Abhagaratia 2:6 - Eriragano Erihya

⁶ Nawe, abhatungi bha erikanisa bharya, bhataaringa na eringʼana ryoryonse erihya rya okunkeerya. M-maheene bhaasuukwanga bhukongʼu, nawe, kuoni riyo ritaana ensonga yoyonse, kwa okubha Waryubha atakumaaha obhutungi bhwa omuntu.

Abhagaratia 2:6 ပူးပေါင်းရင်းမြစ်များ

Mataayo 22:16

Kimwi, bhakatuma ku Yeesu abheehigira bhaabho, na abhantu abhandi bhanú bhaaringa abhabheeri bha omukama Herode Antipa. Bhayo bhakamwinogorya ega, “Ee Omwihigirya, tumanyiri ega, uuwe m-muntu wa heene na ega, oreehigirya obhuheene eguru ya amangʼana ga Waryubha. Tumanyiri ega, uuwe otakoobhoha omuntu wowonse, kora akaabha omutungi wa eguru.

Mariko 12:14

Bhakagya bhakamukeerya ega, “Ee Omwihigirya, tumanyiri ega, uuwe m-muntu wa heene na ega, otakoobhoha omuntu wowonse, kora akaabha omutungi wa eguru. Uuwe oreehigirya obhuheene eguru ya amangʼana ga Waryubha. Bhoono, okuringʼaana na amaragiriryo ga Waryubha, tureekiriribhwa okutobha erigooti ku Kaisari, kasi-ha?”

Ruuka 20:21

Mbe, abhantu bhayo bhakamubhuurya ega, “Omwihigirya, tumanyiri ega, oragamba na okwihigirya amangʼana ga obhuheene. Uuwe otakwahura abhantu, oreehigirya obhuheene eguru ya amangʼana ga Waryubha.

Amakorwa ga Abhatumwa 10:34

Hayo, Petero akakeerya abhantu bhayo ega, “Bhoono nho mmanyiri ega, heene Waryubha atakusoroora abhantu!

Amakorwa ga Abhatumwa 5:36

Muhiituke eginsiku ginú gyahita, yeebhuka omuntu umwi unú yaabhirikirwanga Teuda. Teuda uyo, yeekoryanga ega, m-muntu omukuru, na abhantu muna magana gane, bhaagwatana nawe. Nawe kubhuteero, yeetwa, na bhonsego bhanú bhaamwikiriryanga, bhakanyaragana. Na emirimu gyabho gyonsego, gikabha gya bhusa.

Abharuumi 2:11

Waryubha atakungʼahirya omuntu wowonse.

2 Abhakorinto 11:5

Oni ntakwirora ega, ndingi omutumwa omuke okukira bhanú muragamba ega, mbo abhatumwa abhakuru.

2 Abhakorinto 12:11

Ngambiri kya omukangi, kwa okubha bheenyu mbo mukoreri ngambe ego. Bheenyu mwaringa mureenderwa okungungya. Onyoora ndamaahikana ega, ntakwenderwa, oni ntaringi omutumwa omuke okukira bhanú muragamba ega, mbo abhatumwa abhakuru.

2 Abhakorinto 5:16

Kwa ego, okwambira bhoono, tutakumumaaha omuntu wowonse kya ego abhantu bhanú bhatakumwikirirya Kiristu, bharamumaaha. Onyoora eribhaga nyabhurebhe twamumaaha Kiristu kya ego abhantu bhanú bhatakumwikirirya bharamumaaha. Nawe, bhoono tutakukora ego kweki.

Abhagaratia 2:2

Naariina okugya Yerusaremu kwibhaga riyo, kwa okubha Waryubha yaaringa yaantubhuriiri ega, ngende. Hanú naahika, nkamaahana kabhejyo na abhatungi bha erikanisa bhanú bharasuukwa bhukongʼu na abhantu. Kimwi nkabhakeerya Amangʼana Amajomu ganú naaringa ndaraarikira abhantu bhanú bhataringi Abhayahudi. Naamura okukora ego, naho emirimu ginú naaringa nkoreri na ginú ndagendererya okukora gitariija okubha gya bhusa.

Abhagaratia 6:3

Mbe, omuntu wowonse unú areerora ega, yaana obhwera okukira abharikyaye, enu ataana obhwera bhobhonse, uyo areengʼeena omwene!

Abhaebhurania 13:17

Mubhasuuke abhatungi bheenyu na okwisuuhya kubheene, kwa okubha bheeki mbo bharabhanyankira na bheeki bhariruusya erisaabhu ryabho eguru ya emirimu gyabho. Mubhasuuke, naho bhakore emirimu gyabho kwa obhujomerwa. Nawe, nyoore mutakubhasuuka, bhataakore emirimu gyabho kwa obhujomerwa, na emirimu giyo gitaabhe na obhwera bhobhonse kubheenyu.

Abhaebhurania 13:7

Mubhahiituke abhatungi bhanú bhaaringa bharabheehigirya eringʼana rya Waryubha. Mwiganirirye eguru ya enteemo yaabho kya ego bhaaringa bharakora, na mwihigire eimani yaabho.

1 Petero 1:17

Hanú muratogora Waryubha mumasabho geenyu, muramubhirikira Taata. Weeki atakungʼahirya omuntu wowonse. Aribhuturira ekiina kira omuntu okuringʼaana na kinú okoreri. Kwa ego, mwikare kwa okumwigwa weeki, kwibhaga ryenyu rinú ritamiri mukyaro hanu.