Abhagaratia 1:12 - Eriragano Erihya

¹² kwa okubha ntaahaanwa na omuntu kora nteehigiribhwa na omuntu wowonse. Nawe, Yeesu Kiristu omwene, ngʼo yaagantubhurira.

Abhagaratia 1:12 ပူးပေါင်းရင်းမြစ်များ

1 Abhakorinto 11:23

Ameehigiryo ganú naanyoora okurwa ku Mukuru Yeesu ngo naabhahaana bheenyu ega, obhutiku bhurya yaakorerwa eniku, yaagega omukaate,

1 Abhakorinto 2:10

Nawe bheetu, Waryubha yaatutubhurira gayo, okuhitira ku Mutima Omurabhu, kwa okubha Omutima Omurabhu areekomya gonsego, kora ensonga ya Waryubha inú ebhisirwe.

2 Abhakorinto 10:7

Bheenyu muramaaha kya ego ebhintu bhiramaahikana kwa kibhara ego. Omuntu wowonse unú areerora ega, weeki ngʼ-wa Kiristu, amanye ega, na bheetu turingi abhantu bha Kiristu, kya weeki.

2 Abhakorinto 12:1

Ndeenderwa okwigungya, onyoora kutaana obhwera bhobhonse. Nawe, ndeenda okwigungya eguru ya obhurori na amangʼana agandi ganú Omukuru yanyorokerye.

Abhagaratia 1:1

Enyarubha inu erwiri kuoni Pauro. Oni omutumwa, ntaatumwa na abhantu kasi okuragiriribhwa na omuntu wowonse, nawe, naatumwa na Yeesu Kiristu, na Taata Waryubha unú yaamuhyukya Yeesu okurwa mubhaku.

Abhagaratia 1:16

okuntubhurira kya ego Omwana waaye aringi. Yaakora ego, naho ndaarike Amangʼana Amajomu eguru ya Omwana waaye uyo, kubhantu bhanú bhataringi Abhayahudi. Oni ntaatuna omuntu owa okuntongera kinú ndaakore.

Abhagaratia 2:2

Naariina okugya Yerusaremu kwibhaga riyo, kwa okubha Waryubha yaaringa yaantubhuriiri ega, ngende. Hanú naahika, nkamaahana kabhejyo na abhatungi bha erikanisa bhanú bharasuukwa bhukongʼu na abhantu. Kimwi nkabhakeerya Amangʼana Amajomu ganú naaringa ndaraarikira abhantu bhanú bhataringi Abhayahudi. Naamura okukora ego, naho emirimu ginú naaringa nkoreri na ginú ndagendererya okukora gitariija okubha gya bhusa.

Abhaefeso 3:3

Waryubha omwene yaantubhurira ekinyerera kyaye kinú kyaringa kiibhisiri, kya ego naamara okungʼoora kwa amangʼana amake.

1 Abhatesaronike 4:15

Mbe, ganú turabhakeerya m-meehigiryo ga Omukuru Yeesu ega, bheetu bhanú orinyoora tukyari abhahoru kwibhaga rinú weeki arihunjuka, maheene tutaribhakangatira bhanú bhaakwa, okumuturuungʼana.