Abhagaratia 2:1 - Eriragano Erihya

¹ Hanú gyahita emyaka ekumi na ena, nkariina kweki okugya Yerusaremu. Nkagega Bharinabha, nkagega na Tiito wonse, tukagya nawe.

Abhagaratia 2:1 ပူးပေါင်းရင်းမြစ်များ

Amakorwa ga Abhatumwa 11:25

Kimwi Bharinabha akagya mumugi gwa Tarso, okumutuna Sauri.

Amakorwa ga Abhatumwa 11:30

Mbe, bhakakora ego, bhakahaana Bharinabha na Sauri omusororyo guyo, naho bhaguhire kubhakangati bha erikanisa rya Yerusaremu.

Amakorwa ga Abhatumwa 12:25

Bharinabha na Sauri hanú bhaamara emirimu gyabho gya okubheera abheekirirya mumugi gwa Yerusaremu, bhakamugega Yoana unú yaabhirikirwanga Mariko, bhakahunjuka nawe Antiokia.

Amakorwa ga Abhatumwa 13:2

Hanú bhaaringa bharamusyengera Omukuru Waryubha na okwiyima okurya ebhyakurya, Omutima Omurabhu akabhakeerya ega, “Munsorere Bharinabha na Sauri kumirimu ginú mbabhirikiriri.”

Amakorwa ga Abhatumwa 13:50

Nawe, Abhayahudi bhakagwatanʼya abhakari abhasuukwa bhanú bhaamwigwanga Waryubha, na abhatungi bha omugi. Bhakabhanyankya Pauro na Bharinabha na okubhakenyia bharwe mukyaro kyabho.

Amakorwa ga Abhatumwa 14:12

Bhakamutoga Bharinabha ega, Jeu, eriina rya omusambwa gwabho omukuru. Na Pauro bhakamutoga ega, Herime, eriina rya omusambwa gwabho ogundi, kwa okubha ngʼo yaahairanga bhukongʼu.

Amakorwa ga Abhatumwa 15:25

Kwa ego, twamwiri kwa hamwi, okubhasora abhantu nyabhurebhe na okubhatuma eyo, bhaaje hamwi na abhahanje bheetu, Bharinabha na Pauro.

1 Abhakorinto 9:6

Kasi nooni na Bharinabha abheenego mbo tureenderwa okukora emirimu, naho tunyoore ebhintu kurusumo rwa obhuhoru bhwetu?

2 Abhakorinto 2:13

Nawe, nteeyigwa bhwaheene mumutima gwani, kwa okubha ntaamunyoora eyo Tiito, omuhiiri waani kuimani. Kwa ego, nkaraga abhantu nkagya Makedonia.

2 Abhakorinto 8:16

Ndamukumya Waryubha unú amuheeri Tiito omutima gunú oni niinago ogwa okubhabheera bheenyu.

2 Abhakorinto 8:23

Bhoono, nyoore omuntu areenda okumanya amangʼana eguru ya Tiito, weeki m-mukori wa emirimu hamwi na oni kwa enjira ya okubhabheera bheenyu. Na nyoore omuntu areenda okumanya eguru ya abhandi bhanú bharaaja hamwi nawe, bhayo m-bahiiri bheetu kuimani, bhatumirwe na amakanisa, bhonse bharamugungya Kiristu.

Abhagaratia 1:18

Hanú emyaka esatu gyahwa, nkagya Yerusaremu, naho mmaahane na Kefa eyo. Nkeekara owaaye eginsiku ekumi na etaanu egyenego.

Abhagaratia 2:13

Mbe, kora abheekirirya abhandi bha Ekiyahudi bhonse, bhakeeyahura okubha bhumwi na weeki. Kora Bharinabha wonse akahabhibhwa akasoha murwambe rwabho.

Abhagaratia 2:3

Bhakeekiriranʼya na oni. Na kora omurikyani Tiito unú ataringi Omuyahudi, ataasingʼiiriribhwa okugwata amaragiriryo ga Musa kwa okusaarwa.

Abhagaratia 2:9

Mbe, hanú Yakobho, Kefa na Yoana, bhanú bhaaringa abhatungi abhakuru, bhaarora eriruguto rinú naahaanwa na Waryubha, bhakatugwata okubhoko oni na Bharinabha, naho okoorokya ekimanyiiriryo kya obhugwatani bhwetu. Tukeekiriranʼya ega, bheetu tugende okukora emirimu kubhantu bhanú bhataringi Abhayahudi, na bheeki bhakore emirimu ku Bhayahudi.

Abhakorosai 4:10

Aristariko, unú aringi hamwi na oni mukibhohe, arabhakeeranʼya. Mariko wonse, omubhyara wa Bharinabha arabhakeeranʼya. Mwamariri okunyoora amaragiriryo eguru yaaye. Hanú arihika kubheenyu eyo, mumuturuungʼane bhujomu.

Tiito 1:4

Ndakungʼoorera uuwe Tiito, omwana waani wa heene kuimani inú turasanga hamwi. Ndakwendera eriruguto na omurembe okurwa ku Taata Waryubha na ku Kiristu Yeesu Omutuurya weetu, bhibhe hamwi na uuwe.