Abhafiripi 4:7 - Eriragano Erihya

⁷ Mbe, Waryubha aribhahaana omurembe okukira endengo ya obhumanyi. Omurembe guyo, guryangararira bhujomu emitima gyenyu na obhungʼeeni bhwenyu, kwa okubha bheenyu mwagwatana na Kiristu Yeesu.

Abhafiripi 4:7 ပူးပေါင်းရင်းမြစ်များ

Ruuka 1:79

na bhurimirikira bhanú bharingi mukisunte, bhanú bharingi munyanko na mungʼanga ya oruku. Aritoorokererya, naho tugendenga kunjira ya omurembe.”

Ruuka 2:14

“Waryubha wa murwire agungibhwe! Na mukyaro, omurembe gubhe kubhantu bhanú arajomererwa nabho.”

Yoana 14:27

Hanú ndiimuka, ndibhatigira omurembe, omurembe gwani gunu ndabhahaana. Omurembe guyo gutaringi kya gunú gurarwa kubhantu bhanú bharamwanga Waryubha. Mutasurumbara mumitima gyenyu, kweki mutoobhoha kyokyonse.

Yoana 16:33

Ndabhakeerya amangʼana gayo gonsego, naho mubhe na omurembe mumitima gyenyu, kwa okubha muringi munsi waani. Mukyaro munu murinyoora enyanko enjaru, nawe, mutoobhoha, kwa okubha oni nkihigiri ekyaro.”

Abharuumi 1:7

Ndabhangʼoorera bheenyu abheekirirya bhonsego bhanú muringi Ruumi eyo. Waryubha abhahanjiri bhukongʼu, na abhabhirikiiri, naho mubhe abhantu bhaaye abharabhu bha omutima. Ndabheendera eriruguto na omurembe okurwa ku Taata Waryubha, na ku Mukuru Yeesu Kiristu, bhibhe hamwi na bheenyu.

Abharuumi 14:17

Amangʼana ga obhukama bhwa Waryubha, gataringi amangʼana eguru ya okurya kasi okunywa, nawe, m-mangʼana eguru ya okukora obhuheene, okubha na omurembe na okwikara kwa obhujomerwa. Gayo gonsego gararekana na Omutima Omurabhu.

Abharuumi 15:13

Waryubha ngʼo tureesigira ega, arikora gonsego ganú yaaraga. Kwa ego, ndabhasabhira ega, abhahaane omurembe bhukongʼu na obhujomerwa obhwaru hanú muragendererya okumwikirirya. Hayo nho muraabhe na obhwisige obhunene, kwa obhuturo bhwa Omutima Omurabhu.

Abharuumi 5:1

Mbe, Waryubha atubhariri okubha abhaheene embere yaaye, okurekana na eimani yeetu. Kwa ego, tuuna omurembe na Waryubha kwa okuhitira ku Mukuru weetu Yeesu Kiristu.

Abharuumi 8:6

Abhantu bhanú bharoorokereribhwa na ameetegeerero ga obhusimuka bhwa okukora obhusarya, bharanyoora oruku rwa koko. Nawe, abhantu bhanú bharoorokereribhwa na ameetegeerero ga Omutima Omurabhu, bharanyoora obhuhoru bhwa koko na omurembe.

2 Abhakorinto 10:5

Na turasarya amangʼana gonsego ga obhubheehi, na amangʼana ga okwigungya ganú gararibhira abhantu bhatamumanya Waryubha. Kweki turahunjura ameetegeerero gonsego ga abhantu, naho gamwigwe Kiristu.

2 Abhakorinto 13:11

Bhoono, abhahiiri bhaani kuimani, turimaahana! Mubhe mukuneeni kunteemo yeenyu, muhorisanʼye, mubhe na obhumwi, mubhe na omurembe. Na Waryubha wa obhuhanje na omurembe aribha hamwi na bheenyu.

Abhagaratia 5:22

Nawe, emisumo gya Omutima Omurabhu, m-buhanje, obhujomerwa, omurembe, obhwigumirirya, obhuserenʼya, obhusambaaruku na eimani,

Abhaefeso 3:19

Na mumanye kya ego atuhanjiri bhukongʼu, onyoora etakuturika kubheetu okubhumanya bhonsego, okuringʼaana na obhwaru bhwaye. Hanú muraamanye obhuhanje bhwaye, enteemo yeenyu eraatuubhane na enteemo ya Waryubha.

Abhafiripi 1:1

Enyarubha inu, erwiri kuoni Pauro, ndingi hamwi na Timoteo, omugaya omurikyani ku Kiristu Yeesu. Turabhangʼoorera bheenyu abheemiririri na abhabheeri bha erikanisa, na bheenyu abhantu bhonsego bha Waryubha bhanú mwagwatana na Kiristu Yeesu, Firipi eyo.

Abhafiripi 1:2

Turabheendera eriruguto na omurembe okurwa ku Taata Waryubha na ku Mukuru Yeesu Kiristu, bhibhe hamwi na bheenyu.

Abhafiripi 4:19

Mbe, Waryubha waani, aribhahaana kira kinú mureenda okuringʼaana na obhuniibhi bhwaye obhukuru. Arikora ego, kwa enjira ya Kiristu Yeesu.

Abhafiripi 4:21

Munkeeranirye abhantu bha Waryubha bhonsego, bhanú bhaagwatana na Kiristu Yeesu. Abheekirirya bhanú bharingi hamwi na oni enu, bhonse bharabhakeeranʼya.

Abhafiripi 4:9

Mugendererye okukora amangʼana ganú mweehigira na okugwata okurwa kuoni, ganú mweegwa na okurora ndakora. Muraakore gayo, nho Waryubha unú arabhahaana omurembe, arigendererya okubha hamwi na bheenyu.

Abhakorosai 3:15

Omurembe okurwa ku Kiristu gutunge mumitima gyenyu. Bheenyu mubheeri omubhiri gumwi, kwa ego, mubhirikiirwe okwikara kwa omurembe. Kweki mubhe abhantu bha omukumo.

2 Abhatesaronike 3:16

Bhoono, Omukuru Yeesu omwene, obhusimuka bhwa omurembe, abhenga arabhahaana omurembe eribhaga ryonsego, kwa eginjira gyonsego. Weeki abhe hamwi na bheenyu bhonsego.

Abhaebhurania 13:20

Mbe, Waryubha wa omurembe yaamuhyukya Omukuru weetu Yeesu. Yeesu m-Muriisya Omukuru wa amangʼondi kwa enjira ya okwitira amanyinga gaaye hanú yaakwa kumusarabha. Amanyinga gaaye gareemiririra eriragano rya koko.

Yuda 1:1

Enyarubha inu, erwiri kuoni Yuda, omugaya wa Yeesu Kiristu na omumura waabho Yakobho. Ndabhangʼoorera bheenyu bhanú mwabhirikirwa na Taata Waryubha, bheenyu bhanú mureekara mubhuhanje bhwaye, na okwangararirwa bhwaheene na Yeesu Kiristu.

Obhukundukuri 1:4

Enyarubha inu, erwiri kuoni Yoana. Ndabhangʼoorera bheenyu abheehigira bha Yeesu bha mumakanisa muhungati ganú garingi mukyaro kya Asia. Ndabheendera eriruguto na omurembe okurwa ku Waryubha unú ariho, unú yaaringa-ho okurwa obhusimuka na unú aribha-ho, na okurwa kumitima muhungati ginú giringi embere ya ekitumbi kya ekikama,

Obhukundukuri 2:17

“Unú yaana amatwi yeegwe, amangʼana ganú Omutima Omurabhu arakeerya amakanisa. Omuntu unú arihiga, ndimuhaana-ko ebhyakurya bhinú bhirabhirikirwanga ega, mana inú ebhisirwe. Kweki ndimuhaana erigina erirabhu. Erigina riyo, ringʼoorerwe-ko eriina erihya, rinú atariho omuntu wowonse unú ararimanya, nawe ngʼ-unú arahaanwa erigina riyo omwenego ngʼo ararimanya.”