Abhagaratia 2:3 - Eriragano Erihya

³ Bhakeekiriranʼya na oni. Na kora omurikyani Tiito unú ataringi Omuyahudi, ataasingʼiiriribhwa okugwata amaragiriryo ga Musa kwa okusaarwa.

Abhagaratia 2:3 ပူးပေါင်းရင်းမြစ်များ

Amakorwa ga Abhatumwa 15:24

Twigwiri ega, abharikyetu bhaaja eyo, okurwa enu, bhakabhanyankya kwa amangʼana gaabho, mukoobhoha. Nawe, bheetu tutaabhatuma.

Amakorwa ga Abhatumwa 16:3

Pauro akeenda ega, bhagendanʼyenga hamwi, kurugendo na Timoteo na Siira. Nawe, Abhayahudi bhonsego bha eyo, bhaaringa bhamanyiri ega, esewaabho m-Muyunani. Kwa ego, Pauro akaamura ega, Timoteo asaarwe, naho bhamwikirirye.

2 Abhakorinto 2:13

Nawe, nteeyigwa bhwaheene mumutima gwani, kwa okubha ntaamunyoora eyo Tiito, omuhiiri waani kuimani. Kwa ego, nkaraga abhantu nkagya Makedonia.

Abhagaratia 2:1

Hanú gyahita emyaka ekumi na ena, nkariina kweki okugya Yerusaremu. Nkagega Bharinabha, nkagega na Tiito wonse, tukagya nawe.

2 Timoteo 4:10

Dema yaantigiri. Weeki yaahanja amangʼana ga ekyaro, akaamura okugya mumugi gwa Tesaronike. Kiresike weeki, yaagiiri okumukorera emirimu Waryubha mukyaro kya Garatia, na Tiito yaagiiri mukyaro kya Darimatia.

Tiito 1:4

Ndakungʼoorera uuwe Tiito, omwana waani wa heene kuimani inú turasanga hamwi. Ndakwendera eriruguto na omurembe okurwa ku Taata Waryubha na ku Kiristu Yeesu Omutuurya weetu, bhibhe hamwi na uuwe.