Abhagaratia 1:6 - Eriragano Erihya

⁶ Oni ndaruguura bhukongʼu, kwa okubha ni-ribhaga ekego rinú ryahitiri, bheenyu mwamujeemeri Waryubha unú yaabhabhirikira kwa eriruguto rya Kiristu. Mweehunjuriiri ameehigiryo agandi ganú abhandi bharagabhirikira ega, m-Mangʼana Amajomu.

Abhagaratia 1:6 ပူးပေါင်းရင်းမြစ်များ

Mariko 6:6

Akaruguura bhukongʼu kwa okubha abhantu bha mumugi muyo, bhataaringa na eimani kora enke. Kimwi Yeesu akeenaara mubhijiji bhya haangʼi okubheehigirya abhantu.

Yoana 9:30

Wonse akabhakyukya ega, “Oni ndaruguura bhukongʼu! Mutamanyiri enú yaarwira, nawe, uyo ngʼo yaahwenerye ameeso gaani!

Amakorwa ga Abhatumwa 15:11

Bheetu tureekirirya ega, turatuuribhwa kwa eriruguto rya Omukuru weetu Yeesu omwenego. Na egoego abheene bhonse bharituuribhwa kwa eriruguto riyo.”

Abharuumi 10:3

Bheeki bhataagwata enjira inú Waryubha arabharira abhantu okubha abhaheene, kwa okubha bhataaringa bhaimanyiri, kweki bhaatunanga okunyoora obhuheene bhwabho abheene, kwa enjira ya okugwata amaragiriryo ga Musa.

Abharuumi 5:2

Kwa enjira ya okumwikirirya Yeesu, Waryubha atuheeri eriruguto ryaye, rinú turingi-mo. Turajomerwa bhukongʼu, kwa okubha tureesiga ega, turisanga hamwi na Waryubha mubhukuru bhwaye.

Abharuumi 8:28

Tumanyiri ega, Waryubha arakora amangʼana gonsego okureeta amajomu, kubhantu bhonsego bhanú bhamuhanjiri, bhanú bhaabhirikirwa okurekana na obhwendi bhwaye.

Abharuumi 8:30

Mbe, bhayo yaaringa abhasoreri okurwa ekyaro kitarabhumbwa, mbo yaabhirikira akabhabhara okubha abhaheene embere yaaye, na mbo yaamura ega, aribhahaana obhukuru.

1 Abhakorinto 4:15

kwa okubha onyoora muuna abhantu muna ebhiku ekumi bhanú bharabheehigirya eguru ya Kiristu, nawe eseweenyu ngʼ-umwi. Oni nooni naabheebhura ku Kiristu Yeesu, kwa okubharaarikira Amangʼana Amajomu.

2 Abhakorinto 11:4

Ndagamba ego, kwa okubha bheenyu m-bangu okuturuungʼana omuntu, unú araaja okuraarika amangʼana eguru ya Yeesu ganú bheetu tutaabharaarikira. Kweki, mureekirirya bhwangu omutima ogundi kasi amangʼana agandi, ganú bheetu tutaabharaarikira.

2 Abhakorinto 2:17

Bheetu tutaringi kya abhantu abhandi abhaaru, bhanú bharakora eringʼana rya Waryubha, kya ekintu kya okugurya, naho bhanyoore obhwera. Nawe, bheetu kwa eginguru gya Kiristu, turaraarika eringʼana rya Waryubha kwa obhuheene bhonsego embere ya Waryubha, kwa okubha weeki ngʼo yaatutuma.

Abhagaratia 1:11

Abhahiiri bhaani kuimani, ndeenda mumanye ega, Amangʼana Amajomu ganú oni naabharaarikira, gataringi ga abhantu,

Abhagaratia 1:15

Nawe, Waryubha kwa eriruguto ryaye, yaaringa yansoreri nkyari munda ya maayi, akambirikira mmukorere emirimu gyaye, akaamura

Abhagaratia 1:7

Obhuheene niiga, gatariho Amangʼana Amajomu agandi. Nawe, bhariho abhantu bhanú bharabhahabhya na okwenda okukyukya Amangʼana Amajomu eguru ya Kiristu.

Abhagaratia 2:14

Nawe, hanú naarora ega, enjira yaabho iyo eteemiri, kya ego obhuheene bhwa Amangʼana Amajomu bhuringi, nkamubhuurya Kefa embere ya bhonsego ega, “Onyoora uuwe m-Muyahudi, nawe, oragwata obhusimuka bhwa abhantu bhanú bhataringi Abhayahudi. Bhoono, kwaki orabhandirirya abhantu bhanú bhataringi Abhayahudi, okugwata obhusimuka bhwa Abhayahudi?”

Abhagaratia 2:2

Naariina okugya Yerusaremu kwibhaga riyo, kwa okubha Waryubha yaaringa yaantubhuriiri ega, ngende. Hanú naahika, nkamaahana kabhejyo na abhatungi bha erikanisa bhanú bharasuukwa bhukongʼu na abhantu. Kimwi nkabhakeerya Amangʼana Amajomu ganú naaringa ndaraarikira abhantu bhanú bhataringi Abhayahudi. Naamura okukora ego, naho emirimu ginú naaringa nkoreri na ginú ndagendererya okukora gitariija okubha gya bhusa.

Abhagaratia 2:5

Bheetu tuteekiriranʼya nabho kora ahake, naho obhuheene bhwa Amangʼana Amajomu bhutame kubheenyu kya ego bhuringi.

Abhagaratia 2:7

Hamwi na gayo, abhatungi bhayo, bhakamanya ega, Waryubha yaantuma oni ndaarike Amangʼana Amajomu eguru ya Yeesu, kubhantu bhanú bhataringi Abhayahudi, bheeki bhataasaarwanga, kya ego yaamutuma Petero araarike ku Bhayahudi, bheeki bhaasaarwanga.

Abhagaratia 5:14

Ndagamba ego, kwa okubha amaragiriryo gonsego garakunaanibhwa na eriragiriryo rimwi ega, “Omuhanje omurikyaho kya ego oreehanja uuwe omwene.”

Abhagaratia 5:4

Nyoore mureesiga okubharwa ega, muringi abhaheene embere ya Waryubha, kwa okugwata amaragiriryo, mbe, mwiyahwiri okurwa ku Kiristu, na mwibhuriirye eriruguto rya Waryubha.

2 Abhatesaronike 2:14

Waryubha yaabhabhirikira, naho mutuuribhwe kwa enjira ya Amangʼana Amajomu ganú twabharaarikira. Yaabhabhirikira, naho munyoore obhukuru bhwa Omukuru weetu Yeesu Kiristu.

1 Timoteo 1:14

Omukuru weetu Kiristu Yeesu, yaanhumirira eriruguto ryaye eryaru bhukongʼu, yaangʼaana eimani na obhuhanje, kukugwatana nawe.

1 Timoteo 1:3

Eribhaga rinú neemuka okugya mukyaro kya Makedonia, naakukomererya wikare mumugi gwa Efeso. Naakukomererya ego, naho okaanʼye abhantu bhanú bhareehigirya ameehigiryo ga obhubheehi.

2 Timoteo 1:9

Weeki yaatutuurya, akatubhirikira tubhe abhaana bhaaye. Ataakora ego, kwa ekisigo kya amakorwa geetu amajomu, nawe, kwa ekisigo kya obhwendi bhwaye na eriruguto ryaye. Weeki yaatuhaana eriruguto riyo kurusumo rwa Kiristu Yeesu, kora ekyaro kitarabhumbwa.

2 Timoteo 2:1

Bhoono, omwana waani, obhe na eginguru kwiruguto rinú turanyoora kwa enjira ya okumwikirirya Kiristu Yeesu.

1 Petero 1:15

Waryubha unú yaabhabhirikira, m-murabhu. Bhoono bheenyu bhonse, mureenderwa okubha abharabhu kuginteemo gyenyu gyonsego.

2 Petero 1:3

Waryubha kwa obhuturo bhwaye, yaatuheeri gonsego ganú tureenda, naho twikare obhwikari bhunú bhuramujomera. Weeki yaatuheeri gayo, kwa enjira ya okumumanya. Omwene atubhirikiiri okurekana na obhukuru na obhujomu bhwaye.

Obhukundukuri 22:21

Eriruguto rya Omukuru Yeesu ribhe hamwi na bheenyu bhonsego. Amina.