Abhagaratia 2:12 - Eriragano Erihya

¹² Weeki hanú yaahika Antiokia kubhwambiro, yaaringa ararya ebhyakurya hamwi na abheekirirya bhanú bhataringi Abhayahudi bira enyanko. Nawe, hanú abhantu nyabhurebhe okurwa owa Yakobho bhaahika, akeeyahura kubheekirirya bhanú bhataringi Abhayahudi, akatiga okugendererya okurya nabho ebhyakurya. Yaakora ego, kwa okubha yoobhoha abhantu bhayo, bhaaringa bharakomererya ega, abheekirirya bhonsego bhabhenga bharasaarwa.

Abhagaratia 2:12 ပူးပေါင်းရင်းမြစ်များ

Ruuka 15:2

Mbe, ekakora Abhafarisaayo na abheehigirya bha amaragiriryo, bheengʼeheerye ega, “Omuntu unu, ndeegwa arabhagenihya abhantu abha obhusarya! Kweki ararya nabho!”

Ruuka 5:38

Nawe edivai enhya, ereenderwa etuurwe muginsaho eginhya!

Amakorwa ga Abhatumwa 10:28

Petero akabhakeerya ega, “Bheenyu mumanyiri bhujomu ega, amaragiriryo geetu, garatukaanʼya okwisanganʼya kora okubhataarira abhantu bhanú bhataringi Abhayahudi. Nawe, Waryubha yankanirye ega, ntamubhirikira omuntu wowonse ega, m-mukonu kora atakwenderwa.

Amakorwa ga Abhatumwa 12:17

Petero akabhoorokya kwa okubhoko ega, bhakire, akabhatondera kya ego Omukuru amuruusirye mwigereja. Akagendererya okubhakeerya ega, “Amangʼana ganu, mukeerye Yakobho na abhahiiri bheetu abhandi kuimani.” Kimwi Petero akarwa hayo, akagya ahasi ahandi.

Abhagaratia 2:14

Nawe, hanú naarora ega, enjira yaabho iyo eteemiri, kya ego obhuheene bhwa Amangʼana Amajomu bhuringi, nkamubhuurya Kefa embere ya bhonsego ega, “Onyoora uuwe m-Muyahudi, nawe, oragwata obhusimuka bhwa abhantu bhanú bhataringi Abhayahudi. Bhoono, kwaki orabhandirirya abhantu bhanú bhataringi Abhayahudi, okugwata obhusimuka bhwa Abhayahudi?”

Abhagaratia 2:9

Mbe, hanú Yakobho, Kefa na Yoana, bhanú bhaaringa abhatungi abhakuru, bhaarora eriruguto rinú naahaanwa na Waryubha, bhakatugwata okubhoko oni na Bharinabha, naho okoorokya ekimanyiiriryo kya obhugwatani bhwetu. Tukeekiriranʼya ega, bheetu tugende okukora emirimu kubhantu bhanú bhataringi Abhayahudi, na bheeki bhakore emirimu ku Bhayahudi.

Abhaefeso 2:15

Hanú yaaruusya omubhiri gwaye, yaaruusya-ho amaragiriryo ga Musa hamwi na emigiro gyago, naho okurekana na abhantu bha emiganda ebhiri giyo, akore omuganda gumwi omuhya. Ego niigo yaareeta omurembe gati yeetu.

Abhaefeso 3:6

Ekinyerera kya Waryubha kinu, niiga, abhantu bha ebhyaro ebhindi, hamwi na Abhayahudi bhonsego bhanú bhareekirirya Amangʼana Amajomu, bhonsego bharagabha kiringʼaanʼya, amajomu ganú Waryubha yaaseemerya abhantu bhaaye. Bhonsego bhabheeri kya omubhiri gumwi, na bharaabhenga bharasanga hamwi, eriruguto rinú Waryubha yaaraga okuhitira ku Kiristu Yeesu.

1 Abhatesaronike 5:22

na mwiyangararire na amabhiibhi gonsego.