeeranʼya, akamara akabhakeerya amangʼana gonsego, eringʼana rimwi rimwi, ganú Waryubha yaaringa akoreri emirimu kubhantu bhanú bhataringi Abhayahudi kwa okuhitira kumirimu gyaye.

Amakorwa ga Abhatumwa 22:21

Wonse akakyukya ega, ‘Genda, kwa okubha ndakutuma hare kubhantu bhanú bhataringi Abhayahudi.’”

Amakorwa ga Abhatumwa 4:4

Nawe, amangʼana ganú Petero na Yoana bhaaringa bhamariri okukeerya abhantu bharya, abhaaru gati yaabho, bhakageekirirya. Ego, erisaabhu rya abhasaaja abheenego, bhanú bhaaringa bhamariri okumwikirirya Yeesu, bhakahika muna ebhiku bhitaanu.

Amakorwa ga Abhatumwa 8:17

Petero na Yoana bhakabhatuurira amabhoko abhantu bhayo, bhakanyoora Omutima Omurabhu.

Amakorwa ga Abhatumwa 9:15

Nawe, Omukuru akamukeerya Anania ega, “Uuwe genda! Omuntu uyo, mmusoreri abhe omugaya waani, naho araarike eriina ryani kubhantu bhanú bhataringi Abhayahudi na abhakama bhaabho, na ku Bhaisiraeri abheene.

1 Abhakorinto 15:10

Nawe, n-kwa eriruguto rya Waryubha nkyo kirakora oni m-mutumwa. Eriruguto ryaye kuoni m-bwera obhunene, kwa okubha okurekana na eriruguto riyo, naakora emirimu okukira abhatumwa bhonsego. Ntaakora gayo kwa eginguru gyani omwene, nawe eriruguto rya Waryubha ndyo ryakora emirimu hamwi na oni.

1 Abhakorinto 9:2

Kora nyoore abhantu abhandi bhararora ega, oni ntaringi omutumwa, nawe, kubheenyu oni m-mutumwa, kwa okubha eimani yeenyu ku Kiristu n-dubhaaso rwa okoorokya ega, oni naatumwa na Omukuru.

Abhagaratia 3:5

Waryubha unú arabhahaana Omutima Omurabhu na okukora ebhika gati yeenyu, bhoono, arakora ego okurekana na obhugwati bhwenyu bhwa amaragiriryo? Kasi bhoono, arabhahaana Omutima Omurabhu kwa okwigwa na okwikirirya Amangʼana Amajomu eguru ya Yeesu?

Abhakorosai 1:29

Eringʼana riyo, ndyo rirakora ndeekongʼererya okukora emirimu kwa ekituunyo, okuringʼaana na eginguru eginene gya Kiristu ginú girakora emirimu munsi waani.

1 Abhatesaronike 2:13

Kwa ego, turamukumya Waryubha bira okurosa, kwa okubha hanú mweegwa amangʼana gaaye okurwa kubheetu, mutaagagwata kya amangʼana ga abhantu. Nawe, mwagagwata kya amangʼana okurwa ku Waryubha, na maheene niigo eringi. Amangʼana gayo, ngo garakora emirimu mumitima gyenyu, bheenyu abheekirirya.