Abhagaratia 1:1 - Eriragano Erihya

¹ Enyarubha inu erwiri kuoni Pauro. Oni omutumwa, ntaatumwa na abhantu kasi okuragiriribhwa na omuntu wowonse, nawe, naatumwa na Yeesu Kiristu, na Taata Waryubha unú yaamuhyukya Yeesu okurwa mubhaku.

Abhagaratia 1:1 ပူးပေါင်းရင်းမြစ်များ

Yoana 10:30

Oni na Taata turingi n-kintu kimwi.”

Yoana 20:21

Yeesu akabhakeeranʼya kweki ega, “Omurembe gubhe na bheenyu. Kya ego Taata Waryubha yaantuma oni, egoego na oni ndabhatuma bheenyu mukyaro hanu.”

Yoana 5:19

Yeesu akakeerya abhatungi bhayo ega, “Ndabhakeerya obhuheene ega, Omwana wa Waryubha atakutura okukora ryoryonse kwa obhuturo bhwaye. Arakora ganú ararora Esewaabho arakora. Gonsego ganú Esewaabho arakora, ngo na Omwana wonse arakora.

Amakorwa ga Abhatumwa 22:10

Nkamubhuurya ega, ‘Omukuru, nkore egaki?’ Wonse akankyukya ega, ‘Imirira! Osohe Damasikasi. Muyo, oraakeeribhwe emirimu gyonsego ginú oreenderwa okore.’

Amakorwa ga Abhatumwa 3:15

Ego, mweeta unú yaaringa omukuru wa obhuhoru. Nawe, Waryubha yaamuhyukya okurwa mubhaku, na bheetu mbo abheemiririri bha obhuhyuki bhwaye.

Amakorwa ga Abhatumwa 9:6

Bhoono, imirira! Genda osohe mumugi guyo, oraakeeribhwe kinú oreenderwa okukora.”

Abharuumi 1:1

Enyarubha inu, erwiri kuoni Pauro, omugaya wa Kiristu Yeesu. Oni naabhirikirwa okubha omutumwa waaye, nkasorwa mbenga ndaraarika Amangʼana Amajomu ga Waryubha.

Abharuumi 10:9

Amangʼana gayo niiga, hanú oraagambe kwa omunwa gwaho omwene ega, “Yeesu m-Mukuru,” na okwikirirya mumutima gwaho ega, Waryubha yaamuhyukya okurwa mubhaku, orituuribhwa na Waryubha.

Abharuumi 14:9

Kiristu yaakwa na okuhyuka, naho abhe Omukuru wa abhantu bhonsego, abhaku na abhahoru.

1 Abhakorinto 1:1

Enyarubha inu, erwiri kuoni Pauro, unú Waryubha yaambirikira kwa obhwendi bhwaye, naho mbe omutumwa wa Kiristu Yeesu. Oni na omuhiiri weetu kuimani Sositene,

2 Abhakorinto 1:1

Enyarubha inu, erwiri kuoni Pauro, unú Waryubha yaambirikira kwa obhwendi bhwaye, naho mbe omutumwa wa Kiristu Yeesu. Oni na omuhiiri weetu kuimani Timoteo, turabhangʼoorera bheenyu bhanú muringi mwikanisa rya Waryubha, erya mumugi gwa Korinto eyo. Turabhangʼoorera bheenyu hamwi na abhantu bhonsego bha Waryubha bhanú bharingi mukyaro kya Akaya.

Abhagaratia 1:15

Nawe, Waryubha kwa eriruguto ryaye, yaaringa yansoreri nkyari munda ya maayi, akambirikira mmukorere emirimu gyaye, akaamura

Abhagaratia 1:17

Kora ntaagya Yerusaremu, kubhanú bhaankangatira okubha abhatumwa. Nawe, kinú naakora n-kugya kimwikimwi mukyaro kya Arabhia. Kimwi, kwa eribhaga nyabhurebhe, nkahunjuka kweki mumugi gwa Damasikasi.

Abhaefeso 3:8

Onyoora oni ngʼ-wa insi okukira abhantu bha Waryubha bhonsego, nawe, Waryubha yaangʼaana eriruguto rinu, okuraarikira abhantu bhanú bhataringi Abhayahudi, obhuniibhi obhwaru bhunú bhuratuuka ku Kiristu.

2 Timoteo 1:1

Enyarubha inu, erwiri kuoni Pauro. Oni naatumwa kwa obhwendi bhwa Waryubha, okubha omutumwa wa Kiristu Yeesu, naho okuraarika amangʼana ga obhuhoru. Waryubha yaaturaga ega, obhuhoru bhuyo, bhuratuuka kwa okumwikirirya Kiristu Yeesu.

Tiito 1:3

Mbe bhoono, eribhaga rinu ndyo Waryubha yaamwiri okutubhura Amangʼana gaaye Amajomu. Waryubha Omutuurya weetu yaamura ega, yangʼaane emirimu gya okuraarika amangʼana gayo.

Abhaebhurania 13:20

Mbe, Waryubha wa omurembe yaamuhyukya Omukuru weetu Yeesu. Yeesu m-Muriisya Omukuru wa amangʼondi kwa enjira ya okwitira amanyinga gaaye hanú yaakwa kumusarabha. Amanyinga gaaye gareemiririra eriragano rya koko.

1 Petero 1:21

Kwa okuhitira ku Kiristu, muramwikirirya Waryubha. Weeki yaamuhyukya na okumuhaana obhukuru, na kiyo nkyo kirakora bheenyu muramwikirirya na okumwisiga Waryubha.

Obhukundukuri 1:18

Oni nooni omuhoru! Naaringa nkwiri, nawe bhoono maaha, ndingi omuhoru koko na koko! Na niina eginfunguro gya oruku na egya mukyaro kya abhaku.

Obhukundukuri 1:5

na okurwa ku Yeesu Kiristu, omwimiririri omuheene. Weeki yaabha owa mbere okuhyukibhwa, naho abhe omukama wa abhakama bhonsego mukyaro. Yeesu atuhanjiri na yaatusibhura okurwa mubhusarya bhwetu, kwa enjira ya okwitira amanyinga gaaye.

Obhukundukuri 2:8

Omuntu uyo, akagendererya okunkeerya ega, “Omungʼoorere na maraika wa erikanisa rinú riringi mumugi gwa Simurina, omukeerye ega, “Oni ngʼ-wa mbere na owa obhuteero. Naakwa, nkahyuka! Mwitegeerere ganú ndabhakeerya.