Abhagaratia 1:8 - Eriragano Erihya

⁸ Kora nyoore omuntu wowonse gati yeetu kasi maraika okurwa murwire, araabharaarikire amangʼana gogonse ganú gatahunkeeni na ganú bheetu twabharaarikira, omuntu uyo yeehiimwe na Waryubha!

Abhagaratia 1:8 ပူးပေါင်းရင်းမြစ်များ

Mataayo 25:41

“Kweki, aribhakeerya bhanú bharingi orubhaara rwaye rwa obhumosi ega, ‘Murwe hanu, bheenyu bhanú mweehiimwa na Waryubha! Mugende mumururo gwa koko, gunú guseemeriibhwe Erisambwa na bhamaraika bhaaryo.

Mariko 14:71

Nawe, Petero akaamba okwiyihiimirirya na okuteena ega, “Maheene omuntu uyo muragamba, ntamumanyiri!”

Amakorwa ga Abhatumwa 23:14

Ego, bhakagya kubhasyengeri abhakuru na abhakaruka bha Ekiyahudi, bhakabhakeerya ega, “Turiiri emuuma ega, tureeyima okurya na okunywa ekintu kyokyonse, okuhikira tumwite Pauro.

Abharuumi 16:17

Bhoono, abhahiiri bhaani kuimani, ndabhakomererya ega, mwiyangararire na abhantu bhanú bhareehigirya ameehigiryo ga okwahukanʼya abhantu. Abhantu bhayo bhareenda okusarya eimani ya abhantu, na bharaanga ameehigiryo ganú mweehigiribhwa. Mwiyahure nabho!

Abharuumi 9:3

kwa ekisigo kya abhantu bha ekyaro kyani. Nyoore ekaaturikeeni, nkeekiriirye okwihiimwa oni omwene na okwahurwa na Kiristu, nyoore kwa okukora ego, kukaabhabheereri abhahiiri bhaani bhayo, bhamwikirirye Kiristu.

1 Abhakorinto 12:3

Kwa ego, ndeenda mumanye ega, omuntu wowonse unú aroorokereribhwa na Omutima wa Waryubha atakutura okugamba ega, “Yeesu yeehiimwe.” Kweki omuntu wowonse nyoore atakoorokereribhwa na Omutima Omurabhu, atakutura okugamba ega, “Yeesu m-Mukuru.”

1 Abhakorinto 16:22

Omuntu wowonse unú atamuhanjiri Omukuru, yeehiimwe. Omukuru weetu uuje!

Abhagaratia 1:9

Kweki ndahunjukira okugamba kya ego twagamba kwibhaga rirya, ega, nyoore omuntu araabharaarikire amangʼana gogonse ganú gatahunkeeni na ganú bheenyu mweekirirya, omuntu uyo yeehiimwe na Waryubha!

Abhagaratia 3:10

Nawe, bhanú bhareesiga okutuuribhwa kwa okukora ganú amaragiriryo gareenda, bhayo bheehiimwa. Kwa okubha yaangʼoorwa mu Mangʼoore Amarabhu ega, “Wowonse unú atakugwata na okukora ganú gaangʼoorwa mukitabho kya amaragiriryo, yeehiimirwe.”

Abhagaratia 3:13

Kiristu yaatutungurya okurwa mumeehiimo ga amaragiriryo, kwa okugega ameehiimo gayo, kurusumo rwetu. Yaabha ego, kwa okubha Amangʼoore Amarabhu garagamba ega, “Wowonse unú arabhambwa kumusarabha, yeehiimirwe.”

Tiito 3:10

Omuntu unú aragwatanʼya abhantu, omukemere orwa mbere, omare omukemere orwa kabhiri. Nyoore ataribha omwigwa, otigane nawe kimwi.

2 Petero 2:14

Ameeso gaabho geejwiri obhusuunu, na orunamba rwabho rwa okukora obhusarya, rutaana obhuteero. Bharabharuta abhantu bhanú bhatanagiri kuimani kwa amangʼana na amakorwa, bhagwate amakorwa gaabho amabhiibhi. Emitima gyabho gyanara okubha na orunamba rwa ebhintu. Abhantu bhayo, Waryubha yaabheehiima!