Abhagaratia 2:7 - Eriragano Erihya

⁷ Hamwi na gayo, abhatungi bhayo, bhakamanya ega, Waryubha yaantuma oni ndaarike Amangʼana Amajomu eguru ya Yeesu, kubhantu bhanú bhataringi Abhayahudi, bheeki bhataasaarwanga, kya ego yaamutuma Petero araarike ku Bhayahudi, bheeki bhaasaarwanga.

Abhagaratia 2:7 ပူးပေါင်းရင်းမြစ်များ

Amakorwa ga Abhatumwa 15:12

Mbe, abhantu bhonsego bhanú bhaaringa kukiikaro hayo, bhakakira kiri. Bharinabha na Pauro, bhakabha bharabhakeerya kya ego Waryubha yaabhatumira okukora ebhimanyiiriryo na ebhiruguuryo, kubhantu bhanú bhataringi Abhayahudi.

Amakorwa ga Abhatumwa 18:6

Nawe, Abhayahudi bhayo, bhakaamba okumuhakaanʼya na okumutuka. Weeki akabhakungʼuntira emyenda gyaye, okoorokya ega, areeyahura nabho, enu arabhakeerya ega, “Amanyinga geenyu, garibha eguru yeenyu abheene! Oni ekiina kyani n-kirabhu, mmariri okukora agaani ganú ndeenderwa okukora. Okwambira bhoonwego, ndagya kubhantu bhanú bhataringi Abhayahudi.”

Amakorwa ga Abhatumwa 28:28

Pauro akagendererya okugamba ega, “Mbe, bhoono mumanye ega, amangʼana ga Waryubha eguru ya obhutuurya bhunu, gahirirwe kubhantu bhanú bhataringi Abhayahudi. Bheeki bharigagwata!” [

Amakorwa ga Abhatumwa 9:15

Nawe, Omukuru akamukeerya Anania ega, “Uuwe genda! Omuntu uyo, mmusoreri abhe omugaya waani, naho araarike eriina ryani kubhantu bhanú bhataringi Abhayahudi na abhakama bhaabho, na ku Bhaisiraeri abheene.

Abharuumi 1:5

N-kuhitira kumwene, Waryubha yaangʼaana eriruguto rya okubha omutumwa waaye, naho abhantu bhonsego bhanú bhataringi Abhayahudi, bhature okumwikirirya na okumwigwa Omukuru Yeesu, na eriina ryaye rigungibhwe.

Abharuumi 11:13

Bhoono, ndagamba na bheenyu, abhantu bhanú mutaringi Abhaisiraeri. Maheene Waryubha yaantuma mbe omutumwa kurusumo rwa abhantu bhanú bhataringi Abhaisiraeri. Ndeeruusya bhukongʼu kumirimu ginú ngʼeerwe.

1 Abhakorinto 9:17

Nyoore nkaabheeri nsoreri emirimu ginu kwa obhwendi bhwani omwene, nkaaganyiriranga omutuho, nawe bhoono, ndeenderwa okugikora kwa okubha Waryubha yangʼeeri emirimu ginu, kwa obhwendi bhwaye.

Abhagaratia 1:16

okuntubhurira kya ego Omwana waaye aringi. Yaakora ego, naho ndaarike Amangʼana Amajomu eguru ya Omwana waaye uyo, kubhantu bhanú bhataringi Abhayahudi. Oni ntaatuna omuntu owa okuntongera kinú ndaakore.

Abhagaratia 1:18

Hanú emyaka esatu gyahwa, nkagya Yerusaremu, naho mmaahane na Kefa eyo. Nkeekara owaaye eginsiku ekumi na etaanu egyenego.

Abhagaratia 1:6

Oni ndaruguura bhukongʼu, kwa okubha ni-ribhaga ekego rinú ryahitiri, bheenyu mwamujeemeri Waryubha unú yaabhabhirikira kwa eriruguto rya Kiristu. Mweehunjuriiri ameehigiryo agandi ganú abhandi bharagabhirikira ega, m-Mangʼana Amajomu.

Abhagaratia 2:11

Mbe, hanú Kefa yaahika Antiokia, orusiku rumwi nkamukemera ameeso kwa ameeso, kwa okubha yaaringa ahabhiri.

Abhagaratia 2:14

Nawe, hanú naarora ega, enjira yaabho iyo eteemiri, kya ego obhuheene bhwa Amangʼana Amajomu bhuringi, nkamubhuurya Kefa embere ya bhonsego ega, “Onyoora uuwe m-Muyahudi, nawe, oragwata obhusimuka bhwa abhantu bhanú bhataringi Abhayahudi. Bhoono, kwaki orabhandirirya abhantu bhanú bhataringi Abhayahudi, okugwata obhusimuka bhwa Abhayahudi?”

Abhagaratia 2:9

Mbe, hanú Yakobho, Kefa na Yoana, bhanú bhaaringa abhatungi abhakuru, bhaarora eriruguto rinú naahaanwa na Waryubha, bhakatugwata okubhoko oni na Bharinabha, naho okoorokya ekimanyiiriryo kya obhugwatani bhwetu. Tukeekiriranʼya ega, bheetu tugende okukora emirimu kubhantu bhanú bhataringi Abhayahudi, na bheeki bhakore emirimu ku Bhayahudi.

1 Abhatesaronike 2:4

Nawe, turaraarika kwa okubha Waryubha yaatwikiririrya, akatuhaana emirimu gya okuraarika Amangʼana Amajomu. Etaringi ega, tureenda okujomera abhantu, nawe tureenda okujomera Waryubha, unú areekomyanga emitima gyetu.

1 Timoteo 1:11

Ameehigiryo gayo, garingi mu Mangʼana Amajomu, ganú garoorokya obhukuru bhwa Waryubha, wa eginonkwe gyonsego. Amangʼana gayo, ngo naagwatibhwa na Waryubha ndaarike.

1 Timoteo 2:7

Na kwa ekisigo kiyo, oni naatuurwa okubha omuraariki na omutumwa waaye. Ndagamba obhuheene, ntakugamba obhubheehi! Kweki naakorwa okubha omwihigirya wa okuraarika amangʼana ga eimani na obhuheene kubhantu bhanú bhataringi Abhayahudi.

2 Timoteo 1:11

Kurusumo rwa Amangʼana Amajomu gayo, naakorwa okubha omuraariki, omutumwa, na omwihigirya.

2 Petero 3:15

Mumanye ega, Omukuru arabheegumirirya, naho munyoore omweya gwa okutuuribhwa. Ego niigo omuhiiri weetu omuhanje kuimani, Pauro yaabhangʼoorera kwa egintungwa ginú yaahaanwa na Waryubha.