Abhafiripi 4:9 - Eriragano Erihya

⁹ Mugendererye okukora amangʼana ganú mweehigira na okugwata okurwa kuoni, ganú mweegwa na okurora ndakora. Muraakore gayo, nho Waryubha unú arabhahaana omurembe, arigendererya okubha hamwi na bheenyu.

Abhafiripi 4:9 ပူးပေါင်းရင်းမြစ်များ

Mataayo 1:23

“Maaha, unú ataakataariri na omusaaja arigega enda, weeki ariibhura omwana wa ekimura. Bharimutoga eriina ryaye Emanueri.” Ensonga ya eriina rinu niiga, “Waryubha aringi hamwi na bheetu.”

Mataayo 28:20

na okubheehigirya okugwata gonsego ganú naabharagirirya bheenyu. Na maaha, oni ndingi hamwi na bheenyu eribhaga ryonsego, okuhikira obhuteero bhwa ekyaro.”

Mataayo 7:21

“Etaringi kira omuntu unú arambirikira ega, ‘Ee Omukuru, ee Omukuru,’ arisoha mubhukama bhwa murwire. Nawe, omuntu unú arakora obhwendi bhwa Taata owa murwire, ngʼo arisoha muyo.

Ruuka 6:46

“Kwaki murambirikira, ‘Omukuru, Omukuru,’ nawe, amangʼana ganú ndabhakeerya, mutakugakora?

Ruuka 8:21

Yeesu akabhakyukya ega, “Maayi na abhaana bheetu m-bonsego bhanú bhareegwa eringʼana rya Waryubha na okurigwata.”

Yoana 13:17

Nyoore mugamanyiri gayo, mbe, Waryubha aribhanonka nyoore muragwata ekirengyo kinu.

Yoana 15:14

Nyoore murakora ganú ndabharagirirya, bheenyu murabha abhasaani bhaani.

Yoana 2:5

Nho, ngʼina waabho akakeerya abhakori bha emirimu ega, “Ryoryonse rinú araabhakeerye, mukore.”

Amakorwa ga Abhatumwa 9:6

Bhoono, imirira! Genda osohe mumugi guyo, oraakeeribhwe kinú oreenderwa okukora.”

Abharuumi 15:33

Waryubha unú arabhahaana omurembe, abhe hamwi na bheenyu bhonsego. Amina.

Abharuumi 16:20

Waryubha unú arabhahaana omurembe, araatajire hansi Erisambwa bhwangu hanu na okubhahaana obhuhigi eguru yaaryo. Eriruguto rya Omukuru weetu Yeesu Kiristu ribhe hamwi na bheenyu bhonsego. [Amina.]

1 Abhakorinto 10:31

Mbe bhoono, kyokyonse kinú murakora, ebhe okurya, ebhe okunywa, kasi ekintu ekindi, mukikore naho Waryubha agungibhwe.

1 Abhakorinto 14:33

kwa okubha Waryubha weetu ataringi wa eritoongʼana, ngʼ-wa omurembe. Kya ego eringi mumakanisa gonsego ga abhantu bha Waryubha,

1 Abhakorinto 4:16

Bhoono, ndabhakomererya ega, mubhenga murakora kya ego oni ndakora.

2 Abhakorinto 13:11

Bhoono, abhahiiri bhaani kuimani, turimaahana! Mubhe mukuneeni kunteemo yeenyu, muhorisanʼye, mubhe na obhumwi, mubhe na omurembe. Na Waryubha wa obhuhanje na omurembe aribha hamwi na bheenyu.

Abhafiripi 3:17

Abhahiiri bhaani kuimani, mugwate enteemo yaani. Kweki mwihigire kubhantu bhanú bharagwata eginteemo gyetu.

Abhafiripi 4:7

Mbe, Waryubha aribhahaana omurembe okukira endengo ya obhumanyi. Omurembe guyo, guryangararira bhujomu emitima gyenyu na obhungʼeeni bhwenyu, kwa okubha bheenyu mwagwatana na Kiristu Yeesu.

1 Abhatesaronike 1:6

Onyoora mwanyankibhwa bhukongʼu, kwa ekisigo kya eimani yeenyu, mwagwata amangʼana gayo kwa obhujomerwa bhunú bhurarwa ku Mutima Omurabhu. Kwa okukora ego, mwagwata ekirengyo kyetu na ekirengyo kya Omukuru Yeesu.

1 Abhatesaronike 2:14

Abhahiiri bheetu kuimani, amangʼana ganú gaanyoora abhantu bhanú bhamwikiriirye Kiristu Yeesu, mumakanisa ga Waryubha mukyaro kya Yudea, ngo gabhanyooreri na bheenyu. Abhantu bheenyu bhabhanyankirye kya ego bheeki Abhayahudi abharikyabho bharabhanyankya.

1 Abhatesaronike 5:23

Waryubha omwene unú aratuhaana omurembe, abharaame bhukongʼu. Weeki yaangararire emitima gyenyu na obhuhoru bhwenyu na emibhiri gyenyu, naho mubhe mutaana amasoro kwibhaga rinú Omukuru weetu Yeesu Kiristu ariija.

2 Abhatesaronike 3:4

Weeki aratuhaana obhwisige obhunene ega, bhoono murakora kya ego oranyoora turabharagirirya na kweki murigendererya okugakora.

2 Timoteo 4:22

Ndamusabha Omukuru Yeesu, abhe hamwi na uuwe. Eriruguto ryaye, ribhe hamwi na bheenyu bhonsego.

Yakobho 1:22

Mutabha mureengʼeena kwa okwitegeerera eringʼana rya Waryubha okwenego, nawe mukorenga kya ego riragamba.

2 Petero 1:10

Mbe bhoono, abhahiiri bhaani kuimani, mukore ekituunyo bhukongʼu okoorokya ega, Waryubha abhabhirikiiri na okubhasora. Nyoore mureekarenga ego, mutarihabha kora rumwi,

1 Yoana 3:22

Na turanyoora okurwa kumwene ryoryonse rinú turamusabha, kwa okubha tureegwa amaragiriryo gaaye na okukora ganú garamujomera.